Rules Secon Time 4:46 - Hawaii Pidgin Bible

⁴⁶ Dat time, dey stay inside da valley nea Bet-Peor on da east side a da Jordan Riva. Az was inside da land wea befo time Sihon wen stay king fo da Amor peopo inside Heshbon. Az was wen Moses an da Israel peopo win ova him, wen dey come outa Egypt.

Rules Secon Time 4:46 ပူးပေါင်းရင်းမြစ်များ

Nehemiah 9:22

“You give dem lands Dat had kings an peopos befo time. You divide da land fo da Israel peopo, Fo dem take ova da land from King Sihon, Heshbon side, An from King Og, Bashan side.

Census 21:35

So dey bus up Og, an his boys, an all his peopo. No mo nobody stay alive dea. An dey take ova his land.

Census 32:19

An us guys no goin get oua property wit dem da odda side a da Jordan Riva. Cuz we get oua property ova hea, da east side a da Riva.”

Rules Secon Time 1:1

Dis wat Moses tell da Israel peopo. Dat time, dey all stay inside da boonies on da east side a da Jordan Riva, inside da Jordan Valley. Dass across Suf, wit Paran on one side an Tofel, Laban, Hazerot, an Dizahab on da odda side.

Rules Secon Time 3:29

So us guys stay inside da valley nea Bet-Peor.”

Rules Secon Time 3:8

“Dat time, we take ova da land from da two Amor kings—da land da east side a da Jordan Riva from da Arnon Canyon to Mount Hermon.

Rules Secon Time 34:6

Da One In Charge bury Moses inside Moab, inside da valley in front Bet-Peor town. But even today, no mo nobody know wea he stay bury.

Rules Secon Time 4:45

Dis all da stuff dat God tell, an da tings da peopo gotta do, an da rules dat Moses give da Israel peopo wen dey come outa Egypt.

Rules Secon Time 4:47

Dey take ova dat land, an da land fo Og, da king fo Bashan. Az was da two Amor kings fo da east side a da Jordan Riva.

Joshua 12:1

Dis da lis a da kings from da land dat da Israel peopo take ova. Dey take ova da land da east side a da Jordan Riva, from da Arnon Canyon to Mount Hermon. Az all da east side a da Jordan Riva Valley.

Joshua 24:12

Jalike I wen sen yellowjacket bees in front you guys, dat push dem guys out in front you, an da two kings fo da Amor peopo too. You guys no push da Amor peopo out wit yoa swords an bow an arrow, but was da yellowjacket bees.