Rules Secon Time 6:8 - Hawaii Pidgin Bible

⁸ Write um down an tie um jalike one sign on top yoa hands an on top yoa forehead fo you no foget um.

Rules Secon Time 6:8 ပူးပေါင်းရင်းမြစ်များ

Outa Egypt 12:14

“Da day I do dat, goin come one spesho day ery year, fo you guys no foget how I pass ova you guys an no wipe you out. From dat day, ery year, you guys goin make spesho trip fo make one religious kine ceremony fo me, Da One In Charge. You guys, yoa kids, an dea kids goin do dat foeva. Az goin be one rule bout how you guys goin make fo me foeva, da Passova Time.

Outa Egypt 13:16

“So dass da religious kine ceremony dat us guys make ery year. Goin be jalike one mark on top yoa hand, an goin be jalike one sign you put on top yoa forehead, fo you no foget how Da One In Charge wen use his powa fo get us guys outa Egypt.”

Outa Egypt 13:9

“Dis ting dat you do, goin be jalike one mark on top yoa hand fo help you no foget. Goin be jalike someting you tie on top yoa forehead fo help you no foget notting. Dass so you goin talk foeva bout da Rules from Da One In Charge, cuz Da One In Charge wen use his powa fo you guys come outa Egypt.

Smart Guys 3:3

Make shua you stay tight wit yoa good frenz An show love an aloha erytime. Make shua peopo can trus you. You make lidat all da time, Dat make you look good, Jalike wen you put on one jewelry on yoa neck. Learn da Rules from God real good, Fo you no foget um an you keep um inside you. Cuz inside, az jalike one book An you stay write inside um.

Smart Guys 6:21

Stick wit all dat stuff Jalike stay inside you An stay hang aroun yoa neck, all da time.

Smart Guys 7:3

Da tings I stay tell you, Make shua you tink bout um all da time. Make shua you tie um on top yoa finga, Make like you write um inside you Jalike one book, so you no foget.

Matthew 23:5

Eryting dey do, dey ony do um fo look good in front da peopo. Dey go aroun an show off stuff da Bible tell on top dea heads an arms, an make um look real nice wit real fancy kine religious kine clotheses.

Rules Secon Time 11:18

No foget dese tings I tell you guys, tink plenny bout um, an feel good bout um. Write um down an put um jalike one sign fo tie on top yoa hands, an fo put aroun yoa forehead.

Hebrews 2:1

Us guys gotta tink plenny bout all da stuff we wen hear fo us no foget um.