Rules Secon Time 8:8 - Hawaii Pidgin Bible

⁸ Az one land wit wheat an barley, grape plants, an fig trees, pomagrams, olive oil, an honey.

Rules Secon Time 8:8 ပူးပေါင်းရင်းမြစ်များ

Start 49:11

Judah get plenny grape farm, So he no lose notting if he tie his young donkey to one grape plant, Da bebe donkey, he tie um to da plant dat get da bestes grape. He no need watta fo make his clotheses come clean, Cuz he rich, an he get plenny wine fo wash um, He can even wash his robe wit da red juice from da grape dat look jalike blood.

1 Kings 5:11

Solomon give Hiram ery year, 3,600 ton wheat fo feed his palace peopo, an 120,000 gallon da bestes kine olive oil.

2 Kings 18:32

An goin stay lidis, till I come an move you guys to one diffren land dat stay jalike yoa land, da kine land wea get wheat an new wine, bread an grape farms, wit olive trees fo make oil, an honey. So, make up yoa mind wat you like! You guys like live, o you guys like mahke? “But no lissen Hezekiah, cuz he like make you guys tink diffren kine, wen he tell, ‘Da One In Charge goin get us outa dis.’

Songs 147:14

He make shua dat da peopo Dat stay agains you No come inside yoa land. He give you da bestes kine wheat fo eat, Fo you eat all you like.

Songs 81:16

If you lissen, I can give you Da bestes kine wheat fo eat An give you plenny honey From da big rock, Fo fill you up. But you no lissen!”

Isaiah 7:23

But afta da army guys go way, all da place wea had tousan grape plants worth tousan piece silva, now eryting dat goin grow afta, ony goin be thorn kine plants.

Jeremiah 2:7

“But den, I wen bring you guys inside one land Wea fruit grow good, An you can eat odda stuff dat grow dea too. But wen you guys come hea, You make my land come all pilau. You guys make da property I give you Come one junk kine place.

Jeremiah 5:17

Dey goin eat up all da food you guys harves, An all da odda food you get. Dey goin kill all yoa kids. Dey goin eat all yoa cows, sheeps, an goats. Dey goin eat all yoa grapes an figs. No matta you guys trus da big towns dat get strong wall fo proteck you, Dey still goin wipe out all da peopo inside da towns wit dea swords.”

Ezekiel 27:17

Da Judah peopo an da North Side Israel peopo trade stuffs wit you Tyre peopo. Dey trade da wheat from Minnit, an da sweet stuff, honey, olive oil, an lotion you get from da tree sap fo yoa stuffs.

Hosea 2:22

Den I goin lissen wat da earth like me fo do, An I going plant wheat an barley, grape fo new wine, an trees fo olive oil. Fo make da Jezreel Valley peopo get plenny food.

Hosea 2:8

“But she neva know I da one Wen give her da wheat an barley, da new wine, an da olive oil. I da one wen give her plenny silva an gold, Dat her an da guys dat make sex wit her go use um fo da Baal god.

Micah 4:4

Dat time, erybody goin sit down Undaneat his grape plant an his fig tree, An nobody goin make um come sked. Cuz Da One In Charge, Da God Ova All Da Armies, Wen tell dis.

Habakkuk 3:17

No matta da fig tree no mo bud, No matta da grape plant no mo grape, No matta da olive tree no mo olive, No matta da fields no mo food, No matta da sheeps Mahke inside da pens, No matta da pens no mo cows,

Census 13:23

Wen da guys dat wen go fo scope da place come by da Eshkol Stream, dey cut off one branch dat get one bunch grapes. Need two a dem fo carry da bunch on top one pole, wit some pomagrams an figs too.

John 6:13

So dey go get da lefovas, an fill twelve big baskets wit da bread da peopo neva eat.

John 6:9

“You know, get one boy hea dat get five small barley kine bread an two small fish. But how dat can feed plenny peopo? No can!”

Rules Secon Time 32:13

Da One In Charge, he put da Israel peopo wea dey stay In da up country inside da Canaan land. He let um eat stuff dat grow inside da fields, An honey from da bees inside da cliffs, An oil from da olive trees dat grow wea get hard rocks.

Rules Secon Time 32:14

He give um sof cheese from dea cows An milk from dea sheeps an goats, An da bestes kine meats from da bebe sheeps an goats, An meat from da big kine sheeps Dat stay Bashan side, an goats, An wheat dat get big seed. He let um drink da juice From da grapes, da red wine.

Rules Secon Time 6:3

Lissen, you Israel peopo, an make shua you do wat Da One In Charge tell you fo do! An az how eryting goin go good fo you guys. You guys goin come plenny peopo inside da land dat ery place get plenny milk an honey, jalike Da One In Charge, da God fo oua ancesta guys, wen make one promise to you guys.

Rules Secon Time 8:7

Cuz oua God, Da One In Charge, stay bring you guys inside one good land, wea get streams an watta place, an watta come from undaneat da valleys an hills.

Rules Secon Time 8:9

Inside dat land, nobody goin come hungry. You goin get plenny food dea. Da stones dea get iron, an you can dig coppa from da hills.