Ruth 4:10 - Hawaii Pidgin Bible

¹⁰ An not jus da land—da wahine Ruth from Moab, dat wen marry Mahlon befo he mahke, I stay buying da right fo make her my wife. Dass fo her get one boy dat goin keep da name fo his muddah mahke husban wit da land he get cuz his muddah was Mahlon wife. Den all da ohana an all da leada guys fo Mahlon town no goin foget who him. An all you guys, you gotta tell erybody wat wen happen dis day.”

Ruth 4:10 ပူးပေါင်းရင်းမြစ်များ

Start 29:27

Try wait! Afta one week, da wedding luau an stuff fo Leah pau. If you like work fo me seven year moa, you can marry Rachel too.”

Start 38:9

But Onan, he figga dat if he make Tamar hapai, da kid no goin be fo him, goin be fo his mahke braddah ohana. Dass how come, erytime him an Tamar make sex, Onan pull out quick fo make shua she no come hapai fo his mahke braddah ohana.

Songs 109:15

Da bad kine tings His ancesta guys wen do, Da One In Charge, make shua You no foget dat, An make shua nobody inside dis world Rememba who dem.

Songs 34:16

But Da One In Charge stay agains Da peopo dat stay do bad kine stuff. He goin wipe dem out from dis world, So nobody even rememba who dem.

Smart Guys 18:22

If you find one wife, an she good fo you, Az jalike you get one nice present from Da One In Charge.

Smart Guys 19:14

Da faddah guys leave dea house an dea money fo dea kids, But da kine wife dass akamai An tink good fo know wat fo do, She jalike one present from Da One In Charge!

Isaiah 48:19

I wen like fo yoa kids come plenny Jalike da sand on top da beach Dat no mo nobody can count, But dey no goin come plenny! I wen like fo dem no come wipe out foeva An no get cut off from me, But now, dey goin come wipe out! Dass wat Da One In Charge tell.

Hosea 12:12

Jacob wen run away to da Aram land. He work ova dea fo get one wife. He take kea dea sheeps fo pay fo her.

Hosea 3:2

So, fo six ounce silva an three gunny bag barley, I buy her back from wea she stay one slave.

Zekariah 13:2

Da One In Charge, Da God Ova All Da Armies, tell: “Dat time, I no goin let nobody use da names fo all da idol kine gods from da land. Nobody goin rememba dose gods no moa. I goin throw out da peopo dat talk fo dose gods, an da pilau kine spirit dat peopo inside dis land get.

Malakai 2:14

But you guys, you tell, “How come Da One In Charge still tink I pilau?” I tell you how come! Cuz Da One In Charge know eryting bout you an yoa wife, da one you wen marry wen you was young. He know dat you bulai her, no matta she yoa bestes fren, an you wen make one strong promise fo stay tight wit her. Az why he tink you pilau.

Efesus 5:25

An same same you husbans, get plenny love an aloha fo yoa wife, jalike Christ get plenny love an aloha fo da church peopo. Dass why he give up his life fo mahke fo dem.

Rules Secon Time 25:6

Da firs boy she born goin carry da mahke braddah name, fo da braddah blood line stay okay fo da Israel peopo.

Hebrews 13:4

An erybody gotta show plenny respeck fo da guy an wahine dat stay marry. Wen dey sleep togedda, dass good. Az why da husban o da wife betta not fool aroun behind each odda back. Cuz God goin punish da peopo dat fool aroun behind da odda back, an erybody dat fool aroun anybody dey no stay married to.

Joshua 7:9

Da Canaan peopo an da odda peopo inside da land goin hear bout dis, an dey goin make one circle aroun us an wipe us out. Den us no goin be no moa! Den wat you goin do fo show peopo dat you get powa?”

Ruth 4:9

Den Boaz tell da older leada guys an da odda peopo dat was dea, “All you guys, you wen see wat wen happen hea today. I goin buy from Naomi all da land dat Elimelek an his boys Mahlon an Kilion wen get befo time.