Sad Song 1:8 - Hawaii Pidgin Bible

⁸ Da Jerusalem peopo wen do plenny bad kine stuff. Dey come pilau an no can go in front God. All da peopo dat wen show respeck fo dem, Now dose peopo make to dem jalike dey no worth notting. Az jalike da Jerusalem peopo stay naked. Dey moan an dey stay plenny shame.

Sad Song 1:8 ပူးပေါင်းရင်းမြစ်များ

Start 3:7

Right den an dea, dey undastan, jalike dea eyes come open. Dey know dat dey stay naked, an dey go get plenny fig leaf an sew um togedda fo make someting fo cova da middo.

1 Kings 9:6

“You an da guys dat goin come king afta you, you betta not go da wrong way, an you betta stay tight wit me. An you gotta do eryting jalike I tell you fo do, cuz I get da right fo tell you how you gotta do um. You betta not let da gods from da odda peopos come yoa bosses, an go down in front dem fo show dem love an respeck.

1 Kings 9:7

If you guys jam up, den I goin throw out da Israel peopo from da land I wen give um. Dat Temple dat I wen make spesho fo me, da place fo show wat kine god me, I no goin kea bout dat place no moa. An wen all da odda peopos tink bout da Israel peopo, dey goin tell bad kine stuff bout dem, an tell, ‘Watch out! You goin come jalike da Israel peopo!’

1 Kings 9:9

An odda peopo goin tell um, ‘Az cuz da Israel peopo no like lissen Da One In Charge, dea God dat wen bring dea ancesta guys outa Egypt. Dey wen go wit odda kine gods, go down in front dem an make da odda gods dea bosses. Az why Da One In Charge wen punish dem.’ ”

Isaiah 47:3

Den erybody goin see you Babylon guys naked. You goin come shame. I goin pay you guys back. I no goin let nobody go.

Jeremiah 13:22

Wen you guys start fo tink, “How come all dis stay happen to us?” All dis happen cuz you guys stay do plenny bad kine stuff. Az why dea army guys goin rip off yoa clotheses An rape you!

Jeremiah 13:26

Jalike I pull up yoa robe ova yoa face. An erybody goin see yoa shame.

Jeremiah 15:4

I goin make all da diffren peopos an dea kings come bum out all ova da earth cuz a wat Manasseh, King Hezekiah boy, wen do inside Jerusalem.”

Jeremiah 24:9

I goin make to dem jalike peopo make to rotten figs, so all da odda kings inside da world an dea peopo goin tink horraz bout dem. Dey goin talk bout dem jalike da rotten fig nobody like. Dey goin make fun a dem. An dey goin use dea name fo put kahuna on top peopo wea eva I sen dem.

Jeremiah 32:23

Dey come inside hea an take um ova. But dey no lissen wat you tell um, o stick wit da rules you wen teach um. Dey no live how you tell dem fo live. Az why you bring all dis bad kine stuff on top dem.

Jeremiah 34:17

“Az why dis wat Da One In Charge tell: ‘You guys no lissen me. You guys neva let yoa braddahs da Jew slave guys go fo real kine. So now, me Da One In Charge, I goin let you guys go too—so you goin mahke from war, from da bad kine sick, an from no mo food. I goin make all da countries all ova da world an dea kings come bum out wen dey tink bout you guys.

Jeremiah 4:31

“I hear somebody yell jalike one wahine dat stay hurt plenny! She moan jalike she stay born her firs bebe. Az da Jerusalem peopo yelling! Jalike dey stay try fo breave but no can. Jalike dey put out dea hands an tell, ‘Bummahs! Help me! I goin pass out! Da guys dat like kill me stay hea!’ ”

Jeremiah 6:28

Den I tell Da One In Charge: “All dem guys bag from you! Dey stay hard head, Jalike dea head bronze an iron metal. Ery place dey go, dey tell bad kine stuff bout you. All a dem guys make eryting come pilau!

Sad Song 1:11

All dea peopo moan wen dey stay look fo food. Dey trade dea rich kine stuffs fo food fo dem stay alive. Dey tell, “Look, Da One In Charge! Tink bout wass happening, cuz dey tink I no good!”

Sad Song 1:17

Da Zion peopo put out dea hands, But no mo nobody stay fo make dem feel mo betta. Da One In Charge tell dat fo da peopo dat come from Jacob, Da peopo dat live nea dem goin stay agains dem. Fo dose peopo, Jerusalem goin be jalike one pilau rag.

Sad Song 2:10

Da older leadas fo Jerusalem sit on top da groun, an no talk. Dey sprinkle dirt on top dea heads. An dey wear burmbag clotheses fo show dey stay sad. Da young wahines from Jerusalem lay on da groun an put dea face in da dirt, Fo show dey stay sad inside.

Sad Song 4:21

You Edom peopo tink you can stay good inside, You guys dat live inside da Uz land. But bad tings goin happen to you guys too. Jalike you guys goin get piloot, an take off all yoa clotheses.

Ezekiel 23:29

Dey goin come down hard on you cuz dey hate you. Dey goin take away eryting you wen work fo. Dey goin leave you naked, an show erybody how plenny shame you get wen you fool aroun fo money.

Ezekiel 23:46

“Dis wat Da One In Charge, da Boss, tell: Bring one army agains dem an give da army guys da right fo make um come sked an rip um off.

Ezekiel 39:23

An da diffren nations goin know dat da Israel peopo wen come prisonas an go far away cuz dey do wass wrong, an I no can trus um. Az why I hide from dem an let da peopo dat like fight dem get powa ova dem. An dey all get kill wit swords.

Hosea 2:10

So now I goin show erybody how she make shame Wen da guys dat make sex wit her stay watch. Den no mo nobody goin take her outa my powa.

Hosea 2:3

If she no pau make lidat, Den I goin make her come naked Jalike da day she wen born. I goin make her come jalike da boonies An jalike da dry land. An den she goin come thirsty an mahke.

Jesus Show 3:18

“ ‘Now I goin tell you guys wat I like you guys fo do. Fo come rich inside, come by me an get da stuff you guys need. Dass jalike you guys goin buy da bestes kine gold, da kine dat dey put inside da fire fo take out da junk kine stuff. An den you guys come by me an buy white clotheses fo put on, fo take away da shame, cuz jalike you guys no mo clotheses! An den you guys come by me an buy da kine medicine fo put on top yoa eyes fo you guys see fo real kine!

1 Samuel 2:30

“ ‘Me, Da One In Charge, da God fo da Israel peopo. Az why I tell you dis: I wen make one promise dat yoa ohana, an yoa ancesta Aaron ohana, goin live in front me foeva. But cuz me Da One In Charge, I tell you dis too: No way goin be how stay now! Cuz da peopo dat show respeck fo me, I goin show respeck fo dem. But da peopo dat make to me jalike I notting, I goin put kahuna on top dem!