Rules Secon Time 32:39 - Hawaii Pidgin Bible

³⁹ “Now see, dis me, I God fo real kine! No mo anodda god but me! I can make peopo mahke, an I can give dem life. I can hurt dem an I can make dem come good. An no mo nobody can get dem Outa da kine trouble I give um.

Rules Secon Time 32:39 ပူးပေါင်းရင်းမြစ်များ

2 Kings 20:5

“Go back an tell Hezekiah, da leada guy fo my peopo, ‘Dis anodda message from me, Da One In Charge, da God fo yoa ancesta guy David. Tell um, I wen hear you pray awready, an see how you stay cry. Now, I da One goin make you come good. Da day afta tomorra, you goin go up by da Temple Fo Da One In Charge.

2 Kings 5:7

Wen da Israel king read da letta, he come real bum out. He rip his clotheses fo show dat. He tell, “Wot! Dis guy tink me God, o wat?! He tink I can kill somebody an make um come back alive, o wat?! How come dis guy sen somebody by me fo me make him come good from dat kine sick?! Fo shua you guys can see, he like beef wit me!”

Nehemiah 9:6

“You Da One In Charge, you da ony one! You wen make da sky, an even da mos high part a da sky. You wen make da sun an da moon an all da stars, jalike one army. You wen make da world an eryting dat stay live on top. You wen make da ocean an eryting dat stay inside dea. You da one dat wen make all da animals an plants an fish an peopo stay alive, An erybody dat stay inside da sky stay show you love an respeck!”

Job 10:13

“ ‘All da tings I goin tell, You let um stay secret inside you. I know wat you wen tink:

Job 10:7

You do dat, no matta you know dat I no mo da blame, But no mo nobody can get me outa yoa powa!

Job 5:18

Cuz he can hurt you, but he put bandage on you too. He can wack you, but he touch you an make you come good too.

Songs 102:27

But you, you stay hea. You no goin mahke eva.

Songs 102:28

Us guys dat work fo you, an oua kids, We goin stay dea in front you. Da peopo dat goin come from oua kids, Dey goin stay solid, Cuz you stay watch out fo dem.”

Songs 18:31

Cuz no mo anodda God fo real kine. Da One In Charge, he da ony one! No mo anodda one dat stay strong, jalike one big solid rock. Oua God, he da ony one!

Songs 50:22

You peopo dat ack jalike God no matta, Tink real good Bout all da tings I tell you. Cuz if you no lissen, I goin rip you guys up, An no mo nobody Goin get you outa trouble.

Songs 51:8

Make shua I know Dat you wen hemo my shame. Den I can dance an sing an yell Cuz I stay good inside! Fo now, I feel all bus up. So make me feel good inside One mo time!

Songs 68:20

Oua God, he da kine God dat do plenny Fo get us guys outa trouble! He Da One In Charge a me. He do tings fo us guys no mahke!

Songs 86:10

Cuz you, you real big An you do awesome kine tings. You, you da ony one Dass God fo real kine!

Outa Egypt 15:26

God tell dem, “You guys gotta lissen good to me, yoa God, Da One In Charge fo real kine. You guys gotta stay do da right ting in front me, an lissen wat I tell you guys fo do, an keep all da Rules. If you guys do all dat, den I no goin wack you guys wit all da kine sick dat I wen bring fo da Egypt peopo. Cuz me Da One In Charge, an I da one dat make you guys come good.”

Outa Egypt 4:7

Den God tell, “Now, put yoa hand inside yoa shirt one mo time.” Moses put his hand back inside da shirt. Wen he pull um out, da skin come back regula kine, jalike his regula skin.

Teacha 3:3

One time fo kill peopo An one time fo make peopo come good. One time fo bus up An one time fo build.

Isaiah 19:22

He goin punish da Egypt peopo wit one bad kine sick, but den he goin make um come good. Cuz dey goin change dea mind an come tight wit Da One In Charge, an he goin lissen wen dey pray to him, an make um come good.

Isaiah 30:26

Da moon goin shine strong, Jalike da sun. An da light from da sun goin come Seven time mo bright den befo, Jalike you get all da light from seven days, In one day! Az how goin happen Afta Da One In Charge wack his peopo. Den, Da One In Charge goin fix um Ery place da bone stay broke, An he goin bandage Da cut he wen give dem.

Isaiah 41:4

Me, Da One In Charge, I da One do all dis stuff, An me da One dat pau do wat I start fo do! Was me, Da One In Charge, wen tell da firs peopo fo come, An all da ones dat wen born afta dem too, An me da One goin tell da las ones wen dey pau!

Isaiah 43:10

Dis, wat Da One In Charge tell: “You guys goin tell Wat you know bout me. An I wen pick you guys fo work fo me, Fo you guys know who me, An trus me, an know dat I da One. Befo me, neva have anodda god. An no goin get no odda god afta me.

Isaiah 43:12

I wen tell da peopo wassup, An get um outa trouble, An make shua dey hear all dis. No was some odda god from anodda place Dat do all dat stuff. An you guys, you can tell dem ova an ova Wat you wen see me do, Dat I da God fo real kine.” Az wat Da One In Charge tell.

Isaiah 43:13

“An from long time befo time, I God. Wen I use my powa, No mo nobody can make me stop. Wen I do someting, No mo nobody can change um An make um jalike was befo time.”

Isaiah 45:18

Az cuz Da One In Charge get dis spesho message, Da One dat wen make da sky, Da One dass God fo real kine! He da One wen plan an make da world. He make um solid. He neva make um so no mo notting dea. He make um fo peopo live dea. Dis wat Da One In Charge tell: “Me, Da One In Charge. No mo anodda one like me!

Isaiah 45:22

“All you peopo from da mos far places all ova da world, Turn aroun an come by me Fo me get you guys outa trouble, Cuz I God. No mo anodda god, ony me.

Isaiah 45:5

Me, Da One In Charge! No mo anodda One. No mo anodda God, ony me. I goin make you come strong, Cyrus, Ready fo fight, No matta you donno who me.

Isaiah 46:4

Even wen you guys come ol an get gray hair, I still Da One In Charge. I still goin help you guys. I wen make you guys An I goin carry you guys. I goin get you guys outa trouble.

Isaiah 48:12

“You Jacob peopo from da Israel ohana, Lissen wat I tell you guys. You da guys I wen call Fo come my peopo. I da One dass God fo real kine. I da One from da start, An mo den dat, I goin be da las.

Ezekiel 37:12

Az why Ezekiel you gotta tell dem dis message from Da One In Charge, da Boss: He tell, You guys, you my peopo! Dis wat I goin do—I ready fo open up yoa graves an bring you guys up from down dea. I goin bring you guys back inside yoa Israel land.

Ezekiel 37:3

He tell, “Eh! Fo Real Kine Guy! You tink dese bones can come back alive, o wat?” I tell, “Eh! You Da One In Charge, you da Boss! Ony you know dat!”

Hosea 5:14

Cuz az me, Da One In Charge, Dat punish Israel an Judah. I goin be jalike one lion dat attack da Efraim peopo. Jalike one lion dat go agains da Judah ohana. I goin bus dem up, den go way. I goin drag dem wit me, an no mo nobody goin free um up.

Hosea 6:1

Da Israel peopo tell, “Go come, we go back by Da One In Charge. He wen rip us up, But he goin make us come good. He wen wack us guys, But he goin put one bandage on us.

Micah 5:8

All dose guys from da Jacob ohana dat still stay alive, Dey goin stay in da middo a plenny peopos, Dey goin be jalike one lion in da middo a da wild animals inside da fores. An jalike one young lion in da middo a plenny sheeps. He wase um, an no mo nobody dea fo get um outa trouble.

John 8:24

Dass why I tell dat you guys goin get cut off from God foeva cuz a all da bad kine stuff you guys stay do. Cuz if you guys no stay shua dat I da Spesho Guy, den you guys goin mahke from all da bad kine stuff you stay do.”

Rules Secon Time 32:12

Da One In Charge, he da ony One wen lead his peopo, No mo anodda god from anodda place help him.

Rules Secon Time 4:35

“Da One In Charge wen show you guys all dese tings fo you guys know dat Da One In Charge, he da God fo real kine! No mo any odda God, ony him!

Rules Secon Time 7:9

Az why you guys gotta know dat yoa God, Da One In Charge, he da God dass fo real! He da God you can trus um fo do wat he tell he goin do. He make good da deal he wen make, an he stay tight wit da peopo dat get love an aloha fo him an do wat he tell dem fo do fo mo den tousan generation.

Hebrews 1:12

You goin throw out da earth an da sky, Jalike puka kine clotheses. An you goin change um, Jalike wen peopo put on da odda kine clotheses. My Boy, you still stay da same jalike befo time. You no goin mahke eva!”

Jesus Show 1:11

He tell, “Write down inside one book da stuff you goin see, an sen um to da peopo inside da seven churches, da ones inside Efesus, Smyrna, Pergamum, Tyatira, Sardis, Philadelphia, an Laodicea.”

Jesus Show 2:8

Den da One I wen see tell me, “Da messenja guy I wen sen fo help da peopo dat come togedda fo church Smyrna side, write one letta to him, an tell um dis: “Da One dass firs an las, da One dat mahke an den come back alive, dis wat he tell:

1 Samuel 2:6

“Yeah, Da One In Charge, make peopo mahke, An make dem come alive too. Yeah, he take peopo down inside da Mahke Peopo Place, An he bring um out.