Rules Secon Time 6:14 - Hawaii Pidgin Bible

¹⁴ No stay tight wit odda gods, da gods fo da peopos dat live aroun you guys.

Rules Secon Time 6:14 ပူးပေါင်းရင်းမြစ်များ

2 Kings 17:35

Wen Da One In Charge make da deal wit da Israel peopo long time befo time, he tell dem dis: “No go show respeck fo odda kine gods! No go down in front dem! No let dem be yoa boss! No make sacrifice fo dem!

Songs 44:20

Ony if us guys wen foget Wat kine god you, Da One we pray to, O if us guys wen go pray To da gods dat odda peopos pray to,

Outa Egypt 20:3

You no go take odda gods fo you, cuz me, I da ony God fo you.

Jeremiah 25:6

No follow odda gods. No work fo dem. No go down in front dem. No make me come huhu wit da idol kine gods you guys make wit yoa hands. Den I no goin hurt you guys.’ ”

Jeremiah 35:15

Plenny times, I tell all my worka guys dat talk fo me fo go by you guys. Dey tell you: All you guys, one by one, no do da bad kine stuff you guys stay do no moa. You gotta start fo do wass right. No follow da odda gods an work fo dem. Den fo shua you guys can come back fo live on top da land I wen give you guys an yoa ancesta guys. But you guys still no use yoa ears fo lissen me.

Jeremiah 7:6

You guys no goin give hard time to da peopo from odda places dat stay live wit you guys, o da kids dat no mo faddah, o da widow wahines. You guys no goin go kill da peopo dat neva do notting wrong inside dis land. You guys no goin stay tight wit odda gods cuz dat goin hurt you guys.

Rules Secon Time 11:28

But maybe you guys no lissen wat God, Da One In Charge, tell you fo do, an you no do um. O maybe you tell ‘Laytas’ to wat I stay tell you guys today, an you bag from Da One In Charge fo go wit odda gods dat you guys donno from befo time. If you guys make lidat, den I goin make bad tings happen fo punish you.

Rules Secon Time 13:7

Dey some a da gods fo da peopos aroun you guys, no matta dey live nea o far from you guys, from one end a da land to da odda end.

Rules Secon Time 5:7

“No go pray to odda gods fo you. Cuz me, I da ony God fo you.

Rules Secon Time 8:19

“Maybe you guys foget oua God, dass Da One In Charge a us, an come tight wit odda gods, do stuff fo dem, an go down in front dem fo show respeck. If you guys do dat, I tell you guys today fo real kine dat you goin come wipe out.

Joshua 23:7

No make frenz wit da peopos dat stay hea still yet. No talk bout dea gods, an no use dea god names fo make one strong promise. No go work fo dose gods o go down in front dem.

1 John 5:21

Eh you guys! You jalike my kids. So, stay away from da idol kine gods!