Sad Song 2:4 - Hawaii Pidgin Bible

⁴ Jalike God stay agains us guys, he make his bow ready. His right hand stay ready fo shoot da arrow. He kill erybody dat us guys love da mostes. Cuz he real huhu, jalike he dump fire On top da place wea da Jerusalem peopo live!

Sad Song 2:4 ပူးပေါင်းရင်းမြစ်များ

2 Records 34:21

“Go find out from Da One In Charge wassup, fo me an fo all da peopo dat still stay inside Israel an Judah! Aks um bout wat da book tell, da one dey wen find. Cuz fo shua, Da One In Charge awready come real huhu wit us guys! Oua ancesta guys neva do wat Da One In Charge tell um fo do. Dey neva make how Da One In Charge tell inside dis book!”

2 Records 34:25

Cuz da peopo wen bag from me. Dey make sacrifice fo da odda gods. I stay real piss off cuz a all da idol kine stuff dey wen make wit dea hands. I goin stay real huhu wit dis place, an no mo notting goin change dat!’

Job 19:11

He stay real huhu wit me. He tink bout me jalike I one a da guys dat stay agains him.

Job 6:4

Jalike Da God Dat Get All Da Powa wen shoot me wit arrows, An da arrows get poison dat jam me up inside! God do all kine stuff dat make me sked!

Songs 37:14

Da bad guys, dey pull out dea sword An make ready dea bows an arrows Fo kill da guys dat suffa plenny, An da guys dat no mo notting. Da bad guys like kill da peopo dat live da right way.

Songs 7:13

God goin make ready da tings he use fo kill, An he goin light his fire arrows.

Isaiah 42:25

So, dass how come Da One In Charge wen come real huhu Wit da Israel peopo, an punish dem. He make odda peopo go make war agains dem. Da war jalike get fire all aroun dem, But dey still yet no undastan! Da fire wipe dem out, But dey still yet no tink!

Isaiah 63:10

But his peopo, still yet dey go agains him, An make his Good An Spesho Spirit stay sad inside. So he tell ‘Laytas’ to dem. An he fight dem.

Isaiah 63:6

I walk all ova da diffren peopos fo punish dem Jalike dey da grapes, cuz I stay huhu. I make da peopos stagga jalike dey piloot, Cuz I stay huhu still yet, An I make dea blood pour out all ova da groun.’ ”

Jeremiah 10:20

My tent stay all bus up. All da tent ropes stay broke. My kids stay gone from me awready. No mo dem. No mo nobody stay hea fo help me put up my tent one mo time An stretch out da tent cova.

Jeremiah 21:12

You David ohana guys, dis wat me, da Boss, tell: “ ‘Wen you guys judge da peopo, Do wass right ery morning. No let da guys dat rip off peopo Put presha one mo time fo da ones dey wen steal from. If you no do dat, I goin come real huhu jalike fire, Cuz you guys do bad kine stuff. An no mo nobody goin pio dat fire!

Jeremiah 21:5

Goin be me dat use my strong powa fo fight you guys! Cuz I stay real huhu, an I no like wat you guys do.

Jeremiah 30:14

All da nations dass was yoa frenz foget you awready. Dey no give a rip bout you. I wen wack you jalike I one guy dat stay agains you. I wen punish you jalike I one mean guy. Cuz you get da blame fo plenny tings, All da bad kine stuff you wen do.

Jeremiah 36:7

Da One In Charge tell awready, he stay real huhu wit dis peopo an tell ‘Laytas’ to wat dey do. But dey get chance. Dey go in front Da One In Charge, an beg him fo make good to dem. An get chance too, dat all dem no goin do bad kine stuff no moa!”

Jeremiah 4:4

Cut skin yoa boys fo show dat dey da peopo a Da One In Charge. Make same kine inside you, Fo show dat inside, you da peopo a Da One In Charge, fo real kine! Cuz if you guys not pono inside, Den I talking to you guys from Judah, An you peopo dat live inside Jerusalem town: I tell, I no like show how mad I stay agains you guys, An burn you up jalike wit fire! But if you guys stay do real bad kine stuff still yet, Den no goin get nobody dea fo pio dat fire!”

Jeremiah 42:18

“Cuz dis wat Da One In Charge, da God Ova All Da Armies, da God fo da Israel peopo, tell: ‘Jalike I come huhu an tell “Laytas” to wat da peopo dat wen stay inside Jerusalem do, same ting az how I tell “Laytas” to wat you guys goin do wen you go Egypt side. Peopo goin sing sad songs an cry loud kine bout you guys. Dey goin tink az skery wat happen to you. Dey goin like put kahuna on top you guys, an poin finga you guys an laugh at you. An you guys no goin see dis land no moa.’

Jeremiah 7:20

“Az why Da One In Charge a me tell: ‘You know wat I goin do to dis place?! I goin come real huhu, an I had it wit wat dis peopo do. Az why da peopo inside dis place hea, an da animals, da trees, an da stuffs dat grow on top da groun—eryting goin burn, an no mo nobody can pio da fire!’ ”

Sad Song 1:13

“From da sky he sen fire Down inside my bones. He spread one net fo catch my feets, An make me turn an go back. He make me come all wipe out, Ready fo pass out all day.

Sad Song 2:5

Da Boss come jalike one guy dat stay agains us guys, He wase da Israel peopo. He wase all dea palaces. He bus up dea strong wall. He make plenny Judah peopo moan Cuz dey stay real sad inside.

Sad Song 3:3

Fo shua, Da One In Charge stay go agains me Erytime, all day.

Sad Song 4:1

Bummahs! Oua bestes peopo stay jalike gold dat no shine no moa, Jalike pure gold dat no worth notting! Da jewelry stones from da Temple Stay scatta all ova da streets.

Sad Song 4:11

Da One In Charge come real huhu wit dem. He tell “Laytas” to wat dey do. He make one fire inside Jerusalem town, Dat burn down eryting to da foundations, all ova Zion town.

Ezekiel 13:13

“Cuz a all dat, Da One In Charge, da Boss, tell dis: Cuz I stay real huhu an tell ‘Laytas’ to wat you guys do, I goin make storm winds, an hail, an da rain dat make flood, come down an wipe you guys out.

Ezekiel 20:34

Cuz I show how made I stay agains da odda peopos, I goin use my powa fo hemo you guys from wea you stay. I goin bring you guys togedda from all da lands wea you guys stay scatta.

Ezekiel 22:22

Jalike peopo melt da silva inside one fire, you guys goin come melt inside da big town. An you guys goin know dass me Da One In Charge wen show how mad I stay agains you guys.”

Ezekiel 24:25

Den Da One In Charge tell me, “Eh! Fo Real Kine Guy! I goin take away dea Temple dat get strong wall dat da Israel peopo figga goin proteck dem, dea beautiful place dat make um stay real good inside, da place dey like see, da place dey get love an aloha fo—an I goin take away dea boys an girls too!

Ezekiel 36:18

Az why I wen punish da Israel ohana peopo, jalike I show how mad I stay agains dem. I do dat cuz dey make peopo bleed an mahke on top da land, an make da land come pilau wit dea idol kine gods.

Ezekiel 5:13

“Den afta I pau punish dem, an afta I no need do dat kine stuff to dem no moa, den dey goin know dass me, Da One In Charge, dat stay do all dis. An dey goin know I wen tell all dis cuz I goin go all out fo help dem! No mo I goin come mad wit dem.

Ezekiel 6:12

Da guy dat stay far away goin mahke wit da real bad kine sick. Da guys dat stay nea goin mahke cuz a da war. An da guys dat still yet stay alive an no mahke from dat goin mahke cuz no mo food. I goin punish dem till I pau come huhu. Afta dat, I no goin stay huhu wit dem no moa.

Ezekiel 7:14

Da army guys goin blow trumpets an erybody goin get ready, but no mo nobody goin make war cuz I stay huhu wit all dem.

Prieses 26:17

I goin go agains you guys fo da guys dat stay agains you guys win ova you guys an come yoa boss. You guys goin run away, even wen no mo nobody stay chase you.

Nahum 1:2

Da One In Charge, da Boss, He one jealous God. He no like fo peopo pray to odda gods. He pay back peopo fo wat dey do. He stay real huhu. Fo shua, he pay back da peopo dat stay agains him. He had it wit wat da peopo do dat go agains him.

Nahum 1:6

Wen Da One In Charge stay real huhu, No mo nobody can stan in front him. Wen he mad, jalike he throw fire on top you. Jalike da cliffs come broke up cuz a him.

Rules Secon Time 32:22

I stay huhu jalike one fire dat stay burn. Da fire dat burn all da way To da bottom a da Mahke Peopo Place, Goin burn up da earth an da food dat grow on top um. Goin burn up da foundations fo da mountains.

1 Samuel 28:16

Samuel tell, “Fo shua, Da One In Charge stay tell ‘Laytas’ to you, an no lissen you. He start fo go agains you awready. So! How come you aks me, aah?!