Rules Secon Time 8:15 - Hawaii Pidgin Bible

¹⁵ He da One wen lead you guys thru da big an skery boonies, wea get poison kine snakes an scorpions. Wen you guys was thirsty an no mo watta dea, he make watta come out from inside one real hard stone fo you guys drink.

Rules Secon Time 8:15 ပူးပေါင်းရင်းမြစ်များ

Songs 105:41

God open up one big rock An plenny watta come out Jalike one riva, No matta stay dry all aroun.

Songs 114:8

Dat God, he da One wen make Watta pools come outa da big rocks, An pukas fo watta come outa da cliffs.

Songs 136:16

Da One In Charge, He wen take his peopo Thru da boonies wea nobody live, Cuz he stay tight wit his peopo foeva!

Isaiah 30:6

I get real bad stuff fo tell bout wat I see goin happen wit da animals da peopo use fo cross da boonies in da Negev, from Judah to Egypt: “Da Judah peopo going thru da Negev land Wea erybody get hard time An suffa plenny. Get plenny lions ova dea. Get all kine snake dat can kill you, An da kine snake dat you no see um an come out bite you An make you feel jalike you stay burning up. Da Judah peopo take dea rich stuffs dea On top donkeys an camels, Fo pay da Egypt peopo fo help dem. But da Egypt peopo no goin do notting good fo dem!

Isaiah 35:7

Da hot sand goin get pond wit reeds. Da groun dat no mo watta, Goin come one puka wea plenny watta come out. Ova dea, wea da jackal kine wild dogs Wen lay down fo res befo time, Goin get grass an watta plants an papyrus reeds dea.

Isaiah 43:19

Look! I stay do someting new! Stay happen awready! You no see um, o wat?! I stay make one road inside da boonies, An I stay put streams wea nobody stay!

Jeremiah 2:6

Dey neva even tink fo aks, ‘Wea Da One In Charge stay, Da One dat wen bring us guys hea outa Egypt? He da One wen bring us guys thru da boonies Wea up country eryting dry, An get plenny gulch wea no mo watta, An get real dark kine place wea can mahke. Wea no mo nobody go thru dea, An no mo nobody live ova dea.’

Hosea 13:5

I wen take kea yoa ancesta guys inside da boonies, Wea stay real hot an dry.

Census 20:11

Den Moses put up his hand an wack da cliff two time wit his stick fo walk. Den plenny watta come out, an da peopo an dea animals drink um.

Census 21:6

Den Da One In Charge sen poison kine snakes by dem. Dea poison, sore jalike da fire. Dey bite da peopo, an plenny Israel peopo mahke.

1 Corint 10:4

an dey all wen drink da same watta dat God Spirit wen give um fo drink. Wat dey wen drink wen come outa one big rock dat God Spirit wen give um. Jalike dat rock was dea ery place dey go, Christ was dea too.

Rules Secon Time 1:19

“Den, jalike wat oua God, Da One In Charge, tell us fo do, we go from Mount Sinai to da hills inside da Amor peopo land. We go thru da big an skery boonies dat you guys wen see. Den we reach Kadesh-Barnea.

Rules Secon Time 32:13

Da One In Charge, he put da Israel peopo wea dey stay In da up country inside da Canaan land. He let um eat stuff dat grow inside da fields, An honey from da bees inside da cliffs, An oil from da olive trees dat grow wea get hard rocks.