Rules Secon Time 4:24 - Hawaii Pidgin Bible

²⁴ Cuz yoa God, Da One In Charge, he stay jalike one fire dat burn up eryting. He no like you guys go down in front da idol kine gods. He one jealous God.”

Rules Secon Time 4:24 ပူးပေါင်းရင်းမြစ်များ

2 Kings 24:20

Cuz wat Jehoiakim do make Da One In Charge stay huhu. Az why all dat kine stuff happen inside Jerusalem an Judah. In da end, Da One In Charge wen kick out all da Jerusalem an Judah peopo, so dey no can show face in front him fo pray. Den, Zedekiah make war agains da Babylon king.

Songs 21:9

Wen you face all dose peopo, You goin wipe um out Jalike you put um inside one deep hole wea get fire. Da One In Charge, he stay huhu wit dem. Dass why he goin wipe um out. Dey goin mahke, jalike da fire eat um up.

Songs 78:58

Wen dey make place fo pray On top da hills, Dey make God feel bad. Dey go down an pray To dea idol kine gods, An dat make God come jealous.

Outa Egypt 15:7

You so big, you wipe out erybody dat go agains you. Wen you come huhu, you burn um up, Jalike peopo burn up da junks dat stay Afta dey harves da wheat.

Outa Egypt 20:5

No go down in front da odda gods fo show um love an respeck, an no work fo dem. Cuz I yoa God, az me, Da One In Charge! An if you go down in front da odda gods, I one jealous God! Az why I goin punish da peopo dat do bad kine tings an da ones dat hate me. An if dea kids do da same ting, I punish dem too, an same ting wit dea grankids, an even dea great-grankids.

Outa Egypt 33:3

Go dat good land, wea get plenny milk an honey erytime. But me, I no goin go wit you guys, cuz you all hard head, an bumbye I goin wipe out all you guys befo you get dea!”

Outa Egypt 34:14

No go show love an respeck fo any odda god, ony fo me. Cuz me Da One In Charge, da one dey call Da Jealous God, an I one God dat go all out fo keep my good rep. I not like da odda gods!

Isaiah 10:17

Da God dat give da Israel peopo light, Fo da Assyria peopo, he goin come jalike one fire. Da One dat stay good an spesho fo da Israel peopo Goin burn up da Assyria peopo. In one day, dat fire goin burn up All da Assyria peopo, jalike dey thorns an weeds.

Isaiah 30:27

Look! You know wat kine god Da One In Charge! Now he come from one far place. He stay real huhu, Jalike he stay burning, An plenny smoke stay coming outa him! He ony talk bout Wat da guys dat stay agains him stay do. He no goin take dat. Wen he talk, jalike wat he tell, Goin burn eryting up.

Isaiah 30:33

Da place outside Jerusalem Wea da peopo dat donno God Burn up dea kids Fo make one sacrifice fo dea idol kine gods, From long time, jalike dat place stay ready Fo burn up da Assyria king. Somebody wen dig da burning place Real deep an real wide. Get plenny fire An plenny wood all pile up dea. Wen Da One In Charge blow on top um, Make um start fo burn, Jalike one burning sulfur riva Make da wood pile burn.

Isaiah 33:14

Inside Jerusalem town, Da peopo dat stay do bad kine stuff, Dey stay sked! Da ones dat tink God notting, Dey no can stop shake no moa! Dey talk: ‘No mo nobody from us guys Can live wit da fire dat goin burn us up! No mo nobody from us guys Can live wea da fire goin burn all da time!’

Isaiah 42:8

“Me, Da One In Charge. Dass my name—‘Da One Dat Stay’! I no goin let nobody tink Dey awesome jalike me. I no goin let da peopo tell good kine stuff Bout da idol kine gods Jalike dey tell bout me.

Amos 5:6

Amos tell: “Eh you guys! Go by Da One In Charge fo get help Fo you guys stay alive an no mahke. But if you no like, God goin wipe out da Joseph ohana real fas, jalike wit fire, An burn up Bethel town real fas, An nobody goin pio da fire.”

Nahum 1:2

Da One In Charge, da Boss, He one jealous God. He no like fo peopo pray to odda gods. He pay back peopo fo wat dey do. He stay real huhu. Fo shua, he pay back da peopo dat stay agains him. He had it wit wat da peopo do dat go agains him.

Nahum 1:6

Wen Da One In Charge stay real huhu, No mo nobody can stan in front him. Wen he mad, jalike he throw fire on top you. Jalike da cliffs come broke up cuz a him.

Zefaniah 1:18

Dea silva an gold no can get dem outa trouble dat day Wen Da One In Charge go wild wit dem. He goin be jealous, jalike one fire Dat goin burn up all da peopo inside da world. Cuz az fo real, dat he goin bring one skery end Fo all da peopo dat live on top da earth!”

Zefaniah 3:8

Da One In Charge tell: “Az why wait fo me, Fo da day I goin stan up fo poin finga da Jerusalem peopo. Cuz I make up my mind awready Fo bring togedda all da peopos an dea kings. An I goin make dem know dat I stay real huhu wit dem. I goin burn up all da peopo inside da world, Cuz I go all out fo no let um go down in front odda gods!

Census 25:11

“Finehas, Eleazar boy an Aaron da pries guy grankid, make me no stay huhu wit da Israel peopo no moa. Cuz Finehas go all out fo me wit dem guys. Az how come I neva go all out fo wipe out all da Israel peopo!

1 Corint 10:22

Wat you guys tink? Us goin make Da One In Charge come huhu wit us, o wat? No good we make lidat. O, you tink us guys mo strong den him?

Rules Secon Time 29:20

Da One In Charge fo shua no goin let dat kine guy go. Da One In Charge tell ‘Laytas’ to dat kine stuff. All da bad kine stuff dis book tell goin happen to dat kine guy, an Da One In Charge goin hemo his name from unda da sky.

Rules Secon Time 32:16

You guys make him come jealous Cuz you go pray to da gods fo da odda peopos. You guys make him come real mad Cuz you like da pilau idol kine gods.

Rules Secon Time 5:9

No go down in front odda gods fo show um love an respeck, an no work fo dem. Cuz I yoa God, Da One In Charge! An if you go down in front da odda gods, I one jealous God! I punish da peopo dat do bad tings. I go afta dem an I punish da ones dat hate me. An if dea kids do da same ting, I punish dem too, an same ting wit dea grankids, an even dea great-grankids.

Rules Secon Time 6:15

Cuz oua God, dass Da One In Charge a us, he stay right hea wit you guys, an he one jealous God. No good he come real huhu wit you guys, cuz he goin wipe out you guys from da land if you guys pray to da odda gods.

Rules Secon Time 9:3

But you guys can stay shua dat oua God, dass Da One In Charge a us, he da One goin go da odda side a da Jordan Riva in front you guys now, jalike one big fire dat burn up eryting! He goin make dem come notting an wipe dem out wen you guys attack dem. An you guys goin take ova dea land an wipe dem out real fas, jalike Da One In Charge wen make one promise to you guys.

Hebrews 12:29

You know, jalike da Bible tell, “Oua God, he jalike one fire dat burn up eryting.”