Ruth 1:15 - Hawaii Pidgin Bible

¹⁵ Naomi tell her, “Eh look! Yoa sistah-in-law, she go back awready by her peopo an da god she pray to. Mo betta you do da same ting.”

Ruth 1:15 ပူးပေါင်းရင်းမြစ်များ

2 Kings 2:2

Elijah tell Elisha, “You stay ova hea. Cuz Da One In Charge wen tell me fo go Bethel side.” But Elisha tell, “Jalike fo shua Da One In Charge stay alive an you stay alive, I shua dat I no goin leave you.” So dey go down Bethel side.

Songs 125:5

Da peopo dat go da wrong way An do crooked kine stuff, I like fo Da One In Charge Throw dem out, Same time he kick out da odda peopo Dat do bad kine stuff. But fo da Israel peopo, I like eryting go good fo dem!

Songs 36:3

Eryting dat come outa dea mout, no good, an all bulai. Dey no like undastan wat dey stay do, An dey no like do good tings.

Zefaniah 1:6

An I goin wipe out da peopo dat wen bag from me, Da One In Charge, An tell me fo help dem, O try find out from me wass good fo dem do.

Census 10:30

Hobab tell um, “No, I no like go. I like go back my land an peopo, az why.”

Luke 24:28

Den da two guys come nea Emmaus, da small town, an Jesus ack jalike he goin go litto bit mo far.

Hebrews 10:38

My guys, da ones dat get um right wit me, Dem guys goin live fo real kine cuz dey stay trus me. But if dey come sked an lose fight, I no goin stay good inside bout dem.”

Joshua 24:15

But if you guys no like work fo Da One In Charge, den today pick wat gods you goin work fo! Goin be da gods yoa ancesta guys wen work fo da odda side a da Eufrates Riva, o da gods fo da Amor peopo wea you live now, o wat?! But me an my ohana, us guys goin work fo Da One In Charge!”

Joshua 24:19

Den Joshua tell da peopo, “You guys no can work fo Da One In Charge! He stay good an spesho, an he God. He one jealous God. He no goin hemo yoa shame an let you guys go, cuz you go agains him an do bad kine stuff!

1 John 2:19

Dem guys wen go way from us, but dey neva was wit us. If dey was oua guys, den fo shua dey stay wit us. But dey wen go way, an dat show dat all dem guys neva was oua guys.

Local Leadas 11:24

Keep da property yoa god Kemosh wen give you. Same ting, us guys goin keep da property dat oua God, Da One In Charge, wen give us.

Ruth 1:14

Den Ruth an Orpah start fo cry one mo time. Orpah, she kiss her muddah-in-law fo tell her aloha, an she go back home. But Ruth, she like stay tight wit Naomi.

Ruth 1:16

An Ruth tell Naomi, “No put presha on me Fo go way from you An go back home, An no stay tight wit you. Wea eva you go, I goin go. Wea eva you like live, I goin live dea too. Yoa peopo, dey goin be my peopo, An yoa God, he goin be my God too.