Sad Song 2:11 - Hawaii Pidgin Bible

¹¹ I cry till my eyes no can see notting. I suffa inside my gut. Jalike my heart pour out on top da groun. Cuz my Jerusalem peopo come wipe out awready. Da bebes an da kids pass out On top da streets inside Jerusalem.

Sad Song 2:11 ပူးပေါင်းရင်းမြစ်များ

Job 16:13

Jalike his guys wit bows an arrows Come all aroun fo shoot me. Da arrows split my kidneys, An he no kea! Dey hit my liva An da bile spill out on da groun.

Job 30:27

Inside me eryting come mix up an no stop. I goin suffa long time moa.

Songs 119:82

Jalike my eyes no can see good Cuz I stay wait long time Fo see you do da ting You wen tell you goin do. So! Wen you goin do someting Fo me no need worry?

Songs 22:14

My life, jalike all pau awready, Jalike you dump watta on top da groun. All da bones inside my body, all hamajang. I feel jalike I stay melting inside, Jalike sof wax.

Songs 31:9

Eh! You Da One In Charge! Do good tings fo me, Cuz I get all kine presha! My eyes, tired Cuz I stay sad inside an cry plenny. My body, an inside me, same ting.

Songs 38:8

I stay real tired an bum out to da max. Cuz I stay sad inside, Dass why I stay moaning.

Songs 6:7

Cuz I get plenny trouble, My eyes look tired an come weak. Cuz a all da peopo dat stay agains me, My eyes no stay strong no moa.

Songs 69:3

I yell to you real plenny fo you help me. Az why I stay tired! Az why my throat feel jalike stay burn, An my eyes come weak. You my God, I stay wait Fo you fo do someting.

Isaiah 22:4

Dass why I tell dis, “Go way! No look at me! Let me cry hard! No try make me feel good inside Cuz dey wipe out my peopo! My peopo, dey jalike one wahine, Gone awready, eryting dey get.

Isaiah 38:14

I make noise jalike da swallow bird o da heron bird. An make sad kine noise jalike one dove. I try fo look up to you in da sky, But my eyes too tired, I can ony look down. I get plenny presha! Help fo take kea me, my Boss!

Isaiah 51:20

Yoa boys pass out. Dey lay down dea, da end a ery road. Jalike one deer dey catch inside one net. Yoa God, Da One In Charge, stay real huhu wit dem. An stay poin finga dem.

Jeremiah 14:17

“Tell um dis: ‘Let me cry plenny fo you guys Day time an nite time. I cry fo my peopo Cuz I love dem Jalike I love my young girl, Cuz dey all bus up an hurt bad!

Jeremiah 4:19

Den Jeremiah tell, “Bummahs! I suffa plenny! I plenny sore cuz I hurt inside. My heart stay poun hard inside, I gotta tell someting! Cuz I hear da soun from da trumpets fo start fo fight! I hear da army guys yell!

Jeremiah 44:7

“An now, dis wat Da One In Charge, da God Ova All Da Armies, da God fo da Israel peopo, tell: ‘How come you guys stay do all dis real bad kine stuff? You da ones get hurt cuz a dat. You guys cut off erybody from da Judah land, da guys, da wahines, da kids, an da small bebes. An cuz a dat, no mo nobody from yoa peopo alive ova dea.

Jeremiah 8:19

Lissen how da peopo dat I get love an aloha fo Cry fo me help um From da lands dat stay far away. Dey tell: ‘Da One In Charge, he no stay Mount Zion, o wat? No mo da King ova dea, o wat?’ ” Da One In Charge tell, “Dey try make me come huhu Cuz a dea idol kine gods, Dea gods from anodda place dat good fo notting?”

Sad Song 1:11

All dea peopo moan wen dey stay look fo food. Dey trade dea rich kine stuffs fo food fo dem stay alive. Dey tell, “Look, Da One In Charge! Tink bout wass happening, cuz dey tink I no good!”

Sad Song 1:16

“Dass why I stay cry plenny. No mo nobody stay nea fo make me feel mo betta. No mo nobody stay hea fo make me come strong inside. My kids, no mo notting. Cuz da peopo dat stay agains us guys win awready!”

Sad Song 1:20

“Eh! Da One In Charge! Look how I stay bum out! I stay suffa inside. I stay lose fight. Cuz I wen go agains you fo real kine. Outside in da street, da army guys kill da peopo. Inside da house, peopo mahke.

Sad Song 5:17

Cuz a dis, us not strong inside. Cuz a all dis, oua eyes see ony litto bit.

Luke 23:29

Cuz da time goin come wen you goin tell, ‘Lucky now, da wahines dat no mo kids, da wahines dat neva born kids, an da wahines dat neva breas feed kids!’

1 Samuel 30:4

David an his guys cry plenny, till dey not strong enuff fo cry no moa.