Ruth 2:14 - Hawaii Pidgin Bible

¹⁴ Lunch time, Boaz tell Ruth, “Eh! Come ova hea! Eat wit us guys! Take some a da bread fo eat, an if you like, put litto bit inside dat sour wine ova dea.” Az why Ruth go sit down nea da peopo dat work fo harves da barley an eat lunch wit dem. Boaz, he pass some roas barley to her. So she eat all she like, an still yet, get mo plenny den she can eat.

Ruth 2:14 ပူးပေါင်းရင်းမြစ်များ

2 Samuel 17:28

dey bring plenny blanket, bowl, an clay pot. An dey bring wheat an barley, an flour, an wheat an barley dat dey wen toast, beans, an lentils,

Songs 23:5

You set up da tables An put food on um in front me, Fo da guys dat stay agains me See wat you do fo me. You put olive oil on top my head Fo show you get aloha fo me. You make shua my drinking cup Stay full erytime.

Isaiah 32:8

But da guys dat get one good heart fo help peopo, Dey make one real kine plan fo help um. Dey stay solid, Cuz dey plan fo do good tings.

Isaiah 58:7

Wen you guys no eat food so you can pray, Share yoa food wit da hungry peopo! Da peopo dat no mo notting an homeless, Bring um wea dey can live! Wen you see peopo dat no mo clotheses, Give um clotheses! An no go hide Wen yoa ohana guys need fo you help um!

Matthew 14:20

Dey all eat an come full. His guys pick up twelve big baskets full wit all da lefovas.

Rules Secon Time 11:15

I goin give grass inside da fields fo yoa animals, an you guys goin eat an come full.

Rules Secon Time 8:10

“Wen you guys eat all you like an feel good, den talk good bout oua God, Da One In Charge, cuz a da good land he stay give you guys.

Ruth 2:13

Ruth tell Boaz, “Eh boss! You stay real good to me! You wen give me good kine words an you talk to me wit one good heart. Jalike I one a yoa worka wahines, no matta I not, an no can come one a dem.”

Ruth 2:15

Afta Ruth stan up fo go pick up some mo barley, Boaz tell his worka guys, “Let her pick up da extra barley, even ova dea wea you guys tie up da barley plants afta you harves um. No make her come shame.

Ruth 2:18

She take da food back Betlehem town. Her muddah-in-law see how plenny she wen pick up. Ruth give her da stuff from lunch time too dat she no can eat.

1 Samuel 17:17

Had one time, Jesse tell his boy David, “Take dis bag a roas kine wheat, an dese ten roun breads, an go quick by yoa braddahs inside da army camp.

1 Samuel 25:18

Abigail, real fas she take two hundred breads, two goat skins wit wine inside, meat from five sheeps dat stay ready fo barbeque, bout 20 poun wheat dey wen roas, one hundred raisin cake, an two hundred fig cake, an put um on top some donkeys.