Sad Song 1:6 - Hawaii Pidgin Bible

⁶ All da awesome stuff dat da Zion peopo get befo time, gone awready. Da princes stay jalike one deer dat no mo notting fo eat. Dey stay too weak fo run away From da hunta guys dat chase um.

Sad Song 1:6 ပူးပေါင်းရင်းမြစ်များ

2 Kings 19:21

Me, Da One In Charge, I get someting fo tell agains him: “ ‘Eh, King Sennakerib! All da wahines from Zion Hill Hate yoa guts an make fun a you. Dey goin stick finga at you wen you run away.

2 Kings 25:4

Den da Babylon army guys broke thru da Jerusalem wall. Same time, all da Judah army guys leave da town, nite time. Dey no kea da Babylon guys stay all aroun da town. Dey go thru one gate in da middo a da two small kine walls nea da king garden, den dey run away go inside da Jordan Riva valley.

2 Kings 25:5

But da Babylon army chase King Zedekiah. Dey catch um up wea da valley come flat nea Jericho town. All da Zedekiah army guys go all ova da place an run away.

Songs 50:2

From Mount Zion, Da bestes looking place, Dass da place wea God show How awesome he stay!

Songs 96:9

Wen Da One In Charge let you see How good an spesho he stay, Go down in front him Fo show love an respeck! You peopos from all ova da world, Goin come sked an shaking in front him!

Isaiah 1:21

Bummahs! You see da peopo inside da big town Dat I wen trus befo time, Dey come jalike one hoa. Befo time, dey stay tight wit me, An wen dey judge peopo, dey do um da right way. All da time dey stay do wass right. But now, ony get guys ova dea Dat ony like kill peopo!

Isaiah 12:6

Yell loud! Yell cuz you guys feel good inside, All you peopo dat live inside Jerusalem town! Cuz da Good An Spesho God fo da Israel peopo Stay wit all you guys, Az why you know he da greates!”

Isaiah 4:5

Da One In Charge goin make one cloud Ova da Temple on top Mount Zion An ova erybody dat stay come togedda dea Fo show him respeck wen he tell um fo come by him. Day time, goin get one cloud wit smoke ova dem, Nite time, goin get one real bright fire ova dem. Ova all dis awesome stuff goin get one cova, Jalike one tent ova erybody.

Jeremiah 13:18

Go tell da king an da queen muddah dis: “Go come down from yoa thrones. Sit in da dirt an come notting. Cuz yoa beautiful crowns Goin come down from yoa head.”

Jeremiah 29:4

Dis wat Da One In Charge, da God Ova All Da Armies, da God fo da Israel peopo, tell: Dis letta fo all you prisona guys dat I wen take from Jerusalem to Babylon.

Jeremiah 47:3

Wen da peopo hear da horses running, dey goin yell, Wen da war wagons come, da groun goin shake an da peopo goin feel um. Da muddah-faddah guys no goin do notting fo help dea kids. Dey lose fight cuz dey no can do notting.

Jeremiah 48:41

Da nation dat stay come Goin take ova da towns. Dey goin capcha all da place dat get strong wall. Dat time, da Moab army guys Goin suffa, jalike one wahine Dat suffa wen she born one bebe.

Jeremiah 52:11

Den he tell his guys dig out Zedekiah eyes, tie him up wit bronze leg chains, an take him Babylon side. Dey put him inside da prison, an he stay dea till he mahke.

Jeremiah 52:13

Him an his guys burn down da Temple Fo Da One In Charge, da king palace, an all da houses inside Jerusalem, wea da importan peopo live befo time.

Ezekiel 24:21

fo tell da Israel ohana peopo dis message: Lissen up! I almos ready fo make pilau da place dat stay spesho fo me. Dass my Temple! Az da place wea you guys feel proud, cuz you figga dat place goin proteck you, az da place you like da bestes, an az da place you get plenny love an aloha fo. But wen da Babylon guys make you guys prisonas an take you away, yoa boys an girls you no can take wit you, goin get kill wit swords!

Ezekiel 24:25

Den Da One In Charge tell me, “Eh! Fo Real Kine Guy! I goin take away dea Temple dat get strong wall dat da Israel peopo figga goin proteck dem, dea beautiful place dat make um stay real good inside, da place dey like see, da place dey get love an aloha fo—an I goin take away dea boys an girls too!

Rules Secon Time 28:25

“Da One In Charge goin make da peopo dat stay agains you guys win ova you. You goin go fo attack dem from one place, but run away from dem to seven places. Peopo in all da diffren countries on top da earth goin come bum out wen dey tink bout you guys.

Rules Secon Time 32:30

Dey no tink how come one army guy Make one tousan Israel army guys run away! O how come two a dea army guys Make ten tousan Israel army guys run away! Ony one way dat can happen! Gotta be, Da One In Charge bag from dem! Da One dat befo time stay strong Jalike one Rock fo dem, But now, he give up on dem!