Sad Song 1:4 - Hawaii Pidgin Bible

⁴ Da roads dat go Mount Zion, jalike dey stay sad, Cuz no mo nobody go da spesho religious ceremonies. All da town gates, no mo nobody dea. Da pries guys moan. Da young wahines stay sad, Jalike Mount Zion stay suffa plenny.

Sad Song 1:4 ပူးပေါင်းရင်းမြစ်များ

Isaiah 3:26

Inside da gates a Jerusalem town, Da wahines goin sit down on top da groun, An cry an stay sad inside cuz no mo dea guys.”

Jeremiah 10:22

You know wat?! Get news: One big army stay coming From da land north side! Soun jalike one earthquake! Da army stay come Fo bus up all da Judah towns, Fo ony da jackal kine wild dogs live hea.”

Jeremiah 14:2

“Da Judah peopo stay sad inside. Da big towns no mo biznis. Da peopo sit on top da groun An cry bout da land, jalike get one funeral. All da Jerusalem peopo stay yell fo help.

Jeremiah 9:11

Da One In Charge tell, “I goin make Jerusalem town come one rubbish pile. Ony goin get wild jackal dogs ova dea. I goin wipe out da Judah towns Fo no mo nobody live ova dea.”

Sad Song 1:21

“Peopo hear me moan, But no mo nobody come fo make me feel mo betta. All da peopo dat stay agains me wen hear I get trouble, An dey dance an sing cuz a wat you, Da One In Charge, wen do. I like you make da tings happen dat you wen promise goin happen, Fo dem suffa jalike I suffa!

Sad Song 5:13

Da young guys bus ass fo push da heavy stones fo grind da wheat. Da boys almos fall down cuz dey carry heavy wood.

Sad Song 5:14

Da older leadas stay away from da town gate now. Da young guys no play dea music no moa.

Hosea 2:13

I goin punish her fo all da times She go burn incense fo da Baal idols. She put on plenny rings an jewelry. She go wit da guys dat make sex wit her, But she foget bout me.” Az wat Da One In Charge tell.

Prieses 26:22

I goin sen wild kine animals agains you guys. Dey goin kill yoa kids, an wipe out yoa cows. Dey goin make you guys come ony litto bit peopo, den no mo nobody goin walk on top da roads inside yoa land.

Micah 3:12

Fo shua, cuz a you guys, Da peopo dat stay agains us goin plow Mount Zion jalike az one field. Jerusalem town goin come all bus up. Da hill wea da Temple Fo God stay, Goin get ony bushes all ova.”