Sad Song 1:1 - Hawaii Pidgin Bible

¹ Jerusalem town stay all empty! Befo time get plenny peopo dea. Befo time, Jerusalem was jalike one importan lady, But now, come jalike one widow! Befo time, from all da districks, Jerusalem was jalike dea princess, But now, jalike one slave!

Sad Song 1:1 ပူးပေါင်းရင်းမြစ်များ

1 Kings 4:21

Solomon was da King in charge a all da local kine kings from da Eufrates Riva to da Filisha land, an all da way to da Egypt borda. Da local kine kings bring rich kine gifs fo Solomon an dey work fo him all da time Solomon stay alive.

2 Kings 23:33

Pharaoh Neko make Jehoahaz one prisona Riblah town, inside da Hamat land, an tie him up wit one chain, fo him no stay king inside Jerusalem no moa. An Pharaoh Neko make da Judah peopo pay one big fine, 7,500 poun silva an 75 poun gold.

2 Kings 23:35

Jehoiakim pay da Pharaoh guy da silva an gold fo da fine. But da ony way he can pay wat da Pharaoh tell um, he figga how much da land worth. Den he make da peopo pay one property tax wit silva an gold fo how much land dey own, fo him pay Pharaoh Neko.

2 Records 9:26

Solomon was da main king ova all da odda kings from da Eufrates Riva north side, all da way by wea da Filisha peopo live west side, an to da edge a da Egypt land south side.

Ezra 4:20

Da kings from dat side dat wen live inside Jerusalem an da whole West Eufrates Side, dey was strong, an dey get plenny tax money from ova dea dat side.

Nehemiah 5:4

Odda peopo tell, “Us guys wen sign paypas fo oua land fo plant an fo oua grape farm, fo borrow money from oua peopo fo us pay da tax fo da Babylon King, an we lose eryting if we no can pay um back.

Nehemiah 9:37

All da rich kine stuff dat come from dis land, Go to da king guys dat you put ova us guys, Cuz we wen do bad kine stuff. Dey stay in charge a us an oua animals Fo do wateva dey like do. Us guys presha out plenny Cuz a all dese troubles!”

Songs 122:4

Dass da place wea all oua ohanas go, Da ones dat get Da One In Charge Fo dea boss. Dass da Rule from God Bout how us guys gotta go Jerusalem, Fo tell good tings Bout Da One In Charge. We do dis cuz we know Wat kine god him!

Isaiah 14:12

You Babylon kings, all you, You guys wen shine jalike da morning star, Shining plenny even wen da sun start fo come up. But now, look how you guys fall down from outa da sky! God take you an throw you guys down to da earth, No matta befo time you guys strong an bus up all da peopos.

Isaiah 22:2

All ova Jerusalem town Some a you guys stay yell an moan, An odda guys make party! Same time get mahke guys bodies all ova da place. Nobody wen kill dem wit swords. Dey neva fight in da war, But still yet, dey mahke.

Isaiah 3:26

Inside da gates a Jerusalem town, Da wahines goin sit down on top da groun, An cry an stay sad inside cuz no mo dea guys.”

Isaiah 49:21

Den you Jerusalem peopo Goin tink, “Eh! Who give me all dese kids?! Da Babylon guys wen take away my kids, An I ol, an no can born kids no moa. I was one prisona, An dey throw me outa my house. So! Who raise dese kids? No mo nobody hea wit me. So wea dese guys come from?”

Isaiah 50:5

Da One In Charge a me open my ear fo me lissen good. Me, I no go agains him, An I no turn aroun an go da wrong way.

Isaiah 52:2

Shake off da dirt from wea you sit. Get up, you Jerusalem peopo! Sit down jalike kings on top yoa thrones. Hemo da slave band aroun yoa neck You guys was prisonas befo time, but not now!

Isaiah 52:7

Real nice! Wen we see da messenja guy feet Stay coming ova da mountains Fo tell us good kine stuff! He make shua erybody hear, “Eryting goin come good now! Good tings goin happen! Da One In Charge goin get us outa trouble.” He tell God peopo, Jerusalem town, “Yoa God, he da king now!”

Isaiah 54:4

“Eh my peopo! No sked, cuz you no goin come shame no moa. Cuz nobody goin make you come shame. Jalike da wahine dat no mo her kids, But now she get um, She foget her was shame Befo time wen her was young. Jalike she goin foget How bad peopo wen make her feel Wen her no mo husban.

Jeremiah 31:7

Dis wat Da One In Charge tell: “Yell, cuz you stay good inside, Bout how da peopo dat come from Jacob stay! Yell fo da nation dass mo importan den all da odda nations! Let erybody hear dat you tell good stuff bout Da One In Charge. Tell: ‘Da One In Charge, get yoa peopo outa trouble, All da Israel peopo dat stay alive still yet.’ ”

Jeremiah 40:9

Gedaliah, Ahikam boy an Shefan grankid, make one spesho promise fo all da army guys, fo make shua dat dey an dea guys know dis: “No worry! No sked fo work fo da Babylon guys. Stay hea inside da land, an work fo da Babylon king, an eryting goin come good fo you guys.

Jeremiah 42:2

dey go by Jeremiah, da guy dat talk fo God. Dey tell um, “Us guys get one real importan ting we like aks you fo do! We like you fo pray to yoa God, Da One In Charge, fo us guys, fo help all us an oua peopo dat stay still yet inside da land. Cuz how stay fo us, we ony litto bit peopo now. Befo time, we wen come plenny peopo, but dass not how stay now.

Jeremiah 44:2

Jeremiah tell: “Dis wat Da One In Charge, da God Ova All Da Armies, da God fo da Israel peopo tell: ‘You guys wen see all da bad kine stuff I make happen to Jerusalem an all da Judah towns. Now dey stay all bus up, an no mo nobody live ova dea!

Jeremiah 44:6

Az why I come real huhu agains da peopo inside da Judah towns an on top da Jerusalem streets. Cuz I wen get mad, da towns stay all bus up an no mo peopo dea now.’

Jeremiah 50:23

Fo shua, befo time da Babylon army was jalike one sledge hamma Dat wen bus up da whole earth. But now, dat hamma stay all bus up An da handle all broke. Babylon stay da kine place Dat make all da odda nations tink, “Skery, wat happen hea?!”

Jeremiah 9:11

Da One In Charge tell, “I goin make Jerusalem town come one rubbish pile. Ony goin get wild jackal dogs ova dea. I goin wipe out da Judah towns Fo no mo nobody live ova dea.”

Sad Song 1:19

“I call out to da peopo I get love an aloha fo, But da way dey ack, no can trus um! My pries guys an my older leadas mahke inside Jerusalem, Wen dey stay look fo food Fo dem stay alive.

Sad Song 2:1

Da Boss come huhu wit da Jerusalem peopo. He stay cova dem jalike wit one cloud! Da Israel peopo was awesome jalike da sky, But jalike he wen throw um down all da way to da groun. Wen he come huhu wit dem, He no even proteck his Temple.

Sad Song 2:10

Da older leadas fo Jerusalem sit on top da groun, an no talk. Dey sprinkle dirt on top dea heads. An dey wear burmbag clotheses fo show dey stay sad. Da young wahines from Jerusalem lay on da groun an put dea face in da dirt, Fo show dey stay sad inside.

Sad Song 4:1

Bummahs! Oua bestes peopo stay jalike gold dat no shine no moa, Jalike pure gold dat no worth notting! Da jewelry stones from da Temple Stay scatta all ova da streets.

Sad Song 5:16

Da lei fall off oua head, cuz we wen come all bum out! Bummahs fo us guys! Us wen do bad kine stuff!

Ezekiel 26:16

Den all da prince guys fo da coast towns goin come off dea thrones an hemo dea robes an fancy kine embroida stuff. Dey goin sit on top da groun, real sked an shaking all da time. Dey goin come bum out cuz a stuff stay happen stay happen to you Tyre peopo!

Ezekiel 26:2

“Eh! Fo Real Kine Guy! Da Tyre peopo dance an sing cuz Jerusalem town stay all bus up. Dey tell, ‘Good fo you! Befo time, you Jerusalem peopo no let us guys pass thru yoa country fo us trade wit da odda peopos nea you. But now, yoa town gate all bus up an wide open fo us! Cuz Jerusalem town all wipe out, all yoa trade come ouas. Us guys goin come rich!’ ”

Ezekiel 5:5

Dis wat Da One In Charge, da Boss, tell: “Dis, Jerusalem. I wen put Jerusalem in da middo a da odda countries wea da peopos dat donno me stay.

Prieses 26:31

I goin make yoa towns come all bus up, an wipe out da places you make spesho fo yoa gods. I no goin feel good inside notting from da nice smell you guys make wit yoa sacrifices.

Prieses 26:33

I goin make you guys go all ova da place wea all kine peopos stay. I goin take out my sword an go afta you guys. You guys land goin come good fo notting, an yoa towns, goin come all bus up.

Zefaniah 2:15

Dis da big town wea da peopo wen stay amp out. Dey figga dey safe dea. Dey tell each odda, “Us guys, Numba One! No mo nobody stay jalike us!” But bummahs! Dea big town wen come all bus up. Ony get wild animals live ova dea! Erybody dat walk by um Ack sked an feel good cuz da town gone awready!

Jesus Show 18:7

Jalike da Babylon wahine make um so she look plenny awesome, An da peopo dea stay good inside, Cuz dey get all kine rich stuffs, Make um suffa an come all sore inside. Da Babylon wahine talk big inside lidis, ‘I stay on top my throne jalike one queen. I not one widow. An I no goin eva come sore inside an cry!’