Rules Secon Time 32:41 - Hawaii Pidgin Bible

⁴¹ Wen I make my sword sharp an shiny, I goin use um cuz I da judge, I goin punish da peopo dat stay agains me An pay back da peopo dat hate me.

Rules Secon Time 32:41 ပူးပေါင်းရင်းမြစ်များ

Songs 149:9

God, da judge, wen write awready, Dat dose odda peopo gotta get punish. An da peopo dat stay tight wit God, Dey get da awesome job fo punish um. Eh you guys! Tell good tings Bout Da One In Charge!

Songs 31:23

Eh, all you peopo Dat stay tight wit Da One In Charge, Get love an aloha fo him! Da ones dat live Da way he like fo dem live, He proteck um. But anybody dat ack high makamaka, Da One In Charge Pay dem back big time fo dat.

Songs 7:12

If somebody no change dea mind An no pau do wat dey not suppose to do, Den, God goin make his sword sharp An make ready fo shoot his arrows,

Songs 7:13

God goin make ready da tings he use fo kill, An he goin light his fire arrows.

Outa Egypt 20:5

No go down in front da odda gods fo show um love an respeck, an no work fo dem. Cuz I yoa God, az me, Da One In Charge! An if you go down in front da odda gods, I one jealous God! Az why I goin punish da peopo dat do bad kine tings an da ones dat hate me. An if dea kids do da same ting, I punish dem too, an same ting wit dea grankids, an even dea great-grankids.

Isaiah 1:24

Dass why dis wat Da One In Charge, da Boss, tell. He da God Ova All Da Armies, Da Strong One dat help da Israel peopo. Az wat he tell: “I goin fight an win Ova erybody dat go agains me, Fo dem no bodda me no moa! I goin pay back erybody dat stay agains me.

Isaiah 27:1

Dat time, Da One In Charge goin go afta Da peopos dat donno him fo punish dem. He goin ack mean to dem, Cuz he get mo powa den dem, An can wipe um out, Jalike fo go afta da sea monsta Leviatan, Dat move an turn jalike one snake fo run away, Da One In Charge, He goin kill da sea monsta. He goin wack um wit his sword, Da real big an strong sword.

Isaiah 59:18

He goin pay um back Same same jalike dey wen do: I like bad tings happen to da guys dat hate him, An pay back da guys dat stay agains him, Even da peopo on top da far islans!

Isaiah 66:16

Da One In Charge goin use da fire an his sword Fo punish all da peopo jalike one judge. Da One In Charge goin wipe out plenny peopo.

Isaiah 66:6

Lissen up! Get plenny noise from da town, An from da Temple. Az da noise Da One In Charge stay make Wen he pay back da guys dat stay agains him!

Jeremiah 44:26

But lissen wat Da One In Charge tell, all you Jews dat live inside Egypt! He tell: ‘Me, Da One In Charge, I get da rights fo make dis spesho promise cuz a who me, I da greates. No mo nobody from Judah goin use my name fo make one spesho kine promise, o go tell stuff like “I tell dis cuz I stay shua Da One In Charge a me stay alive!” fo make dea promise come strong, any place ova dea inside Egypt.

Jeremiah 50:18

Az why Da One In Charge, da God Ova All Da Armies, da God fo da Israel peopo, tell dis: “Me, I stay ready fo punish da Babylon king an his land, Jalike I wen punish da Assyria king.

Jeremiah 50:28

Lissen! Dat noise you hear, Dass da guys dat stay run away from da Babylon land! Dey like tell da peopo Jerusalem side How oua God, dass Da One In Charge a us, stay pay back da Babylon guys awready Cuz dey wen bus up his Temple.

Jeremiah 50:29

“Go tell all da guys dat shoot bow an arrow fo come, Da guys dat know how fo make da bow ready fo shoot, Fo dem go attack Babylon town. Go camp all aroun Babylon. No let nobody get outa dea. Pay dem back fo wat dey wen do. Make to dem jalike dey wen make to da odda peopos. Cuz dey wen get big head an go agains Da One In Charge, Da God Dat Stay Good An Spesho fo da Israel peopo.

Ezekiel 21:20

Go mark one road wea da guys wit swords can take fo attack Rabbah an da Ammon peopo. Mark da odda road wea da guys wit swords can take fo attack Judah an da strong wall aroun Jerusalem.

Ezekiel 25:14

I goin let my Israel peopo pay back dem Edom guys fo me. Dey goin make lidat to da Edom peopo cuz I stay real huhu wit da Edom peopo. An dey goin know az me dat pay um back. Az wat me Da One In Charge, da Boss, tell.’

Ezekiel 32:10

I goin make plenny peopo bum out cuz a wat goin happen to you. Dea kings goin come sked an shaking an come bum out cuz a you, Wen I wave my sword aroun in front dem. Da time you fall down, dey all goin shake an come sked, Cuz dey donno if dey goin stay alive, o not.’

Nahum 1:2

Da One In Charge, da Boss, He one jealous God. He no like fo peopo pray to odda gods. He pay back peopo fo wat dey do. He stay real huhu. Fo shua, he pay back da peopo dat stay agains him. He had it wit wat da peopo do dat go agains him.

Zefaniah 2:12

“You Sudan peopo too, I goin kill you wit my sword!”

Census 10:35

Weneva da pries guys pick up da Box fo carry um, Moses tell, “Go fo broke, Da One In Charge! I like fo da peopo dat stay agains you, run away all ova da place. I like fo da ones dat hate you, run away from in front you!”

Mark 1:2

Isaiah, da guy dat wen talk fo God long time befo time, he write dis inside da Bible: “God tell, lissen up! “I goin sen my messenja guy. He goin go ahead a you Fo get eryting ready Befo you come, Cuz you my real Spesho Guy, you know.

Rome 1:30

Dey talk bad bout odda peopo. Dey erytime hate God. Dey ack real high makamaka fo peopo no come by dem. Dey tink dey it. Dey talk big. Dey try tink how dey can make eryting hamajang. Dey no lissen wat dea muddah an faddah guys tell um fo do.

Rome 8:7

An if you tink fo do bad kine stuff an ack da way yoa body like you fo ack, cuz dass how you stay inside, you go agains God erytime. Dat mean, you no do wat da Rules From God tell—cuz you no mo da powa fo do um.

Rules Secon Time 32:35

Wen dat time come, I da One goin afta da peopo fo pay um back fo da bad tings dey do. Wen da right time come, jalike dea feets goin slip. Da time fo wipe dem out Stay come pretty soon. An dey goin mahke real fas.”

Rules Secon Time 5:9

No go down in front odda gods fo show um love an respeck, an no work fo dem. Cuz I yoa God, Da One In Charge! An if you go down in front da odda gods, I one jealous God! I punish da peopo dat do bad tings. I go afta dem an I punish da ones dat hate me. An if dea kids do da same ting, I punish dem too, an same ting wit dea grankids, an even dea great-grankids.

Rules Secon Time 7:10

But fo da peopo dat hate him, he goin wipe dem out fo pay um back. He no goin be slow fo pay um back.

2 Timoty 3:4

Dey goin set up odda peopo. Dey no goin tink befo dey do any kine. Dey goin ack big head. Dey ony goin like do wat feel good fo dem. Dass why dey no mo love an aloha fo God.