Rules Secon Time 32:9 - Hawaii Pidgin Bible

⁹ Da One In Charge wen pick his peopo, Fo come dea God. Da peopo dat come from Jacob, Dey his property.

Rules Secon Time 32:9 ပူးပေါင်းရင်းမြစ်များ

2 Samuel 14:16

Maybe you, da king, goin lissen an help me, yoa worka wahine. Den da guy no goin get da powa fo do notting, da one dat like cut me an my boy off from da stuff my husban suppose to get dat God wen give us.’

2 Samuel 20:19

Me, I one a da Israel peopo dat get respeck fo da deal we all wen make fo no fight each odda, an fo be da kine peopo you can trus. But you, you stay trying fo kill all da peopo from dis town. Dis town stay jalike one muddah fo plenny small kine towns. So, how come you like wipe out da property dat Da One In Charge own, aah?!”

1 Kings 8:51

Cuz dis peopo, Dey da ones you wen take Fo be yoa peopo foeva. You wen bring um outa Egypt, Da time dey feel Jalike dey stay inside one hot place, Hot enuff fo melt da iron ova dea.

1 Kings 8:53

Cuz you da one wen pick dem Fo make um come yoa peopo, Diffren den all da odda peopos All ova da world. Dass wat you wen tell yoa worka guy Moses fo tell dem, Da time you wen get oua ancesta guys outa Egypt An bring um ova hea. You Da One In Charge! You da Boss fo me!”

Songs 106:40

Az why Da One In Charge Come huhu wit his peopo. He piss off wit da peopo Dat suppose to be ony fo him.

Songs 106:5

Cuz wen good tings happen To da peopo you pick, Same ting goin happen to me. I goin feel good inside Wen yoa peopo feel good inside. Wen da peopo dat stay yoas Tell good tings bout you, I goin tell good tings bout you, Jalike dem too.

Songs 135:4

Cuz Da One In Charge wen pick Oua ancesta guy Jacob Fo come his spesho boy, Da same Jacob guy Dat Da One In Charge wen give Da name Israel, Da One In Charge pick him Fo be his guy.

Songs 28:9

Eh! You Da One In Charge! Get yoa peopo outa trouble An give dem da powa fo do Da tings you wen make um fo do, cuz dey yoa guys. So, take kea dem, an back dem up foeva!

Songs 33:12

Da country dat get Da One In Charge fo dea God, Eryting goin go good fo dem. Dey goin be da peopo Dat God pick fo be his peopo.

Songs 74:2

No foget da peopo dat stay come Togedda fo pray to you, Da ones dat long time befo time You wen buy um Fo be one peopo Dat stay tight wit you. No foget Mount Zion, wea get Da Temple wea you stay.

Songs 78:71

God wen bring David back From wea he help da muddah sheeps Wit dea bebes, Cuz God like fo David Take kea God peopo, da Israel peopo.

Outa Egypt 15:16

Dey so much sked an shaking, dey donno wat fo do. Cuz a you, you strong. Dass why dey no move notting. Dey jus stan dea jalike one stone an no talk notting, Till yoa peopo go all da way da odda side, Da One In Charge, Till da peopo go da odda side, Dey da ones you wen free up!

Outa Egypt 34:9

He tell, “Boss, if fo real kine you wen check me out an you like me, let me aks you fo do one ting: go wit us guys, no matta dese peopo hard head. Let us guys go even wen we no do wat we suppose to do an do bad kine stuff. Take us fo be yoa peopo!”

Isaiah 19:25

Cuz Da One In Charge, Da God Ova All Da Armies, he goin do good stuff fo all a dem. He goin tell, “I goin make good stuff happen to my peopo, da Egypt peopo, an to da Assyria peopo dat I wen make, an to da Israel peopo dat goin be mines foeva!”

Isaiah 34:17

He wen measure da land he goin give To all da birds an animals. An to dea kids an dea grankids, Fo dem get da Edom land all da time.

Isaiah 43:21

I wen make dose peopo fo me Fo dem talk story Bout da good tings I stay do.

Jeremiah 10:16

Da One da Jacob peopo get fo be dea God, He not jalike dose idol kine gods! Cuz he da One wen make eryting. He make da Israel ohana peopo fo come his peopo. Da One In Charge, he Da God Ova All Da Armies, Az wat kine god him!

Jeremiah 2:7

“But den, I wen bring you guys inside one land Wea fruit grow good, An you can eat odda stuff dat grow dea too. But wen you guys come hea, You make my land come all pilau. You guys make da property I give you Come one junk kine place.

Jeremiah 51:19

Da One da Jacob peopo get fo be dea God, He not jalike dose idol kine gods! Cuz he da One wen make eryting. He make da Israel ohana peopo fo come his peopo. Dass Da One In Charge, da God Ova All Da Armies.

Micah 2:5

Az why da peopo a Da One In Charge goin come togedda, But you no goin get nobody dat can pull straw Fo tell who goin get wat piece land.

Zekariah 2:12

Da One In Charge goin make da Judah land his property, inside da land dat stay spesho fo him. An he goin pick Jerusalem fo come his town one mo time.

Efesus 1:18

God, I like you help oua Efesus braddahs an sistahs fo undastan mo betta da good kine stuff you wen promise fo do fo dem bumbye. Az jalike you goin open one light inside dem fo dem fo see. Den dey goin start fo wait fo da tings you wen promise cuz you wen tell dem fo come be yoa guys. Help dem fo know dat all da awesome stuff you wen promise fo give us goin be plenny. Az jalike da same ting you goin give all yoa kids cuz dey stay all out fo you.

Rules Secon Time 9:29

But da Israel peopo, dey yoa peopo. You own dem. You wen use yoa awesome powa fo bring dem outa dea cuz you strong!

Joshua 24:17

Oua God Da One In Charge, he da One wen bring us guys an oua ancesta guys outa Egypt wea us was slaves. He do awesome stuff in front us. He take kea us wea eva us guys go. He take kea us guys wit all da peopos we wen pass thru dea land.

1 Samuel 10:1

Den Samuel take some olive oil dat he get inside one small clay kine pitcha, an pour um on top Saul head, an he kiss Saul on his face. Samuel tell, “Da One In Charge wen pick you fo come da leada ova his peopo, you know.