Ruth 4:12 - Hawaii Pidgin Bible

¹² An you, Boaz, us like Da One In Charge give you kids Wit dis young wahine, Fo yoa line bumbye come Jalike da line dat come From oua ancesta guy Perez, Da one dat Tamar wen born Fo oua ancesta Judah!”

Ruth 4:12 ပူးပေါင်းရင်းမြစ်များ

Start 38:29

But da bebe pull da hand back inside, an den da odda braddah come out. Tamar tell, “Wot! How you wen push fo open da way fo you come outside!” Dass how come dey give um da name Perez, cuz soun jalike “push fo come outside,” dea language.

Start 46:12

Judah, his boys, dey Er, Onan, Shelah, Perez, an Zerah. Er an Onan, dey mahke awready befo Judah leave da Canaan land. Perez, he get two boys awready dat time, Hezron an Hamul.

1 Records 2:4

Tamar, Judah daughtah-in-law wen born Perez an Zerah. Judah wen get five boys.

Malakai 2:15

Fo shua God wen make you an yoa wife one?! He da One dat own you guys body an spirit. An you know why Da One In Charge wen make you one? So wen you get kids, dey stay all out fo God! Az why you guys take kea fo stay okay inside, an no bulai da wife you wen marry wen you was young.

Matthew 1:3

Judah, he Perez an Zerah faddah, an Tamar, she dea muddah. Perez, he Hezron faddah. Hezron, he Ram faddah.

Ruth 4:18

Dis da ohana line from Perez: Perez, he Hezron faddah.

1 Samuel 2:20

An ery year, befo dey go home, Eli like make one spesho ceremony fo Elkanah an his wife Hannah. He tell, “Hannah wen pray fo one bebe an she get um. Den she give da boy Samuel to Da One In Charge. An dass why Samuel no stay wit you guys now. So! I like Da One In Charge give you odda kids.”