Rules Secon Time 5:26 - Hawaii Pidgin Bible

²⁶ Cuz no mo nobody eva hear da God Dat Stay Alive talk to him from inside da fire, jalike us Israel guys, an still yet stay alive afta.

Rules Secon Time 5:26 ပူးပေါင်းရင်းမြစ်များ

Start 32:31

Jacob hele on, an wen he go by Peniel, da sun come up. But Jacob no can walk good cuz a da hip.

Start 6:12

God see dat eryting in da world come poho. Da way dey live, all da peopo ack pilau.

Songs 42:2

Inside, I tink lidis: “I like see da God dat stay alive, Jalike I stay thirsty fo see him! I like know wen I can go by him Fo stan in front him!”

Songs 42:3

Ery time, peopo stay aks me, “Eh! Yoa God, How come he no stay by you?!” An da ony ting I do, I cry, Day time an nite time!

Songs 84:2

Me, I excited fo go inside da open lanai Aroun da Temple Fo Da One In Charge! I like go dea, mo den I can handle. I goin sing fo da God Dat Stay Alive Cuz I stay real good inside! I goin all out fo yell fo him!

Outa Egypt 20:22

Den Da One In Charge tell Moses fo tell da Israel peopo dis: “You guys see awready, dat I talk to you guys from outa da sky.

Isaiah 40:6

Somebody tell, “Call out!” An I aks um, “Wat I goin tell?” He tell me fo tell dis: “All da peopo, jalike da grass. Dey do ony wat dey can do, But dey jalike da wild flowas Dat grow inside one field.

Jeremiah 10:10

But Da One In Charge, he da ony god dass fo real. He da God dat stay alive an stay da king foeva. Wen he come huhu, da earth shake. Da diffren peopos no can handle Wen he no like wat dey do.

Daniel 6:26

“Dis da rule: All ova da land wea I stay king, erybody gotta come sked an shaking in front Daniel God an get respeck fo him. “He da God dat stay alive. He live foeva. No mo nobody can wipe out Da peopo wea he stay da king. He goin stay in charge foeva.

Matthew 26:63

But Jesus still no talk. So da Main Pries Guy tell him, “Eh, you! You gotta swea to God bout dis. Tell us in front da God dat stay alive fo real kine! Tell us, if you da Christ Guy dat God suppose to sen. You God Boy, o wat?”

Jesus Guys 14:15

“Eh you guys! How come you guys do all dis? Us ony peopo jalike you guys too! We come fo tell you guys da Good Stuff From God. We tell you guys ‘Turn away from all dis no good stuff, an look to da God dat stay alive foeva. He da God dat make da sky, da earth, an da ocean, an eryting inside um.

Rome 3:20

Dass why no mo nobody dat can tell dat dey get um right wit God, jus cuz dey wen do eryting da Rules From God tell um fo do. Da Rules From God ony show dat us guys wen do bad kine stuff.

2 Corint 6:16

You guys tink you can go da temple fo pray to God, an same time you guys go in front da idol kine gods fo pray to dem? No way! Cuz da God dat stay alive fo real kine, he stay in charge a us guys, jalike us guys da temple wea he stay inside. God tell inside da Bible, “I goin make house wit my peopo An walk aroun wit dem. I goin be dea God An dey goin be my peopo.”

Rules Secon Time 4:33

No mo nobody eva hear God stay talking from inside da fire jalike you guys wen hear, an still yet dey stay alive!

Rules Secon Time 5:27

So you Moses, go nea God an lissen all da stuff oua God, Da One In Charge, tell you. Den you come back tell us guys wat God wen tell you, an us goin lissen an do um.’ ”

1 Tessalonika 1:9

All dose peopo stay tell dat you guys wen tell, “E komo mai! Go come stay oua house!” wen we wen go by you guys firs time. Dey tell dat you guys wen throw out da idol kine gods an trus da God dat stay alive. He stay fo real, an you work fo him.

Joshua 3:10

Dis how you guys goin know dat da God dat stay alive, he stay wit you guys. An he goin take away da land from all da peopo dat stay inside da land, wen dey face you guys! He goin make da land come yoa property! Az da Canaan peopo, da Het peopo, da Hiv peopo, da Periz peopo, da Girgash peopo, da Amor peopo, an da Jebus peopo.

Local Leadas 13:22

Den he tell his wife, “Us goin mahke fo shua! Cuz we wen see God!”

1 Samuel 17:26

David aks some odda guys dat stan nea him da same ting, “Eh! Wat dey goin do fo da guy dat kill dis Filisha guy an hemo da shame fo da Israel peopo? Us guys, da army fo da God dat stay alive fo real kine! Who dis Filisha guy tink him?! He no mo God cut skin mark! He ony ack big fo try make us Israel guys come shame, aah?!”