Sad Song 2:12 - Hawaii Pidgin Bible

¹² Dey tell dea muddahs, “Wea someting fo eat an drink?” Dey pass out jalike army guys dat stay all bus up On top da open squares inside Jerusalem. Dey stay alive fo ony short time inside dea muddahs arms.

Sad Song 2:12 ပူးပေါင်းရင်းမြစ်များ

Job 30:16

“An now all poho my life stay now! Make me suffa plenny ery day.

Songs 42:4

I spill my guts, Cuz I no foget how was befo time. Dat time, I wen go In front plenny peopo Fo bring dem by da Temple fo God, Wit erybody amping out Cuz dey stay real good inside. Had choke plenny peopo stay tell God “Mahalo plenny!” An all dem go togedda fo pray to him!

Songs 62:8

Eh you peopo! Trus God foeva! Tell him eryting you tink bout! God, he da One Stay hide us guys from trouble. (Time out fo da music.)

Isaiah 51:20

Yoa boys pass out. Dey lay down dea, da end a ery road. Jalike one deer dey catch inside one net. Yoa God, Da One In Charge, stay real huhu wit dem. An stay poin finga dem.

Isaiah 53:12

Az why I goin give him his share, Same ting jalike I goin give plenny odda peopo. He goin be jalike one a da strong army guys Dat bring back plenny stuffs from one war An give all da peopo dea share. Cuz he let da peopo kill him, An even count him Jalike he one a da peopo dat go agains me. Him, da one take da blame fo plenny peopo, An pray fo da peopo dat stay go agains me.”

Jeremiah 5:17

Dey goin eat up all da food you guys harves, An all da odda food you get. Dey goin kill all yoa kids. Dey goin eat all yoa cows, sheeps, an goats. Dey goin eat all yoa grapes an figs. No matta you guys trus da big towns dat get strong wall fo proteck you, Dey still goin wipe out all da peopo inside da towns wit dea swords.”

Sad Song 1:11

All dea peopo moan wen dey stay look fo food. Dey trade dea rich kine stuffs fo food fo dem stay alive. Dey tell, “Look, Da One In Charge! Tink bout wass happening, cuz dey tink I no good!”

Sad Song 4:4

Cuz da bebes stay thirsty, dea tongue stick to da top a dea mout. Da kids beg fo food, but nobody give dem even litto bit.

Ezekiel 30:24

I goin make da Babylon king arm come strong, an put my sword inside his hand. But I goin broke Pharaoh arms, an he goin moan in front da Babylon king jalike one guy dat litto mo mahke.