Rules Secon Time 6:24 - Hawaii Pidgin Bible

²⁴ Oua God Da One In Charge tell us all dis stuff we gotta do, an tell us fo stay sked a him an get respeck fo him, fo eryting go good fo us, an he make us stay alive, jalike we stay today.

Rules Secon Time 6:24 ပူးပေါင်းရင်းမြစ်များ

Songs 41:2

Da One In Charge make shua Notting bad happen to dem! An make shua dey stay alive, An stay good inside, inside da Israel land! He no let da peopo dat stay agains dem Make any kine to dem!

Songs 41:3

Da One In Charge help um come good Wen dey stay sick! Erytime dey gotta stay in bed Cuz dey no feel good, Try make da sick come mo betta!

Songs 66:9

Cuz God, he da One dat make shua Us guys stay alive, He no let us fall down an mahke.

Outa Egypt 20:20

Moses tell da peopo, “No sked! You guys know how come God come hea? He stay hea fo put presha on you guys fo you learn someting! An he like you guys no foget how you feel wen you stay sked a him, cuz if you get awesome respeck, bumbye you no goin go do someting bad.”

Smart Guys 22:4

Wen you make um so you come jalike you notting, An you feel jalike you sked Wen you come in front Da One In Charge, Den you goin get plenny stuffs, An peopo goin show you respeck, An you goin live long time.

Smart Guys 9:12

If you like know mo bout wat fo do, You da one goin get all da good stuff cuz a dat. But if you talk jalike dey stupid To da guys dat know wat fo do, You da ony one dat goin suffa cuz a dat!

Isaiah 3:10

Tell da guys dat do da right kine stuff, Dat eryting goin come out good fo dem. Cuz dey goin get wat dey work fo, Wit da good kine stuff dey make.

Jeremiah 32:39

I goin show dem how fo tink an live da bestes way. Erytime dey goin show me respeck. Dass how eryting goin come good fo dem an da ones dat goin come from dem.

Matthew 6:33

Main ting, make God Da One In Charge a you, cuz he da King. Do da right ting jalike he do, an you guys goin get all da stuffs you need.

Luke 10:28

Jesus tell, “Dass right! Do dat an you goin live fo real kine.”

Rome 10:5

Moses wen write dis befo time inside da Bible: Fo get um right wit God, da peopo gotta do eryting wat da Rules tell um fo do. Dis wat Moses tell: “Whoeva do eryting da Rules tell um fo do, dey goin get life cuz dey do dat.”

Rules Secon Time 4:1

Moses tell: “Lissen, you Israel peopo, wat Da One In Charge tell you guys dat you suppose to do, an da rules he give you. Me, Moses, I goin teach you guys fo do all dat. So lissen, fo you guys stay alive an go inside da land. You guys goin take ova da land dat Da One In Charge, da God fo oua ancesta guys, stay give you guys.

Rules Secon Time 4:4

But all you guys dat stay tight wit yoa God, Da One In Charge, you still stay alive yet.

Rules Secon Time 6:2

Az cuz oua God, Da One In Charge, like fo you, yoa kids, an dea kids afta dem, stay sked a him an get respeck fo him all da time you guys stay alive. He like you guys do wat he tell you guys you gotta do, an show respeck fo his rules bout wass right an wass wrong, jalike I stay tell you guys. Az how you guys goin live long time.

Rules Secon Time 6:23

But he wen bring us guys outa Egypt, an bring us dis place, an give us da land dat he make one strong promise to oua ancesta guys dat he goin give us.

Rules Secon Time 8:1

“Make shua fo stick wit eryting I stay tell you guys fo do today, fo you guys stay alive an come plenny peopo, an go inside da land an take um ova, jalike Da One In Charge wen make one strong promise to oua ancesta guys.

Rules Secon Time 8:3

He make shua you guys no get big head, an let you guys come hungry, an den he feed you guys manna fo eat. You guys an oua ancesta guys neva know wat manna was from befo time. Az how he wen make you guys know dis: dat peopo no can live ony wit food. Gotta lissen eryting Da One In Charge tell too!