Ruth 1:17 - Hawaii Pidgin Bible

¹⁷ An da place you mahke, I goin mahke dea too. Dass wea dey goin bury me! I like Da One In Charge punish me plenny If I go way from you! Us goin stick togedda Till you mahke, o I mahke!”

Ruth 1:17 ပူးပေါင်းရင်းမြစ်များ

2 Samuel 15:21

But Ittai tell da king, “Jalike fo shua Da One In Charge stay alive, an dat you, my boss da king, stay alive, I stay shua bout dis too: Wateva place you stay, my boss da king, I yoa worka guy, an I goin stay dea too, no matta I stay alive o I mahke!”

2 Samuel 19:13

An one mo ting: tell Amasa, ‘You, my blood an bones. I like God punish me plenny, if from right now till you mahke, mo betta you be da main leada guy fo my army. Cuz Joab not da main leada no moa!’ ”

2 Samuel 3:35

Den all da army guys come an try make David eat someting, wen still yet stay day time. But David make one strong promise. He tell, “I like God kill me if I eat bread o some odda ting befo da sun go down.”

2 Samuel 3:9

I like Da One In Charge punish me, Abner, an make mo worse to me even den dat, if I no go David side now! I goin do fo him wat Da One In Charge wen make one strong promise fo do.

1 Kings 13:31

Afta he bury da guy, he tell his boys, “Wen I mahke, you guys bury me inside da same tomb wea da guy dat know God stay bury. Lay my bones nex to his bones.

1 Kings 19:2

Az why Jezebel sen one messenja guy by Elijah fo tell him, “Befo dis time tomorra, I goin make you jalike you make da guys you wen kill! An if I no do dat, I like my gods do da same kine ting to me, an even mo worse!”

1 Kings 2:23

Den King Solomon make one strong promise to Da One In Charge. He tell, “If I no go do wat I tell now, I like God kill me, o do mo worse tings! Dis Adonijah guy goin mahke, cuz he tell you fo come tell me dat!

1 Kings 20:10

Den Ben-Hadad sen back da messenja guys fo tell Ahab, “I make dis promise: I goin bus up da Samaria town! No goin get enuff dirt ova dea fo all my army guys pick up even one hand full. If I no bus up Samaria town, den I like da gods bus me up even mo den dat!”

2 Kings 6:31

He tell, “Elisha gotta mahke today! If not, I like God do someting even mo bad to me!”

Songs 45:10

I like tell her dis: “Eh, lissen an look at me, An tink plenny Bout wat I stay tell you. Foget dem from now, Da peopo from da odda country Wea you wen born. Foget da ones From da time you wen live Inside yoa faddah house.

Jesus Guys 11:23

Wen he come, he see dat God wen do plenny good tings fo dem. He stay good inside, an give dem good kine words fo stay tight wit Jesus, Da One In Charge, an trus him bout eryting.

Jesus Guys 20:24

But den, fo me, fo stay alive, dass notting. I ony like do eryting Da One In Charge, Jesus, tell me fo do to da end. He tell me fo tell erybody da Good Stuff bout how plenny good tings God do fo us.

Ruth 1:16

An Ruth tell Naomi, “No put presha on me Fo go way from you An go back home, An no stay tight wit you. Wea eva you go, I goin go. Wea eva you like live, I goin live dea too. Yoa peopo, dey goin be my peopo, An yoa God, he goin be my God too.

Ruth 4:15

“Eh Naomi! Dis bebe, He goin make you feel Jalike you young one mo time! He goin take kea you wen you ol! Cuz he come from yoa daughtah-in-law, Dat get plenny love an aloha fo you. She make um mo betta fo you den seven boys!”

1 Samuel 14:44

Saul tell, “You gotta mahke, Jonathan, o God goin pay me back plenny moa!”

1 Samuel 20:13

But maybe my faddah tink az good fo him hurt you. Den I like Da One In Charge punish me real good if I no let you know dat. An I goin sen you away some place wea you goin stay okay! I like Da One In Charge stay wit you, jalike he wen stay wit my faddah befo time.

1 Samuel 25:22

So dis my plan fo kill da buggahs! An if get even one a his guys dat still stay alive morning time, den I like God make real bad to me, David, jalike I aks God fo make to da guys dat stay agains me!”

1 Samuel 3:17

Eli aks, “Wat Da One In Charge wen tell you? No hide um from me. If you no start fo tell me, hah? den I like God make real bad to you—An even goin be mo worse den dat, if you no tell me eryting dat he wen tell you!”