Rules Secon Time 33:7 - Hawaii Pidgin Bible

⁷ Dis wat Moses tell bout da Judah ohana: “Da One In Charge, lissen da peopo from dat ohana Wen dey yell fo help. Bring dem togedda wit da odda Israel peopo. Let dem fight Wit da powa dey get. Be da One dat help dem Wen dey fight da peopo dat stay agains dem!”

Rules Secon Time 33:7 ပူးပေါင်းရင်းမြစ်များ

2 Samuel 3:1

Az how da Saul ohana an da David ohana start fo fight each odda long time. David stay come mo an mo strong, an da Saul ohana stay come mo an mo weak.

2 Samuel 5:1

Da leada guys from all da ohanas dat come from Israel, dey go by David, Hebron town. Dey tell, “Us guys, we stay yoa side, cuz us get da same blood an bones.

2 Samuel 5:19

So David go aks Da One In Charge, “I suppose to go attack da Filisha guys, o wat? You goin let me win ova dem, o wat?” Da One In Charge tell David, “Go attack um, cuz fo shua, I goin let you win ova um!”

2 Samuel 5:24

You goin hear one noise inside da tops a da balsam trees. Goin soun jalike army guys marching up dea. Dass wen you gotta be ready fo go real fas, cuz dass me, Da One In Charge, going out in front you fo wack da Filisha army guys.”

1 Records 12:22

Ery day mo guys come fo help David, till he get one big awesome army.

Songs 146:5

Whoevas get da God Dat Jacob wen pray to fo help dem, Dey can stay good inside. Dey stay shua dat bumbye Da One In Charge goin do Good tings fo dem, Cuz he da God fo dem.

Songs 20:2

Da God dat stay inside da place dat stay spesho fo him, Inside Jerusalem, on top Mount Zion, I like him go help you. I like him make you stay strong.

Songs 21:1

Eh! You Da One In Charge! Da king real happy Cuz you stay strong! Da king like throw one party Cuz you wen help him win da war!

Songs 21:8

Dass how you goin handle All da peopo dat stay agains you. Wit yoa strong right hand, You goin catch da ones dat stay hate you.

Songs 78:68

Da ohana dat God wen pick, Az was da Judah ohana. He wen pick Zion hill Inside Jerusalem town, Cuz he get love an aloha Fo dose peopo ova dea.

Songs 78:70

God wen pick David, his worka guy. He wen tell David fo leave da sheeps Dat he take kea of.

Songs 89:24

David goin know fo trus me Cuz erytime I do wat I tell. He goin know dat I stay tight wit him. Cuz he my guy, he goin come Mo an mo strong.

Isaiah 9:17

Dass why my Boss No goin feel good bout da young guys, He no goin show pity notting Fo dea widows o dea kids dat no mo faddah o muddah. Cuz all dem peopo ack jalike God no matta to dem, An still stay do bad kine stuff. All dem get pilau mout. An Da One In Charge stay huhu wit da Israel peopo still yet, An he stay ready fo bus um up.

Micah 5:2

But you peopo from da Efratah ohana Betlehem town, No matta peopo tink da tousans a odda Judah guys Mo importan den yoa ohana! But az Betlehem wea da guy goin come from, Dat goin lead da Israel peopo fo me! He stay from befo time, long time awready.

Malakai 3:1

Da One In Charge, da God Ova All Da Armies, tell dis: “You know wat I goin do? I stay ready fo sen my messenja guy. He goin make ready da road befo I go dea. Da boss guy goin show up Befo you tink he goin come Ova dea inside his Temple! Dat messenja guy da one Dat you guys tell you stay look fo him, He da messenja dat tell bout da deal. An you guys tell, ‘Us guys goin stay real good inside wen he come!’ You neva know, o wat?! Fo shua he goin come!

Census 34:19

Dese dea names: Caleb, Jefunneh boy, from da Judah ohana.

Luke 19:27

Da guys dat stay agains me an no like me fo come dea king—bring um ova hea, an kill um in front me.’ ”

1 Corint 15:25

Christ gotta stay da King, you know, till God bus up all da peopo dat go agains Christ fo show dat Christ da winna ova dem.

Hebrews 7:14

Da One In Charge a us guys, Jesus, erybody know dat he come from da Judah ohana. But wen Moses talk bout da guys from da Judah ohana, he neva tell notting bout prieses.

Joshua 15:20

Dis da property dat da small ohanas in da Judah ohana get.