Rules Secon Time 5:15 - Hawaii Pidgin Bible

¹⁵ No foget, you guys was slave guys an work real hard inside Egypt. An me, yoa God, Da One In Charge, I wen bring you guys outa dea wit my powa. Az why me, yoa God, Da One In Charge, stay tell you guys fo show respeck fo da Res Day.

Rules Secon Time 5:15 ပူးပေါင်းရင်းမြစ်များ

Start 15:13

Den Da One In Charge tell Abram, “I like fo you know dis fo shua: Da peopo dat goin come from you, dey goin live inside anodda land dat not dea land. Da peopo ova dea goin make dem come dea slaves. Fo four hundred year, dey goin make any kine to dem.

Start 19:16

But Lot, he still neva like hurry up. So da two guys grab Lot, an his wife, an da two daughtahs. Dey bring um all outside da town an leave um dea. Dass how Da One In Charge wen show pity fo dem an give um chance.

Songs 116:16

Eh! You Da One In Charge! I one worka guy fo you, Jalike my muddah was one worka fo you too. An you wen hemo da tight ropes dat wrap aroun me.

Songs 136:12

He wen use his powa From his strong arm Fo do all dat, Cuz he stay tight wit his peopo foeva!

Outa Egypt 13:14

“Bumbye, yoa boy goin aks you, ‘Eh Daddy! Wat all dis ting mean, fo buy um back fo make one sacrifice?’ “You goin tell um, ‘Cuz you know, my boy, Da One In Charge get plenny powa, an he wen use um dat time fo get all us guys outa Egypt cuz us was slaves ova dea.

Outa Egypt 13:16

“So dass da religious kine ceremony dat us guys make ery year. Goin be jalike one mark on top yoa hand, an goin be jalike one sign you put on top yoa forehead, fo you no foget how Da One In Charge wen use his powa fo get us guys outa Egypt.”

Outa Egypt 13:3

Den Moses tell da peopo dis: “No foget dis day! Dis da day you guys go outa Egypt, da place wea you guys was slaves. No foget how Da One In Charge wen use his powa fo get you guys outa hea. Dis same day ery year, no eat bread dat get yeast inside.

Outa Egypt 13:9

“Dis ting dat you do, goin be jalike one mark on top yoa hand fo help you no foget. Goin be jalike someting you tie on top yoa forehead fo help you no foget notting. Dass so you goin talk foeva bout da Rules from Da One In Charge, cuz Da One In Charge wen use his powa fo you guys come outa Egypt.

Outa Egypt 20:11

Me, Da One In Charge, I wen work six days fo make da sky an da earth an da ocean, an all da tings inside dem. But da Numba Seven Day, I res. Dass why I tell da Res Day good, an I make um spesho fo me.

Outa Egypt 6:6

So den, go tell da Israel peopo dis: Me, Da One In Charge. I goin take you guys away from da hard work dat da Egypt peopo make you guys do. Dey make you guys bus ass fo dem, but I goin get you guys outa all dat. I mo strong den da Egypt peopo, an I goin bus um up. I da judge, so I goin punish dem plenny.

Isaiah 63:9

Erytime his peopo suffa, he suffa too. He stay right dea wit dem, Jalike he one angel messenja guy Fo get dem outa trouble. He pay da price fo get um outa trouble, Cuz he get love an aloha fo dem An he pity dem. Jalike from long time befo time He stay pick dem up an carry um foeva.

Daniel 9:15

“Da way I figga, you oua Boss an oua God! You wen bring yoa peopo outa Egypt wit yoa strong powa. You wen do dat fo let erybody know from dat time till now, wat kine god you. But us guys do bad kine tings. We no do how we suppose to do.

Rules Secon Time 15:15

No foget, you guys was slaves too, Egypt side, an yoa God, Da One In Charge, wen do wat he gotta do fo get you guys outa dea. Az why I tell you guys today fo give da slave guys plenny wen you let um go.

Rules Secon Time 16:12

No foget, you guys was slaves inside Egypt, so make shua you do all dese tings you guys gotta do.

Rules Secon Time 26:8

But den, Da One In Charge do real awesome an unreal kine stuff, an real plenny awesome tings fo erybody see fo show who him. Az how he wen get us outa Egypt cuz he wen use his strong powa.

Rules Secon Time 5:6

“Dis me, Da One In Charge, yoa God, dat stay talk. Was me wen get you guys outa da Egypt land, wea you guys was slaves.

Rules Secon Time 9:12

Den Da One In Charge tell me, ‘Go down dea real fas, cuz yoa peopo dat you wen bring outa Egypt wen come no good an do pilau kine stuff awready! Dey turn away fas from da way I wen tell um fo live. Dey wen make one idol kine god from metal fo dem pray to!’

Titus 2:14

He wen give his life fo mahke fo us guys, fo him cut us loose from all kine pilau stuff, an from go broke God rules, an make us clean inside. He like make us his spesho peopo, dat go all out fo do wateva stay good.