Rules Secon Time 5:2 - Hawaii Pidgin Bible

² Oua God Da One In Charge wen make one deal wit us guys, Mount Sinai side.

Rules Secon Time 5:2 ပူးပေါင်းရင်းမြစ်များ

2 Kings 17:35

Wen Da One In Charge make da deal wit da Israel peopo long time befo time, he tell dem dis: “No go show respeck fo odda kine gods! No go down in front dem! No let dem be yoa boss! No make sacrifice fo dem!

Outa Egypt 19:1

Three month afta da Israel peopo go outa da Egypt land, da same day get new moon, dey come inside da boonies Sinai side.

Outa Egypt 24:8

Den Moses take da blood from inside da tubs an sprinkle um on top da peopo. He tell, “Dis blood, fo make real da deal dat Da One In Charge wen make wit you guys, bout all dese tings dat he tell!”

Outa Egypt 34:10

Den Da One In Charge tell: “Right hea an now, I make one deal wit all yoa Israel peopo. In front all yoa peopo, I goin do awesome tings dat nobody wen do befo time eva, not any place inside da world, not wit any odda peopo. All da peopo dat stay wit you now, dey goin see how awesome an unreal da tings I goin do fo you guys, cuz me Da One In Charge.

Jeremiah 11:4

Da time I wen bring yoa ancesta guys outa Egypt, dis da rules I wen tell dem dey gotta follow. Eryting ova dea was real hard fo dem, jalike dey inside one real hot fire fo take da junk outa da iron. I tell um: ‘Lissen up, an do eryting I tell you guys fo do! Den you guys goin come my peopo, an I goin come yoa God.

Jeremiah 31:32

No goin be jalike da deal I wen make wit dea ancesta guys, Da time I wen take dea hand An pull um outa Egypt. Cuz dey wen broke dat deal I wen make wit dem, No matta I get da right fo tell dem wat fo do.”

Jeremiah 34:13

“Dis wat Da One In Charge, da God fo da Israel peopo, tell: Me, I wen make one deal wit yoa ancesta guys, da time dey was slaves wen I bring um outa Egypt. I tell um:

Malakai 4:4

“No foget da Rules from my worka guy Moses. I wen teach him wat he gotta do, Mount Sinai side, Fo him teach all da Israel peopo da Rules Fo know wass right an wass wrong.

Rules Secon Time 1:6

“Wen us guys wen stay Mount Sinai side, oua God, Da One In Charge, tell us, ‘You guys stay ova hea by dis mountain long time awready.

Rules Secon Time 29:1

All dis, az wat da deal tell, dat Da One In Charge tell Moses fo make wit da Israel peopo Moab side, an da deal he wen make wit dem befo, Mount Sinai side.

Rules Secon Time 4:13

Da One In Charge tell you guys wat you gotta do cuz a da deal he stay make wit you guys, da Ten Main Rules. Den he write um on top two flat stone.

Rules Secon Time 4:23

Make shua you guys no foget da deal Da One In Charge wen make wit you. No make any idol kine god dat look jalike someting yoa God, Da One In Charge, tell you guys fo no make.

Rules Secon Time 5:1

Moses tell all da Israel peopo fo come by him. He tell um: “Lissen, you Israel peopo. I goin tell wat God tell you guys suppose to do, an his rules fo you guys fo hear today. Learn um, an make shua you guys do um.