Sad Song 1:22 - Hawaii Pidgin Bible

²² “I like you see all da bad kine stuff dey do. Pay um back hard! Jalike you wen pay me back hard, Fo all da stuff I wen do agains you. I stay moan plenny, An I stay weak an sad inside.”

Sad Song 1:22 ပူးပေါင်းရင်းမြစ်များ

Songs 143:7

Try do someting fo me real quick, Da One In Charge! Cuz I desperate! No look da odda way Fo me no see yoa face! Cuz if I no stay tight wit you, I goin come jalike da odda guys Dat go down da Deep Dark Hole.

Songs 79:10

No good da odda peopos Dat donno you tell, “Eh! Dem guys god, wea he stay?!” Da odda peopos, dey wen make Da peopo dat stay work fo you Bleed an mahke. So pay um back plenny fo dat. Let dose peopo know, Dat you da one punish um lidat, An let us guys see you do um.

Isaiah 13:7

Cuz a dis, all da Babylon peopo goin come weak An lose fight.

Jeremiah 10:25

Mo betta you throw yoa huhu On top da nations dat donno you, An wit da ohanas dat donno wat kine god you, An dey no call you fo help dem. Cuz dem, dey kill us peopo dat get Jacob fo oua ancesta, An dey bus up da land wea we live.”

Jeremiah 18:23

But you, Da One In Charge, you know all dea plans fo kill me. No let dem go cuz a da wrong tings dey do! Make dem so dey no can stay tight wit you Wen dey get da blame fo do wat stay wrong. No foget da bad kine stuff dey do in front you! Make um fall down in front you! Make to dem how you like wen you stay real huhu!”

Jeremiah 30:16

Still yet, erybody dat wipe you out, I goin wipe dem out too. Erybody dat stay agains you, Dey all goin come prisonas an go one far place. Erybody dat steal stuffs from you, I goin steal dea stuffs too.

Jeremiah 51:35

‘We like da Babylon peopo get da blame Fo how dey wen bus up us guys an oua relatives.’ Az wat da peopo dat live on Mount Zion tell. ‘Dey get da blame fo make oua peopo bleed an mahke.’ Az wat da peopo dat live inside Jerusalem town tell.”

Jeremiah 8:18

Jeremiah tell, “I real sad! No way I can come good from dat! Inside, I come weak.

Sad Song 1:13

“From da sky he sen fire Down inside my bones. He spread one net fo catch my feets, An make me turn an go back. He make me come all wipe out, Ready fo pass out all day.

Sad Song 5:17

Cuz a dis, us not strong inside. Cuz a all dis, oua eyes see ony litto bit.

Luke 23:31

Cuz if dey stay do dis kine stuff to one good guy like me, wat goin happen to da peopo dat not good?”

Efesus 3:13

Az why I stay tell you guys, no come bum out jus cuz I stay suffa plenny fo you guys. I do all dis fo peopo know how awesome you guys stay.

Jesus Show 6:10

Da peopo spirits talk loud, an tell, “Eh, you Da One In Charge! You get all da powa! You spesho, an you tell da trut! How long mo we gotta wait till you come fo judge all da peopo hea on top da earth an punish dem? Cuz dey wen kill all us guys!”