Sad Song 1:19 - Hawaii Pidgin Bible

¹⁹ “I call out to da peopo I get love an aloha fo, But da way dey ack, no can trus um! My pries guys an my older leadas mahke inside Jerusalem, Wen dey stay look fo food Fo dem stay alive.

Sad Song 1:19 ပူးပေါင်းရင်းမြစ်များ

Sad Song 2:20

“Look, you Da One In Charge! Tink hard! You neva make lidis to odda peopo befo time! You tink da wahines suppose to kill dea kids an eat um, Da ones dat dey take kea dem, o wat?! You tink az good fo kill da pries guys an da guys dat talk fo you, Da One In Charge, Inside da Place Dat Stay Spesho Fo You?!

Sad Song 1:11

All dea peopo moan wen dey stay look fo food. Dey trade dea rich kine stuffs fo food fo dem stay alive. Dey tell, “Look, Da One In Charge! Tink bout wass happening, cuz dey tink I no good!”

Sad Song 1:2

Jerusalem jalike one wahine dat stay cry real hard nite time. Get tears all ova da cheeks. Jalike befo time get plenny guys dat get love an aloha fo her, But now, no mo nobody fo make her feel mo betta. Jalike all her frenz sell her out. Jalike dey go agains her.

Sad Song 5:12

Dey hang up da leadas by dea hands. Dey no show respeck fo da older leadas.

Sad Song 4:17

An oua eyes no can see no moa. Wase time, we try find somebody fo help us. We wen watch from da towas Fo one nation come, but dey no can help us.

Jeremiah 30:14

All da nations dass was yoa frenz foget you awready. Dey no give a rip bout you. I wen wack you jalike I one guy dat stay agains you. I wen punish you jalike I one mean guy. Cuz you get da blame fo plenny tings, All da bad kine stuff you wen do.

Jeremiah 2:28

So, now! Wea da gods stay, Dat you guys wen make fo you?! Let um come, if dey can get you guys outa trouble. Cuz you Judah guys get plenny gods, aah? Jalike you get one god fo ery town!”

Jeremiah 4:30

“All a you Jerusalem peopo, How come you make jalike one jam up wahine, No matta you goin get wipe out quick?! How come you put on fancy kine red dress? How come you put on gold jewelry? How come you paint yoa eyes fo make um look big? You dress up fo notting! Da guys befo time dat get da hots fo you, Dey tink you no good now. Dey like kill you.

Sad Song 1:1

Jerusalem town stay all empty! Befo time get plenny peopo dea. Befo time, Jerusalem was jalike one importan lady, But now, come jalike one widow! Befo time, from all da districks, Jerusalem was jalike dea princess, But now, jalike one slave!