Rules Secon Time 32:4 - Hawaii Pidgin Bible

⁴ God, he jalike one big stone. Wateva he do erytime stay perfeck. Eryting he do stay right. He da God dat do wat he tell he goin do. He no do notting wrong. He ony do tings dass good an right.

Rules Secon Time 32:4 ပူးပေါင်းရင်းမြစ်များ

Start 1:31

God look eryting he wen make, an he tell, “Real, real good, all dat!” An had da nite time an da day time, az day numba six.

Start 18:25

No can be dat you goin wipe um all out, da way you wen tell! If you kill da peopo dat do da right ting, same time you kill da bad peopo, den dat mean you tink dey not diffren, da peopo dat do da right ting an da bad peopo! No can be! You da Judge fo all da peopo inside da world. So den, you gotta make diffren kine to da good peopo an to da bad peopo!”

2 Samuel 22:47

“Da One In Charge, he stay alive fo real! An I like erybody tell how plenny good tings he wen do, Cuz he jalike one big solid rock wea I can hide! He da God dat get me outa trouble, An I like erybody tell, ‘God, he awesome!’

2 Samuel 23:3

Da God fo da Israel peopo, he talk. Him, jalike one big cliff wea da Israel peopo can hide. “He tell me: ‘Anybody dat lead da peopo an do wass right, An lead um cuz he get choke respeck fo God,

2 Records 19:7

Dat mean, you guys betta be plenny sked a Da One In Charge. Take kea how you judge. Cuz oua God, dass Da One In Charge a us, he no judge da wrong way, he no make mo good fo one guy den fo anodda guy, an he no take unda da table kine money.”

Nehemiah 9:8

You wen look inside Abraham heart an see, Dat he da kine guy you can trus. You make one deal wit him. You tell him: ‘All da peopo dat goin come from you, I goin give to dem, da land wea da Canaan peopo live, An da Het peopo, da Amor peopo, da Periz peopo, Da Jebus peopo, an da Girgash peopo.’ You do eryting jalike you wen promise fo do befo time. Cuz you do wass right erytime.”

Job 34:10

“Az why you gotta lissen me, you guys dat undastan plenny! No ways God goin do someting bad! No ways Da God Dat Get All Da Powa goin do wass wrong!

Job 35:14

“Az why, Job, even mo God no goin lissen, Wen you tell dat you no can see him! An he da judge dat goin tell if you right o wrong, An you gotta wait fo him.

Job 36:23

No mo nobody tell God how he gotta live. No mo nobody can tell him ‘Wat you wen do, az wrong!’

Job 8:3

You tink Da God Dat Get All Da Powa, jam up how he judge peopo, Fo him judge um crooked kine, o wat? You tink he make wass right, come wrong?! No ways!

Songs 100:5

Cuz Da One In Charge, he good! He stay tight wit his peopo foeva! Yoa kids An da ones dat goin come from dem, Dey goin know fo trus him Jalike you guys know fo shua Fo trus him!

Songs 138:8

Eh! You Da One In Charge! You da One Goin make happen fo me, Eryting you wen promise fo do. You, Da One In Charge, An you stay tight Wit yoa peopo foeva! So den, no go bag From da peopo you wen make!

Songs 145:17

Da One In Charge, eryting he do, He do wass right. An no matta wat he do, He stay tight wit eryting he make.

Songs 146:6

God, he da One wen make da sky An da earth, Da ocean too, an eryting inside um. Fo shua can trus Da One In Charge foeva, Fo do wat he tell he goin do.

Songs 18:2

Da One In Charge, he make shua notting bad happen to me, Jalike he one solid rock mountain an one strong wall. He jalike one big solid rock, Fo me go by him fo hide me. He real strong, Jalike he one shield dat no let nobody touch me. He jalike one big wall.

Songs 18:46

Da One In Charge, he alive fo real kine! An I like erybody tell how plenny good tings he do. He jalike one big solid rock fo me hide dea! He da God dat get me outa trouble An I like erybody tell, “God, he awesome!”

Songs 19:7

Da way Da One In Charge teach, Eryting come out how suppose to do. Wen you do wat he teach, Jalike he make you come all new inside one mo time. Da rules Da One In Charge give, you can trus um. Dass how you goin know wat fo do erytime, Even if you donno right now wat fo do.

Songs 31:5

Dass why I turn ova my life to you, Cuz I stay trus you. Eh! Da One In Charge, I like you get me outa all dis, Cuz you da kine god I trus.

Songs 33:4

Eryting Da One In Charge tell, He do um. Eryting Da One In Charge do, You can trus him.

Songs 78:35

Den da peopo no foget dat God, He stay jalike one big rock fo help dem. Da God Dass Mo Importan Den All Da Odda Gods, He da One wen pay da price Fo get um back.

Songs 9:16

Da One In Charge, he let peopo know him. An he tell who do da right ting An who no do da right ting. Da peopo dat do bad tings, Da tings dey stay do goin make trouble fo dem. (Time out fo da music.)

Songs 90:16

Us guys dat work fo you, We like see da tings you do, We like fo oua kids see How awesome you stay.

Songs 92:15

Dey tell, “Da One In Charge Stay do da right ting erytime. He jalike one big rock fo me, Cuz he take kea me. He ony stay good, No mo notting bad in him!”

Songs 97:2

Us guys no can see Wat Da One In Charge stay do, Cuz heavy an dark, Da clouds all aroun him! Us know he goin stay da king foeva, Cuz he do wass right erytime, An he judge da right way erytime.

Songs 98:3

Da One In Charge, he no foget Fo stay tight wit da Israel ohana, An dey can trus him fo do Wat he tell he goin do. Dass why da peopos From da mos far parts a da world Know dat oua God Get his Israel peopo outa trouble!

Songs 99:4

Eh God! You da strong king. You get love an aloha Fo whoeva do da right ting! You da One dat tell Wass da bestes way fo da Israel peopo An you set up da rules fo dem, How fo do wass right.

Outa Egypt 34:6

Den Da One In Charge pass by in front Moses. He talk strong an tell: “Da One In Charge! Dass me! I one God dat get pity fo peopo, An I like do good tings fo peopo! I slow fo get mad. I stay tight wit my peopo plenny, An I do wat I tell I goin do erytime.

Teacha 3:14

I know fo shua eryting God do goin stay foeva. No mo nobody can add notting to um, an no mo nobody can take notting away from um. God do dis fo peopo show respeck fo him.

Isaiah 17:10

Fo shua you guys foget bout God No matta he da One dat get you guys outa trouble. You no even rememba Dat he jalike one big rock fo you hide dea. Dass why you stay plant nice plants fo da god Adonis An da gods from anodda place.

Isaiah 25:1

Da One In Charge, you my God! I goin tell dat you da greates, I goin tell peopo I know wat good kine god you! Cuz you wen do awesome kine tings Wen you make one plan from long time befo, An us guys can trus you fo dat, An we know you tell da trut.

Isaiah 26:4

Trus Da One In Charge foeva an eva, Cuz if you stay tight wit oua God, Dass Da One In Charge a us, Jalike you get one strong an solid rock dat stay foeva.

Isaiah 28:16

Cuz dass how you guys tink, Da One In Charge a me tell dis: “Dis, wat I do! I da One goin put one stone on top da Zion hill Wea my Temple stay. One fo shua solid kine stone. Dat stone, jalike da corna block. Dass real importan Fo make da foundation stay solid. An da stone mean dis: ‘Anybody dat trus him, no need worry.’

Isaiah 30:18

Dass how come Da One In Charge stay wait, Cuz he stay ready fo do good tings fo you guys. He goin stan up Fo show you guys pity an love. Cuz Da One In Charge, he da kine god Dat judge da right way erytime. An all da peopo dat stay wait fo him, Dey can stay good inside.

Isaiah 32:2

Da king goin be da kine guy Dat goin be jalike one place Fo da peopo hide From da strong wind o da rain, So no can wack um. He goin help da peopo fo res, Jalike one watta ditch inside one dry place, An jalike one big rock Dat make one big shadow In da place wea no mo watta.

Jeremiah 10:10

But Da One In Charge, he da ony god dass fo real. He da God dat stay alive an stay da king foeva. Wen he come huhu, da earth shake. Da diffren peopos no can handle Wen he no like wat dey do.

Jeremiah 9:24

But anybody like talk big, Good he talk big bout dis, Dat he undastan me an know me, Cuz he know dat me Da One In Charge, An I help peopo stay tight wit me, An judge da right way erytime, An do da right kine ting inside da world. Cuz da kine peopo dat make lidat, Make me stay good inside!” Az wat Da One In Charge tell.

Daniel 4:34

“Afta da seven year, me, Nebukadnezzar da King, wen look up to da One inside da sky. Den I start fo tink one mo time. I tell bout da God Dass Mo Importan Den All Da Odda Gods, how he do good tings fo me! “I tell good tings bout da One Dat Stay Live Foeva, An I tell dat he stay awesome, An he goin stay king foeva! He get da right fo stay in charge Ova all da peopo dat live today An ova all da peopo dat goin live bumbye.

Daniel 4:37

“Now me, Nebukadnezzar da King, I talk good bout da King Inside Da Sky, an tell dat he awesome. Eryting he do stay right. Anybody live his way, dey goin do da right ting too. An he can make da guys dat ack jalike dey big head guys come notting.”

Habakkuk 1:12

You, Da One In Charge! You my God! You stay alive from befo time An you no goin mahke! You my God dat stay good an spesho. You Da One In Charge! You wen pick da Babylon guys fo pay us back. You strong, jalike one cliff. You wen pick dem fo punish us guys!

Habakkuk 1:13

You stay good an right. Wen you see peopo do bad kine stuff, You no tell az okay. You tell “Laytas” to eryting dass wrong! So den, how come you let da bad peopo Make one plan fo set up peopo dat trus dem? Wen dey scam da peopo Dat do wass right mo den dem, How come you no tell notting?!

Zefaniah 3:5

But Da One In Charge, he stay dea inside da town, An he do da right kine tings. He no do wass wrong! Ery morning he judge da peopo da right way. Ery new day he no let nobody down. Still yet, dose peopo dat no do wass right, Dey no mo shame!

Matthew 5:48

All da time you gotta go all out fo be good, jalike yoa Faddah in da sky, he erytime go all out fo be good.”

John 1:14

Dat “God, He Talk” Guy, he come one guy dat get one body jalike us guys get. He stay wit us short time, an us see how awesome he stay. He awesome, cuz he da One an ony Boy dat come from da Faddah. He like do plenny good stuff fo us cuz dass how he stay. Eryting he tell bout God stay fo real.

John 1:17

Moses wen give oua ancesta guys da Rules From God. Den Jesus Christ, God Spesho Guy, he do plenny good stuff fo us, an eryting he tell us bout God, stay fo real.

John 14:6

Jesus tell um, “No mo anodda guy can bring peopo to da Faddah, ony me. I bring peopo to um, jalike I da road. I da guy dat get da trut. I da guy dat make da peopo come alive fo real kine.

John 5:22

My Faddah not da judge fo nobody, but he make me da judge fo erybody, cuz I his Boy. I da one dat suppose to tell if dey do good tings o bad tings.

Rome 1:32

God wen tell um wass pono fo dem do, an dey wen hear all dat awready. Dey know dis too: if get anybody dat no ack jalike how God tell um fo ack, fo shua dey goin mahke. But dese guys do all dat kine stuff anyway, an dey tink az good wen da odda guys ack lidat too.

Rome 2:2

But we know dis: Erytime God tell dat da peopo wen do bad kine stuff, we know wat he tell stay true.

Rome 2:5

But you get hard head. An you no like change wat you do. So, you stay make tings mo worse fo you. Bumbye God da Judge goin tell who wen do bad kine stuff, an erybody goin know dat God judge da right way. Den he goin punish you cuz he had it wit wat you do.

Rome 3:5

But if we do da wrong tings, an dat show erybody dat fo real kine God stay do da right tings, den wat bout dat? We goin tell God do wrong wen he punish us, o wat? (Dass how some peopo talk, you know.)

1 Corint 10:4

an dey all wen drink da same watta dat God Spirit wen give um fo drink. Wat dey wen drink wen come outa one big rock dat God Spirit wen give um. Jalike dat rock was dea ery place dey go, Christ was dea too.

Rules Secon Time 10:18

He back up da kids dat no mo faddah o muddah, an da wahines dat no mo husban. He get love an aloha fo peopo from anodda place, an give um food an clotheses.

Rules Secon Time 32:15

But Jeshurun, az da Israel peopo Dat stay do wass right, Dey wen come real fat an do Ony wat dey like do. Eh, I stay talk bout you Israel peopo! You guys eat too much an come real fat. You wen bag from da God dat wen make you. Da One dat stay solid jalike one big stone Da One get you guys outa trouble, But you guys tink he stupid, an bag from him.

Rules Secon Time 32:18

You guys wen bag, an go way from da real God Dass jalike da Rock fo you guys, An da One dat stay jalike yoa Faddah. You guys foget da God dat wen bring you guys inside dis world.

Rules Secon Time 7:9

Az why you guys gotta know dat yoa God, Da One In Charge, he da God dass fo real! He da God you can trus um fo do wat he tell he goin do. He make good da deal he wen make, an he stay tight wit da peopo dat get love an aloha fo him an do wat he tell dem fo do fo mo den tousan generation.

James 1:17

Erytime somebody give you someting nice an spesho, all dat come from yoa Faddah up dea inside da sky. He wen make all da lights inside da sky—da sun, an moon, an stars. But God no change jalike da tings inside da sky change.

James 4:12

Ony get da One God dat make da Rules, an he da ony Judge! He da same One dat can take kea you o can kill you, you know. So! Who you tink you, fo tell da odda guy no good?

1 Peter 2:6

Cuz inside da Bible, God tell, “Eh, try look. I put down da corna block inside Zion, Dass da one I wen pick. Dat stone real importan fo me. Anybody dat goin trus him plenny, Dey no need worry notting.”

1 Samuel 2:2

“No mo anodda god dat mo awesome an spesho den you, Da One In Charge! You da One, da ony One! You oua God, an you stay solid, jalike da bigges rock! No mo any odda god dat stay solid jalike you!