Sad Song 2:3 - Hawaii Pidgin Bible

³ He chop down da Israel peopo, He make um come weak, cuz he stay real huhu. Wen da peopo dat stay agains dem come nea, He no use his powa fo help dem. He make jalike one fire, burning da Jacob peopo, One fire dat burn up eryting aroun um.

Sad Song 2:3 ပူးပေါင်းရင်းမြစ်များ

2 Records 34:25

Cuz da peopo wen bag from me. Dey make sacrifice fo da odda gods. I stay real piss off cuz a all da idol kine stuff dey wen make wit dea hands. I goin stay real huhu wit dis place, an no mo notting goin change dat!’

Job 16:15

“I wen sew burmbag cloth ova my scabby skin Fo make um stay dea long time. I bury my face inside da dirt, Fo show I stay all wipe out.

Songs 132:17

Inside Jerusalem, I goin make one guy come king Dat get plenny powa. He goin come From King David ohana. He da One I pick awready, An I goin make shua He stay king long time, Jalike one lamp dat stay on foeva.

Songs 74:11

How come you no use yoa powa Fo help us? Take yoa hands outa yoa pocket, An wipe out dem army guys!

Songs 75:10

God tell: “Da peopo dat stay do bad kine stuff, I goin take away all dea powa. Da peopo dat stay do wass right, I goin give dem plenny mo powa.”

Songs 75:5

No go shake yoa fis at da sky O make tantaran, Jalike like you da ony one Get da right fo talk!’ ”

Songs 79:5

Eh! You Da One In Charge! Wen all dis goin come pau?! You goin stay mad all da time, o wat? You goin stay jealous, An burn up inside, o wat?

Songs 89:24

David goin know fo trus me Cuz erytime I do wat I tell. He goin know dat I stay tight wit him. Cuz he my guy, he goin come Mo an mo strong.

Songs 89:46

Eh! You Da One In Charge! How long you goin hide?! Foeva, o wat?! How long you goin stay huhu, Jalike one fire burning?

Isaiah 1:31

Even da strong guys Goin burn up jalike one dry leaf. Eryting dey wen work fo make, Goin come jalike one spark. All da stuff dey make, An da guys dat make um, Goin burn up same time, An no mo nobody can pio da fire.”

Isaiah 42:25

So, dass how come Da One In Charge wen come real huhu Wit da Israel peopo, an punish dem. He make odda peopo go make war agains dem. Da war jalike get fire all aroun dem, But dey still yet no undastan! Da fire wipe dem out, But dey still yet no tink!

Jeremiah 21:14

I goin punish you guys Cuz a da bad kine stuff you guys do. I goin burn up da wood palace inside yoa town, An all da odda stuff inside da town too!’ ” Az wat Da One In Charge tell.

Jeremiah 4:4

Cut skin yoa boys fo show dat dey da peopo a Da One In Charge. Make same kine inside you, Fo show dat inside, you da peopo a Da One In Charge, fo real kine! Cuz if you guys not pono inside, Den I talking to you guys from Judah, An you peopo dat live inside Jerusalem town: I tell, I no like show how mad I stay agains you guys, An burn you up jalike wit fire! But if you guys stay do real bad kine stuff still yet, Den no goin get nobody dea fo pio dat fire!”

Jeremiah 48:25

Us Moab peopo, not strong no moa! Us no mo powa fo fight!’ ” Az wat Da One In Charge tell.

Jeremiah 7:20

“Az why Da One In Charge a me tell: ‘You know wat I goin do to dis place?! I goin come real huhu, an I had it wit wat dis peopo do. Az why da peopo inside dis place hea, an da animals, da trees, an da stuffs dat grow on top da groun—eryting goin burn, an no mo nobody can pio da fire!’ ”

Sad Song 1:13

“From da sky he sen fire Down inside my bones. He spread one net fo catch my feets, An make me turn an go back. He make me come all wipe out, Ready fo pass out all day.

Sad Song 4:11

Da One In Charge come real huhu wit dem. He tell “Laytas” to wat dey do. He make one fire inside Jerusalem town, Dat burn down eryting to da foundations, all ova Zion town.

Ezekiel 13:13

“Cuz a all dat, Da One In Charge, da Boss, tell dis: Cuz I stay real huhu an tell ‘Laytas’ to wat you guys do, I goin make storm winds, an hail, an da rain dat make flood, come down an wipe you guys out.

Ezekiel 7:14

Da army guys goin blow trumpets an erybody goin get ready, but no mo nobody goin make war cuz I stay huhu wit all dem.

Nahum 1:6

Wen Da One In Charge stay real huhu, No mo nobody can stan in front him. Wen he mad, jalike he throw fire on top you. Jalike da cliffs come broke up cuz a him.

Malakai 4:1

Dis wat Da One In Charge, Da God Ova All Da Armies tell: “You know wat I goin do? Fo all da peopo dat ack jalike dey mo betta den erybody, An fo all da peopo dat stay do bad kine stuff— Da time goin come, wen dose peopo goin come Jalike da lef ova junk kine stuff from da wheat Dat peopo burn up inside one hot burning oven! No goin get notting lef, Not even da roots, not even da branches!

Luke 1:69

He give us one Guy dat get da powa Fo get us outa da bad kine stuff we stay in. Dat Guy come from King David ohana, Da king dat work fo God.

Luke 3:17

Dat mean, da Christ Guy goin punish da peopo dat stay do bad kine stuff. Jalike one farma guy put da wheat inside da basket an let da wind blow out all da junk kine stuff from da wheat, den he put da wheat inside da storage place. Afta dat, he burn da junk kine stuff.”

Rules Secon Time 32:22

I stay huhu jalike one fire dat stay burn. Da fire dat burn all da way To da bottom a da Mahke Peopo Place, Goin burn up da earth an da food dat grow on top um. Goin burn up da foundations fo da mountains.