Rules Secon Time 32:35 - Hawaii Pidgin Bible

³⁵ Wen dat time come, I da One goin afta da peopo fo pay um back fo da bad tings dey do. Wen da right time come, jalike dea feets goin slip. Da time fo wipe dem out Stay come pretty soon. An dey goin mahke real fas.”

Rules Secon Time 32:35 ပူးပေါင်းရင်းမြစ်များ

Start 4:23

One time, Lamek talk big to his two wifes: “Eh, Adah an Zillah! Lissen up! You guys my wifes, so lissen wat I tell you! Had one guy dat go bus me up. I wen kill um. No matta az ony one boy bus me up, If somebody hurt me, I goin kill um!

2 Samuel 22:48

Him, da God dat go afta Da peopo dat come agains me an pay um back. An he make da odda peopos come unda my powa.

2 Kings 9:7

You goin wipe out da ohana dat come from yoa boss King Ahab. I goin pay um back cuz dey wen kill my helpa guys dat wen talk fo me, Da One In Charge, an all my odda peopo dat Queen Jezebel wen kill.

Songs 94:1

Eh! You Da One In Charge! You da kine God dat get peopo back Fo da way dey jam up eryting! Fo erybody see how you get back Da ones dat tink fo do any kine!

Outa Egypt 32:34

Now, you go. Take da peopo da place I wen tell you fo go. Goin get one angel messenja guy from me dat goin go in front a you. An wen da time come fo me fo punish peopo, I goin punish da ones dat wen do da bad kine stuff.”

Smart Guys 4:19

Fo da peopo dat stay do bad kine stuff, Da way dey go, jalike stay real dark yet. Dey donno wat make dem fall down.

Isaiah 13:22

Da hyena an da jackal kine wild dogs goin howl Inside da fancy kine palaces ova dea. Da Babylon town ony get litto mo time! No mo plenny time fo wait awready!

Isaiah 5:19

Dat kine peopo tell, “We like God fo hurry up! We like him make fas fo do his work, Fo us guys see da ting Dat da Good An Spesho God fo da Israel peopo Make plan fo do. We like see dat happen quick, Den us guys goin know bout um.

Isaiah 60:22

Da mos litto bit peopo goin come tousan peopo. Da mos small ohana goin come one strong country. Me, Da One In Charge! Wen da right time come, I goin make um happen, right den an dea!”

Isaiah 8:15

Jalike plenny peopo goin fall down ova dat big stone, An come all bus up. An jalike dey goin get stuck inside dat trap An come prisonas.

Jeremiah 13:16

Tell erybody right now Dat yoa God, Da One In Charge, stay awesome. Cuz if you wait, Da One In Charge goin make you guys come bum out, Jalike he goin make eryting come dark fo you, An jalike he make you guys trip an fall down on top da mountains Wen come litto mo dark. You guys stay wait fo light come, But Da One In Charge goin make eryting come real dark Jalike you stay inside one skery big black cloud.

Jeremiah 20:11

But Da One In Charge, he stay wit me Jalike one skery kine army guy. Az why da guys dat like give me hard time, Dey goin trip an fall down. Dey no goin win. Dey goin come real shame. Tings no goin come good fo dem. Nobody goin foget dat dey get shame all da time.

Jeremiah 23:12

“Az why no matta wea dey go, Dey goin slip an fall down. I goin make dem go one dark kine place An dey goin fall down ova dea. I goin make real bad kine stuff happen to dem, Wen time fo me punish dem.” Az wat Da One In Charge tell.

Jeremiah 51:56

Wen da army guys go attack Babylon town fo wipe um out, Dey goin make da Babylon army guys dea prisonas, An broke dea bows an arrows. Cuz fo shua, dass da kine God me, Da One In Charge. I goin pay dem back fo eryting dey wen do.

Jeremiah 6:21

Az why Da One In Charge tell dis: “I da One goin make da peopo all jam up. Da faddahs an dea boys goin get wipe out same time. Frenz an peopo nea dem goin mahke.”

Jeremiah 8:12

You tink dey come shame cuz dey do pilau kine stuff? Nah! Dey no mo shame! Dey no even know how fo ack jalike dey shame! Az why dey goin fall down Wit da odda peopo dat get kill. I goin bring dem down Wen I come fo punish dem!” Az wat Da One In Charge tell.

Ezekiel 7:5

“Me, Da One In Charge, da Boss, I da One tell dis: Someting bad goin happen! One bad kine ting dat neva happen befo!

Hosea 13:12

“Da Efraim peopo get plenny blame. I write one lis a all da bad kine stuff dey do, An I keep dat lis fo punish.

Prieses 19:18

“If one a yoa peopo do someting bad to you, no go do someting bad to dem too. No stay piss off wit um, but get love an aloha fo da odda guy, jalike you get love an aloha fo you. Me, Da One In Charge, tell dis.

Nahum 1:2

Da One In Charge, da Boss, He one jealous God. He no like fo peopo pray to odda gods. He pay back peopo fo wat dey do. He stay real huhu. Fo shua, he pay back da peopo dat stay agains him. He had it wit wat da peopo do dat go agains him.

Nahum 1:6

Wen Da One In Charge stay real huhu, No mo nobody can stan in front him. Wen he mad, jalike he throw fire on top you. Jalike da cliffs come broke up cuz a him.

Habakkuk 2:3

Wat I goin show you, Gotta wait fo da right time. Az da trut bout da end. No matta how slow, wait fo um. Goin happen fo shua, but not late. Goin come wen come.

Rome 12:19

You my good frenz, so no go afta somebody fo pay um back wen he hurt you. Mo betta you wait, an let God take kea him, cuz God tell “Laytas” to wat dat kine peopo do. Da One In Charge wen tell dis befo time inside da Bible: “I da One dat pay back da peopo Fo do bad kine stuff.” Dass wat Da One In Charge tell.

Rome 13:4

Cuz da govmen guys in charge, dey da ones dat God wen pick fo help you. But if you do bad kine stuff, mo betta you stay sked! Dey da ones dat get da powa ova you fo make shua you get punish. Dose govmen guys, dey jalike helpa guys fo God, fo punish da peopo dat do bad kine stuff. Cuz da bad kine stuff dat peopo do, God tell “Laytas” to dat.

Rules Secon Time 32:43

All you peopos, yell plenny Cuz you stay good inside Wen you tink bout da peopo a Da One In Charge! Cuz he goin pay back da ones dat wen kill his worka guys. He goin pay back da peopo dat stay agains him. He goin make his peopo an land Come pono wit him one mo time.

Hebrews 10:30

Cuz we know da One dat wen tell dis inside da Bible: “I da One dat goin pay dem back. I goin punish um fo real kine.” An anodda place God tell dis: “God goin be da Judge fo his peopo.”

1 Peter 2:8

An da Bible tell dis too, “Dis da stone dat wen make da peopo fall down.” Dey fall down cuz dey no do wat God tell um fo do. Dass wat God tell goin happen to dem.

2 Peter 2:3

Dey greedy guys, da teachas dat bulai. Dey goin tell you guys any kine make up stories fo dem make choke plenny money from you guys. But you know, God da Judge. He no sleep! From long time, he stay ready fo punish dem an wipe um out fo shua. But he still stay waiting fo do dat.

1 Samuel 26:10

“Jalike fo shua Da One In Charge stay alive, same way I stay shua Saul goin mahke—maybe Da One In Charge goin be da One goin take um out. O maybe da time goin come fo him mahke regula kine. O maybe he come wipe out wen he stay fight one war.