Sad Song 1:11 - Hawaii Pidgin Bible

¹¹ All dea peopo moan wen dey stay look fo food. Dey trade dea rich kine stuffs fo food fo dem stay alive. Dey tell, “Look, Da One In Charge! Tink bout wass happening, cuz dey tink I no good!”

Sad Song 1:11 ပူးပေါင်းရင်းမြစ်များ

2 Kings 6:25

Cuz a dat, no mo food inside Samaria. Az why stay real hard fo dem. Da Aram army guys make camp outside Samaria long time. Az why da head from one donkey fo eat can cost two poun silva, an one small cup pigeon doodoo fo eat can cost bout two ounce silva.

Job 40:4

“Me, I one nobody! No ways I can ansa back you. I shut my mout!

Songs 79:4

Da peopos dat live aroun us guys Make fun a us guys. Dey make any kine to us An talk bad bout us Jalike we notting.

Jeremiah 15:19

Az why Da One In Charge tell me dis: “Jeremiah, if you come sorry an change, I goin let you come back by me An work fo me one mo time. If you tell me stuff dat good fo me hear, An no tell wase time kine stuff, You can talk fo me one mo time. Let dese peopo come do stuff yoa way, But you betta not do stuff dea way!

Jeremiah 19:9

Da Jerusalem peopo goin snap. Az cuz da guys dat stay agains dem an like kill dem goin put dea army guys all aroun outside da town an no let um go get food. Dat time, I goin make dem kill dea boys an girls an eat um. Dey goin eat each odda too.’

Jeremiah 38:9

“Eh, you my king an you da boss! Dese guys wen do one real bad ting to Jeremiah, da guy dat talk fo Da One In Charge! Dey wen put him down inside one big hole fo watta. He goin mahke down dea cuz no mo notting fo eat. Right now, no mo bread inside Jerusalem town, you know.”

Jeremiah 52:6

Den, July 18 dat year, no mo food fo da Jerusalem peopo fo eat, an dey suffa plenny.

Sad Song 1:8

Da Jerusalem peopo wen do plenny bad kine stuff. Dey come pilau an no can go in front God. All da peopo dat wen show respeck fo dem, Now dose peopo make to dem jalike dey no worth notting. Az jalike da Jerusalem peopo stay naked. Dey moan an dey stay plenny shame.

Sad Song 1:9

Dey get da blame fo da bad kine stuff dey do. Az jalike if one wahine get blood on her skirts from her time ery month, Cuz she no tink bout wat goin happen bumbye. Da Jerusalem peopo, dey no tink bout wat goin happen to dem Cuz a da bad kine stuff dey stay do! Da wahine fall down, an dey drop dea jaws. No mo nobody can make her feel mo betta. She tell, “Eh! You Da One In Charge! Try look da hard time us guys get! Cuz da peopo dat stay agains us win awready!”

Sad Song 2:11

I cry till my eyes no can see notting. I suffa inside my gut. Jalike my heart pour out on top da groun. Cuz my Jerusalem peopo come wipe out awready. Da bebes an da kids pass out On top da streets inside Jerusalem.

Sad Song 2:12

Dey tell dea muddahs, “Wea someting fo eat an drink?” Dey pass out jalike army guys dat stay all bus up On top da open squares inside Jerusalem. Dey stay alive fo ony short time inside dea muddahs arms.

Sad Song 2:20

“Look, you Da One In Charge! Tink hard! You neva make lidis to odda peopo befo time! You tink da wahines suppose to kill dea kids an eat um, Da ones dat dey take kea dem, o wat?! You tink az good fo kill da pries guys an da guys dat talk fo you, Da One In Charge, Inside da Place Dat Stay Spesho Fo You?!

Sad Song 5:1

Eh, Da One In Charge! No foget wat wen happen to us guys. Look! Shame, us guys!