Rules Secon Time 32:47 - Hawaii Pidgin Bible

⁴⁷ Dis, az not stuff dat no mean notting fo you. Dis, az yoa life! If you lissen dis stuff I tell you, you guys goin live long time inside da land da odda side a da Jordan Riva dat you goin take ova.”

Rules Secon Time 32:47 ပူးပေါင်းရင်းမြစ်များ

Smart Guys 3:18

Wen you go all out fo know wat fo do erytime, Az jalike one tree dat get fruits Dat can make you live long time. An wen you try hard fo learn wat fo do an hang in dea, Good tings goin happen to you.

Smart Guys 3:22

You do dat, an inside, you goin live fo real kine, An you goin be da kine guy dat erybody like, Jalike you get one nice lei on yoa neck.

Smart Guys 4:13

I stay teach you wass right, So hang in dea. No go way from dat teaching. You betta stick wit um, Cuz az how you goin live fo real kine.

Smart Guys 4:22

Cuz da peopo dat find da stuff I stay tell, Dey come alive fo real kine cuz a dat, An dea body come good, same time.

Isaiah 45:19

I no make secret kine wen I talk, Jalike I stay some place Inside one land wea no mo light. I neva tell da peopo dat come from Jacob ohana, ‘No matta you guys try fo find me, Dat no goin mean notting fo you guys.’ Me, Da One In Charge! Wat I tell, I tell um fo real kine.

Prieses 18:5

Make shua you live da way I tell you gotta live, an do wat my rules tell you fo do. Anybody dat do wat my rules tell, dey goin stay alive an get life cuz dey do um. Me, Da One In Charge, da God dass fo real kine.

Amos 5:4

Dis wat Da One In Charge tell da Israel ohana: “Eh! Go come back by me an be my guys, Fo me help you, aah? Den you guys goin stay alive an no mahke.

Matthew 6:33

Main ting, make God Da One In Charge a you, cuz he da King. Do da right ting jalike he do, an you guys goin get all da stuffs you need.

Jesus Guys 7:38

Moses stay wit all da peopo togedda inside da boonies, wit all oua ancesta guys, an wit da angel guy dat talk to him on top Mount Sinai. God tell him good stuffs fo tell us guys how fo live fo real kine.

Rules Secon Time 30:16

Me, I tell you guys today wat fo do: Get love an aloha fo yoa God, Da One In Charge. Live da way he tell you guys fo live. Make shua you stay do wat he tell you fo do—dass eryting you gotta do, an eryting da rules he give you tell you fo do. Den you guys goin live an come mo plenny peopo, an yoa God, Da One In Charge, goin do good kine stuff fo you guys inside da land wea you guys goin go fo make um come yoa property.

Rules Secon Time 31:13

Dea kids dat donno dese rules, dey gotta hear an learn um fo dem stay sked a oua God, dass Da One In Charge a us, all da time you guys stay live inside da land dat you guys goin go da odda side a da Jordan Riva fo take ova.”

Rules Secon Time 33:25

You Asher guys, I like you get iron an bronze bars fo yoa gates, Fo nobody hurt you all da time you stay alive.

Rules Secon Time 4:40

Make shua you guys do wat Da One In Charge tell you gotta do, an do wat his rules tell dat I stay give you guys today. If you do dat, eryting goin go good fo you guys an yoa kids afta you, an you goin live long time inside da land oua God, Da One In Charge, give you guys foeva.”

Rules Secon Time 4:6

Make shua you do eryting I tell you fo do, cuz dat goin show da odda peopos dat you guys know wat fo do erytime, an you undastan plenny stuff. Dey goin hear all dis stuff dat Da One In Charge tell you guys you gotta do, an dey goin tell, ‘Fo shua dis one importan peopo—dey know wat fo do erytime, an dey undastan plenny stuff!’ ”

Rules Secon Time 8:3

He make shua you guys no get big head, an let you guys come hungry, an den he feed you guys manna fo eat. You guys an oua ancesta guys neva know wat manna was from befo time. Az how he wen make you guys know dis: dat peopo no can live ony wit food. Gotta lissen eryting Da One In Charge tell too!

1 Timoty 4:8

Wen one guy work out fo make his body come strong, dass good fo some tings. But gotta do da tings dat God like. Dass good fo eryting, fo da life ova hea inside dis world, an fo da real kine life we goin get bumbye.

2 Peter 1:16

Me an my frenz wen tell you guys awready bout Da One In Charge a us guys, Jesus Christ, an how plenny powa he goin get wen he come back, aah? Not was jus one bulai kine story dat us guys like tell. We wen tell you guys ony wat we wen see! Az why we know how awesome Jesus stay cuz he da King!

2 Peter 1:3

Jesus get da kine powa ony God get. Az how he wen give us guys eryting we need fo live to da max fo real kine, da way God like us fo live. An God do dat fo help us guys know him mo betta, an az worth plenny. He da One dat wen tell us fo come be his guys! He tell dat cuz he real awesome an real good.

Jesus Show 22:14

“Erybody dat wash dea clotheses clean, dey can stay good inside, cuz dey get da right fo eat from da tree dat make peopo come alive fo real kine. An fo go inside God big town thru da gate.