Ruth 2:7 - Hawaii Pidgin Bible

⁷ Morning time, she tell, ‘Try let me go ova dea wea dey tie up da barley, an pick up da extra barley dat da worka guys no pick up, fo bring um home.’ I tell ‘Shoots.’ She stay work all da time from den till now. Ony short time she go fo res ova dea by da shack.”

Ruth 2:7 ပူးပေါင်းရင်းမြစ်များ

Smart Guys 13:4

Da lazy buggahs ony tink bout how fo get stuff, But dey no get notting. Da peopo dat work hard, Dey get da bestes kine stuff.

Smart Guys 15:33

You stay sked a Da One In Charge, You goin learn how fo know wat fo do cuz a dat, An how fo do da right ting erytime. Wen you no make high makamaka kine, Den peopo goin get respeck fo you.

Smart Guys 18:23

Da guy dat no mo notting, Tell da rich guy fo help him, But da rich guy mout off To da guy dat no mo notting.

Smart Guys 22:29

Wen you spock somebody Dat know how fo do his work real good, Dat guy, goin work fo da king guys, Not fo da kine guys dat nobody know.

Teacha 9:10

Wateva work you get, geev um wit all yoa powa! Cuz inside da Mahke Peopo Place wea you going, no can work, no can make plan, no can know stuff o know wat fo do erytime.

Matthew 5:3

“Da peopo dat know dey pooa an need God inside dem, Dey can stay good inside Cuz God in da sky, he dea King.

Rome 12:11

Wen time fo work hard, no be lazy. Make shua you go all out wen you work fo Da One In Charge.

Galatia 6:9

We gotta hang in dea, an no get wore out fo do good kine stuff. Cuz bumbye us goin get wat us work fo, if we no give up.

Efesus 5:21

An you goin show respeck fo each odda an lissen real good each odda cuz you get choke respeck fo Christ.

Ruth 2:2

One time, da Moab wahine Ruth tell Naomi, “Eh, try let me go da fields fo go behind da worka guys an pick up da extra barley dat dey no pick up. Maybe get somebody dat make nice to me an let me do dat, cuz da Rules from God tell az good.” Naomi tell her, “Kay den. Go.”

Ruth 2:21

Ruth tell, “An you know wat? Boaz even wen tell me, ‘Go come back tomorra. You can stay wit my worka guys till dey pau harves all da barley I get.’ ”

Ruth 2:6

Da luna guy tell, “Her, da Moab wahine dat come hea wit Naomi, da time Naomi come back from ova dea.

Ruth 2:8

Den Boaz, he go ova dea wea Ruth stay an tell her, “Eh, sistah! Nobody tell you wat fo do, o wat? You can stay hea wit us guys wen you pick up da extra barley. No need go find anodda field. Stick wit my worka wahines ova hea.