Rules Secon Time 8:20 - Hawaii Pidgin Bible

²⁰ Jalike da odda peopos dat oua God, Da One In Charge, stay wipe out wen you guys fight um, az how he goin wipe out you guys if you guys no lissen him.

Rules Secon Time 8:20 ပူးပေါင်းရင်းမြစ်များ

Songs 10:16

Eh! You Da One In Charge! You da King foeva! All da odda peopos dat donno you, You goin hemo dem from yoa land foeva!

Jeremiah 7:26

But yoa ancesta guys no lissen me o tink bout wat I tell. Dey hard head, an dey do mo plenny bad kine stuff den dea ancesta guys wen do.

Jeremiah 7:33

Den, da mahke peopo bodies dat no mo room fo bury goin come food fo da birds an da wild animals, an no mo nobody goin make dem sked fo dem run away.

Ezekiel 5:5

Dis wat Da One In Charge, da Boss, tell: “Dis, Jerusalem. I wen put Jerusalem in da middo a da odda countries wea da peopos dat donno me stay.

Prieses 26:27

“An if you guys still yet no lissen me, an stay piss off wit me,

Prieses 26:39

You peopo dat still yet stay alive, I goin punish you an make you come sick an weak inside da lands a da guys dat stay agains you guys. Cuz a da bad kine stuff you guys an yoa ancesta guys wen do, az why you guys goin come lidat!

Rules Secon Time 4:26

Jalike I goin call da sky an da earth fo see wat you guys do today, fo dem grumble bout you guys if you no do wat I stay tell you guys. Cuz if you guys no do um, you goin mahke real fas inside da land wea you guys stay cross da Jordan Riva fo take charge. Den you guys no goin live ova dea long time, but you guys goin be wipe out fo shua.

Joshua 23:8

But you guys gotta stay tight wit oua God, Da One In Charge, jalike you stay do till now.