Rules Secon Time 4:33 - Hawaii Pidgin Bible

³³ No mo nobody eva hear God stay talking from inside da fire jalike you guys wen hear, an still yet dey stay alive!

Rules Secon Time 4:33 ပူးပေါင်းရင်းမြစ်များ

Outa Egypt 20:22

Den Da One In Charge tell Moses fo tell da Israel peopo dis: “You guys see awready, dat I talk to you guys from outa da sky.

Outa Egypt 24:11

But no matta da leada guys fo da Israel peopo see God dea, God neva do notting fo hurt dem. Dey even eat an drink togedda in front him!

Outa Egypt 33:20

But you no can see my face, cuz no mo nobody can see me fo real kine, an stay alive still yet.”

Rules Secon Time 4:36

He make you guys hear his voice from da sky, fo teach you guys how you gotta do wat he tell. On top da earth he show you guys his awesome fire, an you guys hear him talk from inside da fire.

Rules Secon Time 5:22

Den Moses tell da peopo: “Dis wat Da One In Charge wen tell all you guys fo do wit one loud voice on top da mountain, from inside da fire an cloud an real dark sky, an he no tell notting moa. Den he write um on top two flat stones, an give um to me.

Rules Secon Time 5:24

You guys tell, ‘You know wat? Oua God Da One In Charge wen show us how awesome an importan he stay. An we hear his voice come from inside da fire. Today we see dat peopo can stay alive still yet, even if God talk to um.

Rules Secon Time 5:26

Cuz no mo nobody eva hear da God Dat Stay Alive talk to him from inside da fire, jalike us Israel guys, an still yet stay alive afta.

Rules Secon Time 5:4

Da One In Charge talk fo real kine wit you guys right dea, from inside da fire on top da mountain.

Rules Secon Time 9:10

Oua God Da One In Charge give me two flat stones wea he write wit his finga. On top dem, get all da stuff he tell you guys fo do, da time he talk wit you guys from inside da fire on top da mountain. Az was da day all you guys come togedda dea.

Local Leadas 6:22

Wen Gideon know az was one angel guy from Da One In Charge, he tell, “Bummahs! You da One In Charge a me, an in charge a eryting. Fo shua, I wen see one angel from Da One In Charge, an dat angel talk strait to me! Dat mean, I goin mahke!”