Ruth 1:7 - Hawaii Pidgin Bible

⁷ Naomi an Ruth an Orpah, dey start togedda fo go way from da place Naomi live, an go back da Judah land.

Ruth 1:7 ပူးပေါင်းရင်းမြစ်များ

2 Kings 8:3

Wen da seven year pau, her an her ohana come back from da Filisha land. Den she go by da king, fo beg him fo help her get back her house an land.

Outa Egypt 18:27

Afta, Moses tell his faddah-in-law “Aloha,” an da faddah-in-law go back his place.

Ruth 1:10

But da wahines tell Naomi, “No way! Us guys, we goin stick wit you, an go by yoa peopo!”

Ruth 1:14

Den Ruth an Orpah start fo cry one mo time. Orpah, she kiss her muddah-in-law fo tell her aloha, an she go back home. But Ruth, she like stay tight wit Naomi.

Ruth 1:6

Naomi stay Moab side still yet. Den she hear dat Da One In Charge wen figga az time now fo help his peopo Judah side, an he give food to dem. So Naomi an her two daughtah-in-laws make ready fo go way from da Moab land an go back da place Naomi come from.

Ruth 1:8

But wen dey stay go, Naomi tell her two daughtah-in-laws, “Eh! Mo betta you guys go back by yoa muddah guys, you know. I like fo Da One In Charge stay tight wit you guys, jalike you wen stay tight wit yoa husban guys befo dey mahke. An you wen stay tight wit me too.