Ruth 1:16 - Hawaii Pidgin Bible

¹⁶ An Ruth tell Naomi, “No put presha on me Fo go way from you An go back home, An no stay tight wit you. Wea eva you go, I goin go. Wea eva you like live, I goin live dea too. Yoa peopo, dey goin be my peopo, An yoa God, he goin be my God too.

Ruth 1:16 ပူးပေါင်းရင်းမြစ်များ

2 Samuel 15:21

But Ittai tell da king, “Jalike fo shua Da One In Charge stay alive, an dat you, my boss da king, stay alive, I stay shua bout dis too: Wateva place you stay, my boss da king, I yoa worka guy, an I goin stay dea too, no matta I stay alive o I mahke!”

Songs 45:10

I like tell her dis: “Eh, lissen an look at me, An tink plenny Bout wat I stay tell you. Foget dem from now, Da peopo from da odda country Wea you wen born. Foget da ones From da time you wen live Inside yoa faddah house.

Smart Guys 17:17

You get one fren, An he get love an aloha fo you all da time. You get one braddah, an he dea Fo help you wen you need um cuz get trouble.

Isaiah 14:1

Da One In Charge goin show pity fo da Jacob ohana, An he goin pick da Israel peopo one mo time Fo be his peopo. He goin let dem res on top dea land. Even peopo from anodda place goin come by da Jacob ohana peopo, An goin stay tight wit dem.

Daniel 2:47

Da king tell Daniel, “Fo shua yoa God stay da God ova all da odda gods, an da Boss ova us king guys. He da One dat show wat tings mean dat stay secret cuz you wen tell wat dis dream mean.”

Daniel 3:29

Az why I make dis rule now: No matta wat peopo o wat country somebody come from, an no matta wat language dey talk, if dey talk an no show respeck fo da God dat Shadrak, Meshak, an Abednego pray to, I goin tell my worka guys fo cut off dea arms an legs, an make dea house come one big rubbish pile. Cuz no mo anodda god dat can get peopo outa trouble da way dea god can!”

Daniel 4:37

“Now me, Nebukadnezzar da King, I talk good bout da King Inside Da Sky, an tell dat he awesome. Eryting he do stay right. Anybody live his way, dey goin do da right ting too. An he can make da guys dat ack jalike dey big head guys come notting.”

Hosea 13:4

Da One In Charge tell, “But me Da One In Charge, I yoa God. I wen bring yoa ancesta guys outa Egypt. You guys betta not know any odda god, ony me. Me, da ony One can get you guys outa trouble.

Zekariah 8:23

An one mo ting: Dis wat Da One In Charge, Da God Ova All Da Armies, tell: “Dat time, fo ery Jew guy, goin get like ten odda guys from odda languages an peopos goin grab hold a his robe, an tell um, ‘Eh! Us guys like go wit you! Cuz us guys wen hear dat God stay wit you!’ ”

Matthew 8:19

One teacha guy dat teach da Rules From God come by him, an tell, “Teacha, I goin go wit you wea evas you go.”

John 13:37

Peter tell um, “Eh, Boss, how come I no can go wit you now? I stay ready fo mahke fo you!”

Jesus Guys 21:13

Den Paul tell, “How come you stay crying an make me come sad? I stay ready fo get all tie up, an even fo mahke inside Jerusalem, fo show how awesome Da One In Charge stay, az Jesus.”

1 Tessalonika 1:9

All dose peopo stay tell dat you guys wen tell, “E komo mai! Go come stay oua house!” wen we wen go by you guys firs time. Dey tell dat you guys wen throw out da idol kine gods an trus da God dat stay alive. He stay fo real, an you work fo him.

Joshua 24:18

Den Da One In Charge wen push out all da peopos in front us, even da Amor peopo dat wen live dis land. We goin work fo Da One In Charge too, cuz he oua God.”

Jesus Show 14:4

Dey da guys dat neva make um so dey come pilau. Dey stay clean inside, jalike wahines dat neva sleep wit one guy. Ery place God Bebe Sheep Guy go, dey go wit him. God wen pay da price fo cut dem loose from da bad kine stuff, from all da peopo on top da earth. Dey da firs peopo dat give dea life to God an his Bebe Sheep Guy, jalike one gif.

Ruth 1:15

Naomi tell her, “Eh look! Yoa sistah-in-law, she go back awready by her peopo an da god she pray to. Mo betta you do da same ting.”

Ruth 1:17

An da place you mahke, I goin mahke dea too. Dass wea dey goin bury me! I like Da One In Charge punish me plenny If I go way from you! Us goin stick togedda Till you mahke, o I mahke!”

Ruth 2:6

Da luna guy tell, “Her, da Moab wahine dat come hea wit Naomi, da time Naomi come back from ova dea.

Ruth 4:15

“Eh Naomi! Dis bebe, He goin make you feel Jalike you young one mo time! He goin take kea you wen you ol! Cuz he come from yoa daughtah-in-law, Dat get plenny love an aloha fo you. She make um mo betta fo you den seven boys!”