Rules Secon Time 32:34 - Hawaii Pidgin Bible

³⁴ “Me, eryting I make one plan fo do, I keep um in one good place wit me An lock um up wea I put all my rich stuffs.

Rules Secon Time 32:34 ပူးပေါင်းရင်းမြစ်များ

Job 14:17

Jalike you goin put all da wrong tings I do Inside one bag dat you put one seal on top um, An cova ova all da bad kine stuff I wen do.

Jeremiah 2:22

“No matta you guys wash yoa pilau clotheses wit stuff fo make um clean, An use plenny soap, Still yet, I see you guys get da blame, Jalike you get one bad kine stain.” Dass da message from Da One In Charge, da Boss.

Jeremiah 32:10

I write my name on top da paypa dat tell dat I own da land, an I roll um up an put my mark on um. Den da guys dat see me write um, dey write dea name on top da outside. I use one scale fo weigh da silva in front erybody too.

Jeremiah 44:21

“You guys tink Da One In Charge foget da incense you wen burn, o wat?! You guys, an yoa ancesta guys, an yoa king guys, an yoa leada guys, an da peopo inside da land wen burn um inside da Judah towns an on top da Jerusalem streets?! Fo shua, Da One In Charge neva foget bout all dat kine stuff!

Hosea 13:12

“Da Efraim peopo get plenny blame. I write one lis a all da bad kine stuff dey do, An I keep dat lis fo punish.

Rome 2:5

But you get hard head. An you no like change wat you do. So, you stay make tings mo worse fo you. Bumbye God da Judge goin tell who wen do bad kine stuff, an erybody goin know dat God judge da right way. Den he goin punish you cuz he had it wit wat you do.

1 Corint 4:5

So, no make jalike you guys da judge fo odda peopo. Wait till Da One In Charge come back. He da One goin bring out in da light all da bad kine stuff da peopo try hide in da dark. He goin show all da tings dat dey tink inside dem. Den God goin talk good bout da good tings erybody do.

Rules Secon Time 29:28

Da One In Charge stay real huhu, an he no like wat dey stay do. Az why he bring dem outa dea land an throw dem inside anodda land, an dass how dey stay now.’ ”

Rules Secon Time 32:33

Da wine dey make, Jalike az poison from snakes, Da kine can kill peopo.