Rules Secon Time 32:43 - Hawaii Pidgin Bible

⁴³ All you peopos, yell plenny Cuz you stay good inside Wen you tink bout da peopo a Da One In Charge! Cuz he goin pay back da ones dat wen kill his worka guys. He goin pay back da peopo dat stay agains him. He goin make his peopo an land Come pono wit him one mo time.

Rules Secon Time 32:43 ပူးပေါင်းရင်းမြစ်များ

Start 12:3

Da peopo dat tell, ‘Eh Abram, I like God fo do good tings fo you!’ Bumbye me, God, goin do good tings fo dem. Da peopo dat tell, ‘Eh Abram, I like God fo do bad tings to you!’ Bumbye I goin make bad tings happen to dem. All da ohanas all ova da world, Bumbye wen dey tink bout you, dey goin tell, ‘Eh! We like God do good tings fo us guys, Jalike he stay do fo Abram!’ ”

1 Kings 8:43

Den lissen from inside da sky wea you stay, An go do someting fo da guys from anodda place Dat aks you fo help um. Wen you do dat, All da diffren peopos all ova da world Goin know wat kine god you. Den dey goin feel jalike dey sked Wen dey come in front you, Same ting jalike yoa Israel peopo feel. An dey goin know Dat dis Temple I wen build, Get yoa name.

2 Kings 9:7

You goin wipe out da ohana dat come from yoa boss King Ahab. I goin pay um back cuz dey wen kill my helpa guys dat wen talk fo me, Da One In Charge, an all my odda peopo dat Queen Jezebel wen kill.

Job 13:24

How come you hide yoa face? How come you ack jalike I agains you?

Songs 22:27

I like fo da peopo all ova da world, tink plenny bout you An tell dat you, Da One In Charge, da God fo dem, An come back fo be yoa peopo. I like fo da diffren ohanas from all da nations Go down in front you fo show respeck.

Songs 58:10

Da peopo dat stay do wass right, Wen dey see dat God Pay back da bad guys Fo wat dey wen do, Dey goin come real good inside. Jalike God goin get his feets wet Wit da blood from da bad guys.

Songs 65:3

Wen peopo do bad kine tings Dat make me come bum out, Still yet, you hemo da shame Us get from go agains you.

Songs 79:10

No good da odda peopos Dat donno you tell, “Eh! Dem guys god, wea he stay?!” Da odda peopos, dey wen make Da peopo dat stay work fo you Bleed an mahke. So pay um back plenny fo dat. Let dose peopo know, Dat you da one punish um lidat, An let us guys see you do um.

Songs 79:9

You da God dat stay get us outa trouble, So help us! Den peopo goin know wat kine god you An how awesome you stay. Get us outa trouble, an let us go. An hemo da shame fo da bad tings Us guys wen do! Den peopo goin know Wat kine god you.

Songs 85:1

Eh! You Da One In Charge! You like fo do good tings fo yoa land! You wen make eryting come good One mo time fo us Israel peopo!

Songs 85:3

Now you no stay huhu Wit us guys no moa. You pau go afta us Jalike you still mad.

Isaiah 1:24

Dass why dis wat Da One In Charge, da Boss, tell. He da God Ova All Da Armies, Da Strong One dat help da Israel peopo. Az wat he tell: “I goin fight an win Ova erybody dat go agains me, Fo dem no bodda me no moa! I goin pay back erybody dat stay agains me.

Isaiah 1:25

I goin go agains you Jerusalem guys too, Jalike I goin put you inside da fire Fo take out all yoa junk kine stuff from inside you.

Isaiah 11:10

Dat time, dis wat goin happen: Goin get one new king stay come. He goin get King David blood, jalike David faddah ohana da root fo him, an him da new branch. Dat king, goin be dea jalike one flag, so all da diffren peopos goin know he dea, fo all da diffren peopos know fo go by him. Peopo inside all da countries goin aks him wat fo do. An da place he goin live goin be awesome.

Isaiah 19:23

Dat time, goin get one big road go from Egypt to Assyria. Da Assyria peopo goin go Egypt side, an da Egypt peopo goin go Assyria side. An dey goin work togedda fo Da One In Charge.

Isaiah 19:25

Cuz Da One In Charge, Da God Ova All Da Armies, he goin do good stuff fo all a dem. He goin tell, “I goin make good stuff happen to my peopo, da Egypt peopo, an to da Assyria peopo dat I wen make, an to da Israel peopo dat goin be mines foeva!”

Isaiah 44:22

You guys go agains me plenny. Wat you wen do, was jalike one black cloud. But I wen wipe all dat out! You wen do plenny bad kine stuff, An dat was jalike get cloud all ova da place. But I wen hemo da shame fo all dat! Go come back by me! Cuz I wen pay da price Fo let you guys go awready.”

Isaiah 60:6

Goin get real plenny camels all ova yoa land. Young camels from da Midian an Efah peopos, Dey all goin come from Yemen An bring gold an incense, Fo tell erybody dat Da One In Charge stay good.

Isaiah 66:10

“All you peopo dat get love an aloha Fo da Jerusalem peopo, Dance an sing wit dem An stay good inside! Show erybody how you feel good jalike dem, No matta befo time you wen stay sad inside.

Jeremiah 13:14

Den I goin smash um agains each odda jalike dey clay wine jars. I goin even smash da faddah-muddah guys agains dea kids too, all togedda. I no goin show pity fo dem, o make easy kine to dem, o give dem chance. I goin wipe um out.’ ” Az da message from Da One In Charge.

Jeremiah 51:36

Az why Da One In Charge tell dis: “You know wat?! I goin fight fo you guys. I goin pay back da Babylon guys Fo wat dey do to you guys. I goin dry up da place dea watta come from An make dea pukas fo watta come dry.

Sad Song 2:5

Da Boss come jalike one guy dat stay agains us guys, He wase da Israel peopo. He wase all dea palaces. He bus up dea strong wall. He make plenny Judah peopo moan Cuz dey stay real sad inside.

Ezekiel 16:63

So den, I goin make right wat you wen do wrong fo make you pono wit me cuz a all da bad kine stuff you wen do. Den you no goin foget wat you wen do an come shame, an no open yoa mout no mo fo talk. Az wat me Da One In Charge, da Boss, tell.’ ”

Ezekiel 25:14

I goin let my Israel peopo pay back dem Edom guys fo me. Dey goin make lidat to da Edom peopo cuz I stay real huhu wit da Edom peopo. An dey goin know az me dat pay um back. Az wat me Da One In Charge, da Boss, tell.’

Luke 19:27

Da guys dat stay agains me an no like me fo come dea king—bring um ova hea, an kill um in front me.’ ”

Luke 2:32

He jalike one light Fo make yoa peopo come awesome, Da Israel peopo, An fo show all da odda peopos Inside da world Wat stay right.”

Rome 12:19

You my good frenz, so no go afta somebody fo pay um back wen he hurt you. Mo betta you wait, an let God take kea him, cuz God tell “Laytas” to wat dat kine peopo do. Da One In Charge wen tell dis befo time inside da Bible: “I da One dat pay back da peopo Fo do bad kine stuff.” Dass wat Da One In Charge tell.

Rules Secon Time 32:35

Wen dat time come, I da One goin afta da peopo fo pay um back fo da bad tings dey do. Wen da right time come, jalike dea feets goin slip. Da time fo wipe dem out Stay come pretty soon. An dey goin mahke real fas.”

Jesus Show 15:2

Afta dat I see someting dat make me tink was one ocean dat you can see thru, jalike glass, an had fire all mix up inside. An standing by da side a da ocean get all da peopo dat wen fight an win agains da Wild Animal an his statue, da one dat get one numba fo his name. An dose peopo dat wen fight an win, dey hold da harps dat God wen give um inside dea hand.

Jesus Show 15:4

You Da One In Charge, An erybody goin get respeck fo you An tell how awesome you stay. Cuz you mo spesho an good den all da peopo. All da diffren peopos from all ova da world goin come, An show you love an respeck. Cuz dey wen see all da good an right tings You wen do!”

Jesus Show 18:2

Da angel tell wit one loud voice, “Babylon wen get wipe out! Dat big town pau awready! Now inside dea ony get bad kine spirits, An all kine pilau scavenja birds stay hide dea too!

Jesus Show 18:20

Den I hear dis: “Eh! All you peopo dat stay wit God inside da sky, Stay good inside bout wat wen happen! God spesho peopo, an da guys dat God wen sen all ova, An da guys dat talk fo God, Stay good inside! Da Babylon peopo wen make any kine to you guys, But God wen come fo judge dem!”

Jesus Show 19:2

God, he da Judge. He ony tell da trut, An do wass right! He wen punish da big hoa Cuz she wen make da peopo inside da world Do real bad kine stuff, jalike her. He wen punish her Cuz she wen kill da peopo dat work fo God.”

Jesus Show 6:10

Da peopo spirits talk loud, an tell, “Eh, you Da One In Charge! You get all da powa! You spesho, an you tell da trut! How long mo we gotta wait till you come fo judge all da peopo hea on top da earth an punish dem? Cuz dey wen kill all us guys!”