Rules Secon Time 6:25 - Hawaii Pidgin Bible

²⁵ If we lissen up real good an get respeck fo oua God, dass Da One In Charge a us, an do all da stuff he tell us fo do in front him, den we goin get um right wit him, jalike he wen tell us guys.’ ”

Rules Secon Time 6:25 ပူးပေါင်းရင်းမြစ်များ

Songs 119:6

Den, wen I look good at all da tings You tell me fo do, An I do um. I no goin Come shame notting.

Songs 78:7

Cuz a dat, dea kids goin trus God too, An no foget Da awesome tings God wen do. Az how dey goin stick Wit his Rules an do um.

Smart Guys 12:28

Da peopo dat do da right ting erytime, You make jalike dem an you goin live fo real kine, Az why you no goin mahke inside.

Ezekiel 18:9

He stick wit wat me Da One In Charge tell. He do wat my rules tell um fo do. Dat kine guy do wass right. He goin get da real kine life fo shua. Az wat me Da One In Charge, da Boss, tell.

Ezekiel 20:11

I tell dem wat dey gotta do, an make shua dey know wat I tell um bout wass right an wass wrong. Cuz whoeva lissen my rules, dey goin stay alive if dey do um.

Prieses 18:5

Make shua you live da way I tell you gotta live, an do wat my rules tell you fo do. Anybody dat do wat my rules tell, dey goin stay alive an get life cuz dey do um. Me, Da One In Charge, da God dass fo real kine.

Rome 10:3

Dey donno wat God wen do awready fo make us guys get um right wit him. Cuz a dat, dey try fo get um right wit God how dey like, an dass why dey no like lissen wen he tell um how fo get um right wit him.

Galatia 3:12

You know, if you ony do wat da Rules tell you fo do, dat no mean you stay trus God. God tell inside da Bible, “Whoeva do eryting da Rules tell dey gotta do, dey goin live fo real kine cuz dey stay do um.” But us guys, we no mo da powa fo do eryting da Rules tell us fo do.

Rules Secon Time 24:13

Give him back his coat befo da sun go down ery day, fo him sleep inside um. Den he goin tell you “God goin do good tings fo you,” an yoa God, Da One In Charge, goin know dat you wen do someting good.

James 2:10

Dis wat I mean: Anybody dat do eryting God tell his peopo dey gotta do, but ony jam up one ting, dey still wen broke all da Rules From God, you know.