Rules Secon Time 8:14 - Hawaii Pidgin Bible

¹⁴ den watch out! Cuz den you guys goin get big head, an den you goin foget dat oua God, Da One In Charge, wen get you guys outa Egypt, wea you guys was slaves.

Rules Secon Time 8:14 ပူးပေါင်းရင်းမြစ်များ

2 Kings 14:10

Fo shua, you wen win ova da Edom guys, an now you get smart wit me! Let yoa peopo respeck you cuz you wen win, but no come hea ack big! No good you make lidat an lose da war, cuz den you goin mahke, you an da Judah peopo too!”

2 Kings 17:38

No foget da deal I wen make wit you, an no go show respeck fo da odda kine gods!

2 Records 26:16

But wen Uzziah get plenny powa, he get big head too. Az how he come wipe out. Az wen he go agains his God, Da One In Charge, cuz he go inside da Temple Fo Da One In Charge fo Uzziah burn incense on top da incense altar.

2 Records 32:25

But laytas, Hezekiah come high nose, da way he tink. So he no tink bout Da One In Charge, dat wen make nice to him. Az why Da One In Charge come real huhu wit him an da peopo inside Judah an Jerusalem.

Songs 106:21

Dey foget God, Da One wen get um outa trouble, Da One dat wen do Big time stuff Egypt side.

Songs 78:7

Cuz a dat, dea kids goin trus God too, An no foget Da awesome tings God wen do. Az how dey goin stick Wit his Rules an do um.

Outa Egypt 13:3

Den Moses tell da peopo dis: “No foget dis day! Dis da day you guys go outa Egypt, da place wea you guys was slaves. No foget how Da One In Charge wen use his powa fo get you guys outa hea. Dis same day ery year, no eat bread dat get yeast inside.

Jeremiah 2:31

You peopo dat live nowdays, Tink bout wat I tell! Dis me, Da One In Charge! You Israel guys tink I jalike da empty boonies fo you, O I jalike one land wea eryting stay real dark, o wat? How come my peopo tell, “We goin go wea eva we like go! No way we goin go back by you no moa!”?

Jeremiah 2:6

Dey neva even tink fo aks, ‘Wea Da One In Charge stay, Da One dat wen bring us guys hea outa Egypt? He da One wen bring us guys thru da boonies Wea up country eryting dry, An get plenny gulch wea no mo watta, An get real dark kine place wea can mahke. Wea no mo nobody go thru dea, An no mo nobody live ova dea.’

Jeremiah 23:27

Dey figga dat da dreams dey tell goin make my peopo foget who me, jalike dea ancesta guys wen foget who me wen dey pray to da god Baal.

Daniel 11:12

Da Egypt king goin make da Syria army guys come his prisonas. Den, da Egypt king goin get big head, an goin kill plenny tousan Syria guys. But he no goin win dat war yet.

Hosea 13:6

Wen I wen feed dem, dey get full. Wen dey full, den dey ack high makamaka. Dass how dey foget me.

Census 15:39

You guys goin put da tassels so wen you look at dem, you guys no goin foget all da stuff me Da One In Charge wen tell you guys fo do. Den you guys goin do um, an no go fool aroun fo do all da no good odda stuff dat inside you like do, an dat yoa eyes tell you guys fo do.

Rules Secon Time 13:6

If yoa braddah, yoa muddah o faddah boy, o yoa boy o girl, o yoa wife dat you love, o yoa bestes fren talk to you wea nobody can hear an like try make you like do wass kapu fo you do, an tell, “Eh! Us go down in front odda gods,” no lissen dem. You guys an yoa ancestas neva know dose gods befo time.

Rules Secon Time 17:20

If he stay read um an do wat da rules tell, den he no goin tink he mo betta den da odda Israel guys, an he no goin turn away from wat God tell um fo do even litto bit to da right side o da lef side. Den him an da ones dat goin come from him goin stay king ova da Israel peopo long time.

Rules Secon Time 4:9

“Watch out fo shua dat you guys no foget da stuff you guys wen see Da One In Charge do! No foget bout um all da time you guys stay alive. Teach yoa kids all dis too, dem an dea kids afta dem.

Rules Secon Time 5:6

“Dis me, Da One In Charge, yoa God, dat stay talk. Was me wen get you guys outa da Egypt land, wea you guys was slaves.

Rules Secon Time 6:11

Get plenny house dea wit all kine good tings you guys neva put dea, an big holes fo hold watta dat stay dea awready, an grape fields an plenny olive trees you guys neva plant. Wen you guys eat dat, an feel good inside,

Rules Secon Time 8:11

Make shua dat you guys no foget oua God, dass Da One In Charge a us guys. No do wat he tell you guys not fo do, an stick wit his rules an all da tings he tell you gotta do, jalike I stay tell you guys today.

Rules Secon Time 8:13

an you guys get plenny cows, sheeps, an goats, an you stay get mo an mo silva an gold, an you get mo an mo plenny stuffs,

Local Leadas 3:7

Da Israel peopo do bad kine stuff da way Da One In Charge see um. Dey foget dea God, Da One In Charge, an dey work fo da Baal gods an da Asherah wahine gods.