Rules Secon Time 7:17 - Hawaii Pidgin Bible

¹⁷ “Maybe you guys goin start fo figga lidis, ‘How us can do dis?! Dey get mo plenny peopo den us guys! Us no can take ova dea land!’

Rules Secon Time 7:17 ပူးပေါင်းရင်းမြစ်များ

Isaiah 14:13

One time you guys wen tink, “I goin go climb up to da sky! I goin put my throne Mo high den God stars! I goin sit on top da mos far part An da big mountain north side, Wea all da gods stay come togedda!

Isaiah 47:8

“Now lissen, you Babylon guys! You guys, jalike one wahine Dat tink she get eryting nice An can do wateva she like, Cuz no mo nobody goin hurt her. Jalike you stay tink: ‘Me, I da ony one! No mo nobody jalike me! I no goin come one widow An my kids no goin mahke.’

Isaiah 49:21

Den you Jerusalem peopo Goin tink, “Eh! Who give me all dese kids?! Da Babylon guys wen take away my kids, An I ol, an no can born kids no moa. I was one prisona, An dey throw me outa my house. So! Who raise dese kids? No mo nobody hea wit me. So wea dese guys come from?”

Jeremiah 13:22

Wen you guys start fo tink, “How come all dis stay happen to us?” All dis happen cuz you guys stay do plenny bad kine stuff. Az why dea army guys goin rip off yoa clotheses An rape you!

Census 13:32

An dey tell da Israel peopo all da stuff dey wen see bout da land dey scope out, an az bad! Dey tell, “Da land us guys wen go fo scope out, az one land goin eat up da peopo dat stay dea. All da peopo we see ova dea, real real tall.

Census 21:34

Da One In Charge tell Moses, “No sked Og dem, cuz I goin let you guys win ova dem an take ova dea land. Make to him jalike you guys wen do to Sihon, da king Heshbon side.”

Census 33:53

Take ova da land, an live ova dea, cuz I wen give you da land fo make um yoa property.

Luke 9:47

Jesus know wat dey tink, so he tell one small kid fo stan by him.

Rules Secon Time 1:28

Wea we goin go, aah?! Oua braddahs dat wen go look da land, make us lose fight. Dey tell, “Da peopo mo big an mo tall den us. Dea towns stay big. Dey get big wall dat go up inside da sky. We even see giant guys ova dea—da ones dat come from Anak!” ’ ”

Rules Secon Time 15:9

Make shua you guys no tink lidis: “Da year numba seven stay come nea, wen we gotta let go an foget bout wateva somebody owe us an let um go!” No good you tink lidat an come mean an no give yoa braddah guys notting wen dey no mo notting. If you make lidat, den az good fo dem tell Da One In Charge fo help dem go agains you, an you goin get da blame fo do wass bad.

Rules Secon Time 18:21

Maybe you guys goin tink, “How us guys can know if one guy tell he talk fo Da One In Charge, but az not wat Da One In Charge tell um fo tell dat?”

Rules Secon Time 8:17

But no go tink lidis: ‘Me, I get all dis rich kine stuff cuz my hand strong an I get powa!’

Joshua 23:3

You guys see all da stuff oua God, Da One In Charge, wen do to da peopos aroun you. He do um fo help you guys. Oua God Da One In Charge, he da One wen fight fo you guys.