Rules Secon Time 33:3 - Hawaii Pidgin Bible

³ You, Da One In Charge, fo shua you get Love an aloha fo da Israel peopo. All da ones dat stay spesho fo you, Jalike dey stay inside yoa hand. Dey go down in front yoa feets, An dey learn stuff from you.

Rules Secon Time 33:3 ပူးပေါင်းရင်းမြစ်များ

Songs 31:15

You stay in charge a eryting Dat goin happen to me bumbye. So, get me outa trouble From da peopo dat stay look fo me Cuz dey like make me suffa.

Songs 47:4

God wen pick da good land He give us guys, Cuz us guys his peopo. Us guys stay proud Cuz a da land he give us, Cuz he get love an aloha Fo oua ancesta guy Jacob. (Time out fo da music.)

Songs 50:5

Tell all da ones dat stay tight wit me Fo come togedda by me, Da ones dat wen make one sacrifice Fo make one spesho deal wit me!”

Smart Guys 2:1

Wen I talk to my boy, I tell um, “Lissen wat I tell! No foget da tings I stay tell you dat you gotta do, An make shua you make dat way all da time.

Teacha 9:1

So I tink bout all dis. From dat, fo shua God da One stay in charge a da peopo dat do da right kine stuff an know wat fo do erytime. But nobody know if peopo goin love um o hate um.

Jeremiah 2:2

“Go tell dis Fo all da peopo inside Jerusalem hear you. Da One In Charge tell, ‘I no foget how you guys was, young time. You guys was real tight wit me, Jalike one bride dat get plenny love an aloha fo da guy she marry. You guys wen stay tight wit me all da way thru da boonies, Even da places wea no can plant seeds notting.

Jeremiah 31:3

From long time befo time, Me, Da One In Charge, I wen show up fo dem see me. I tell: “I get plenny love an aloha fo you guys fo long time. Dass why fo long time I stay tight wit you guys.

Jeremiah 32:40

I goin make one deal wit dem dat goin las foeva: I still yet goin do good kine stuff fo dem, fo dem show respeck fo me, an dey no goin tell “Laytas” to me.

Hosea 11:1

Da One In Charge tell, “Befo da Israel peopo come one nation, dey jalike my kid. I get love an aloha fo all dem. An I call out to all dem, ‘Eh my boy! Go come outa Egypt!’

Malakai 1:2

Da One In Charge tell dis to you guys: “I get love an aloha fo you Israel guys.” But you guys tell God, “Eh! How you wen show you get love an aloha fo us guys?!” Dis wat Da One In Charge tell: “You guys know Jacob, yoa ancesta? He get one braddah Esau, aah? But da peopo dat come from Jacob, da Israel peopo, dey da ones I get love an aloha fo!

Matthew 23:2

“Da teachas dat teach da Rules From God, an da Pharisee guys, dey get da same job jalike Moses had, cuz dey tell erybody wat fo do.

Luke 10:39

She get one sistah Mary, an Mary sit down by Jesus feets an lissen wat he tell.

Luke 2:46

Day numba three, dey find Jesus inside da open lanai fo da Temple, stay sitting dea wit da Jew teachas, lissening to dem, an aksing dem stuff.

Luke 8:35

All da peopo come fo look. Wen dey come by Jesus, dey spock da guy, an he no mo da bad kine spirits now. He stay sit by Jesus feet wit clotheses on, an he tink good stuff now. An all da peopo come real sked.

Jesus Guys 22:3

“I one Jew guy. I born Tarsus town, Cilicia side. But I grow up ova hea inside Jerusalem. I go school, an Gamaliel was my teacha. I learn all da stuff from oua ancesta guys rules, an I go all out fo God jalike all you guys dat stay hea now.

Rules Secon Time 14:2

Cuz you guys one peopo dat stay spesho fo yoa God, Da One In Charge. He wen pick you guys from all da peopos on top da earth fo come his spesho peopo dat stay ony fo him.

Rules Secon Time 4:37

He get plenny love an aloha fo yoa ancesta guys, an he pick da kids afta dem too. Az why he wen stay wit you guys an go fo broke fo bring you guys outa Egypt.

Rules Secon Time 6:1

Moses tell dis too: “Dis wat oua God, Da One In Charge, wen tell me fo teach you guys—all da stuff you gotta do, an da rules bout wass right an wass wrong. Dass wat you guys gotta do inside da land wea you goin go fo take um ova, da odda side a da Jordan Riva.

1 Tessalonika 1:6

An you guys wen start fo copy how us guys ack, an how Da One In Charge ack. You guys wen trus da tings we wen tell you guys. An no matta you guys stay suffa plenny, da Good An Spesho Spirit wen help you guys stay good inside.

1 Peter 1:5

You guys trus God, an he get plenny powa fo proteck you guys. He take kea you guys, an he no let nobody hemo you guys from him. Wen da las day come, he goin show how he wen get you guys outa da bad kine stuff you wen do.

1 John 4:19

Us guys get love an aloha fo God cuz he wen get love an aloha fo us firs.

1 Samuel 2:9

He goin take kea his spesho peopo, wea eva dey go! But da bad kine peopo, dey goin mahke An stay one dark place. “An if one guy come strong, Da powa dat he get, you know, Neva come from inside him. Come from Da One In Charge!