Rules Secon Time 7:14 - Hawaii Pidgin Bible

¹⁴ He goin do good tings fo you guys, mo den wat all da odda peopos goin get. All yoa guys an wahines goin get kids. All yoa animals goin get bebes.

Rules Secon Time 7:14 ပူးပေါင်းရင်းမြစ်များ

Songs 107:38

God do good tings fo dem, An dey come choke plenny peopo. God no cut down da numba a dea animals.

Songs 115:15

Da One In Charge, Da One dat make da sky an da world. I like fo him give you guys da powa Fo do eryting he wen like you fo do Wen he make you.

Songs 127:3

You know wat? Da One In Charge Give peopo kids, Jalike dey one gif from him. Da ones born from you, Az jalike he give you someting good.

Prieses 26:9

“I goin make good to you guys. I goin give you guys plenny kids fo you come mo plenny peopo. I goin stick wit da deal I wen make wit you guys.

Census 22:12

But God tell Balaam, “No go wit dem. You betta not put kahuna on top dose peopo! Cuz I do plenny good kine tings fo dem.”

Rules Secon Time 28:11

Da One In Charge goin make eryting go good fo you guys, yoa kids, da bebes from yoa animals, an da food you grow from yoa groun. Dass wat he goin do inside da land he wen make one strong promise to yoa ancestas dat he goin give um to you guys.

Rules Secon Time 28:4

Good kine stuff goin happen to yoa kids, da food you grow, da bebes from yoa animals—da bebe cows an bebe sheeps.

Rules Secon Time 30:9

Den Da One In Charge goin make eryting go good fo you guys, wateva you guys stay do, an give you guys plenny kids, an plenny bebe animals, an plenny food dat you guys grow from yoa land. He goin stay feel real good inside one mo time wen he tink bout you guys, an make good tings happen to you guys, jalike he wen feel good inside bout yoa ancesta guys.

Rules Secon Time 33:29

You Israel peopo can stay good inside! No mo nobody jalike you guys. Da One In Charge get you guys outa trouble. Jalike he yoa shield, He help you guys. Jalike he yoa awesome sword, He fight fo you guys. Da peopo dat stay agains you guys Goin come sked an shaking in front you guys. You guys goin walk all ova dea backs.”