Rules Secon Time 33:5 - Hawaii Pidgin Bible

⁵ God, da king fo da Israel peopo dat stay do wass right, Wen da leadas fo da peopo all come togedda Wit da Israel ohanas.”

Rules Secon Time 33:5 ပူးပေါင်းရင်းမြစ်များ

Start 36:31

Ova dea Edom side had king guys dat was in charge, long time befo da Israel peopo get king guys.

Outa Egypt 15:18

Da One In Charge, he da King foeva an eva!”

Outa Egypt 18:16

Erytime dey get problem, dey come in front me, an I figga wat guy stay right an wat guy stay wrong. I make um know da tings God tell dey gotta do, an I tell um wat da Rules From God mean, weneva dey aks me bout dat.”

Outa Egypt 18:19

“So now, lissen wat I tell! I goin tell you wat you gotta do, an I like fo God help you fo do um! Yoa job, you gotta be da one dat talk fo da peopo to God. Wen dey like go see da judge, you da one fo find out wat God tell bout dat an tell um.

Isaiah 44:2

Dis one spesho message from Da One In Charge! He da One make you his peopo. He wen shape you inside yoa muddahs. An he goin help you guys. He tell: “Eh, no sked! You Jacob guys, you work fo me. You Israel peopo dat do wass right, I wen pick you.

Census 23:21

“Da One In Charge look da Jacob peopo, An dey no stay do wat dey not suppose to do. No mo trouble dea fo da Israel peopo. Dea God Da One In Charge stay wit dem. Dey yell cuz he dea king, An az why dey feel good inside!

Rules Secon Time 32:15

But Jeshurun, az da Israel peopo Dat stay do wass right, Dey wen come real fat an do Ony wat dey like do. Eh, I stay talk bout you Israel peopo! You guys eat too much an come real fat. You wen bag from da God dat wen make you. Da One dat stay solid jalike one big stone Da One get you guys outa trouble, But you guys tink he stupid, an bag from him.

Rules Secon Time 33:26

“No mo anodda god like da God fo Jeshurun, Az da Israel peopo dat stay do wass right, He ride from one side a da sky to da odda side Fo help you guys. He ride jalike da clouds one war wagon fo him Cuz he awesome.

Local Leadas 17:6

Dat time, da Israel peopo neva get king. Erybody do wateva dey figga az good.

Local Leadas 8:22

Da Israel peopo tell Gideon, “Go come! Be da leada ova us—you an yoa boy an yoa grankid. Cuz you wen get us outa da Midian guys powa.”

Local Leadas 9:2

“Try aks all da men Shekem side, ‘Az mo betta fo you guys get all seventy Jerub-Baal boys fo yoa leadas? O mo betta ony one guy?’ No foget, us ohana, aah?!”