Sad Song 2:5 - Hawaii Pidgin Bible

⁵ Da Boss come jalike one guy dat stay agains us guys, He wase da Israel peopo. He wase all dea palaces. He bus up dea strong wall. He make plenny Judah peopo moan Cuz dey stay real sad inside.

Sad Song 2:5 ပူးပေါင်းရင်းမြစ်များ

2 Kings 25:9

He burn down da Temple Fo Da One In Charge, da king palace, all da houses inside Jerusalem, an ery importan building.

Job 13:24

How come you hide yoa face? How come you ack jalike I agains you?

Job 19:11

He stay real huhu wit me. He tink bout me jalike I one a da guys dat stay agains him.

Songs 89:40

Da king get one strong wall aroun him, But you knock um down! You bus up ery place wea da king hide!

Songs 89:41

All da peopo dat pass by dea, Dey cockaroach da king stuffs. All da peopos dat live nea him, Dey tell stink kine joke bout him.

Isaiah 29:2

Still yet, I goin make hard Fo da peopo inside Ariel town. Dey goin stay sad an sore inside. Bumbye Ariel town goin be fo me, Jalike da kine town I like um fo be.

Isaiah 63:10

But his peopo, still yet dey go agains him, An make his Good An Spesho Spirit stay sad inside. So he tell ‘Laytas’ to dem. An he fight dem.

Jeremiah 15:1

Den Da One In Charge tell me: “No matta if Moses an Samuel stay stan in front me praying, no way I goin feel pity fo dis peopo! Take dis peopo away from me!

Jeremiah 21:4

‘Dis wat Da One In Charge, da God fo da Israel peopo, tell: You know da swords an odda tings fo fight dat you guys carry, dat you guys use fo fight da king fo Babylon an da Babylon army guys? I goin take dose tings, an use um fo hurt you guys! Da Babylon army guys stay outside yoa wall all aroun yoa town, Jerusalem, but I goin bring um all inside da middo a dis town!

Jeremiah 30:14

All da nations dass was yoa frenz foget you awready. Dey no give a rip bout you. I wen wack you jalike I one guy dat stay agains you. I wen punish you jalike I one mean guy. Cuz you get da blame fo plenny tings, All da bad kine stuff you wen do.

Jeremiah 52:13

Him an his guys burn down da Temple Fo Da One In Charge, da king palace, an all da houses inside Jerusalem, wea da importan peopo live befo time.

Sad Song 2:2

Jalike da Boss wen wase all da houses fo da Jacob peopo. He no mo pity fo dem. He bus up da strong wall aroun da Judah peopo, Cuz he stay real huhu agains da peopo. He make da king an da princes lose face. He bring um down to da groun, Cuz nobody get respeck fo dem now.

Sad Song 2:4

Jalike God stay agains us guys, he make his bow ready. His right hand stay ready fo shoot da arrow. He kill erybody dat us guys love da mostes. Cuz he real huhu, jalike he dump fire On top da place wea da Jerusalem peopo live!

Ezekiel 2:10

An he open um up in front me. On top da front side an da back side get some words, dat peopo sing wen dey stay sad inside, wen dey suffa long time, an wen dey cry.

1 Samuel 28:16

Samuel tell, “Fo shua, Da One In Charge stay tell ‘Laytas’ to you, an no lissen you. He start fo go agains you awready. So! How come you aks me, aah?!