Rules Secon Time 32:29 - Hawaii Pidgin Bible

²⁹ I like dem know wat fo do erytime, An know how come all dis ting happen, An know wat goin happen afta. But az not how dey tink!

Rules Secon Time 32:29 ပူးပေါင်းရင်းမြစ်များ

Songs 107:15

Good, dose peopo tell good tings Bout Da One In Charge Cuz he stay tight wit his peopo, An he do awesome kine stuff Fo peopo all ova da world.

Songs 107:43

Da peopo dat know wat fo do erytime Good dey stay do all dis stuff, An tink plenny bout how God stay tight wit his peopo!

Songs 81:13

Bummahs! I like Fo my peopo lissen me, But dey no lissen! I like fo da Israel peopo do tings Da way I do um!

Songs 90:12

So den, help us guys fo know How much time we get fo real kine. Dass how we goin come mo smart Fo know wat fo do erytime.

Isaiah 10:3

But wat you guys goin do Wen da time come fo God punish you guys? Wen da army guys from far away Wipe you guys out jalike one storm? Wat peopo you guys goin run to Fo dem help you guys? Wea you guys goin leave all yoa rich stuffs Wen you run away?

Isaiah 42:23

Wat one a you guys goin lissen wat I tell?! Who goin lissen good An den do someting bumbye?

Isaiah 47:7

You Babylon guys talk Jalike you goin stay foeva, Jalike yoa town stay one queen foeva! But you neva tink bout all dis stuff, O wat goin happen bumbye Cuz a wat you stay do now!

Jeremiah 17:11

“Da guy dat come rich but he no do um da right way, He jalike da partridge bird, Dat sit on top her eggs but some a dem not born. Wen dat guy make thirty-five, da rich stuffs he wen steal, all gone awready, An wen he mahke, peopo goin tell he stupid.”

Jeremiah 5:31

Da guys dat tell dey talk fo God, Wateva dey tell, dey bulai. Da pries guys make da kine rules dey like. An my peopo like fo eryting stay lidat. But how you guys goin handle Wat goin happen cuz a dat, aah?”

Sad Song 1:9

Dey get da blame fo da bad kine stuff dey do. Az jalike if one wahine get blood on her skirts from her time ery month, Cuz she no tink bout wat goin happen bumbye. Da Jerusalem peopo, dey no tink bout wat goin happen to dem Cuz a da bad kine stuff dey stay do! Da wahine fall down, an dey drop dea jaws. No mo nobody can make her feel mo betta. She tell, “Eh! You Da One In Charge! Try look da hard time us guys get! Cuz da peopo dat stay agains us win awready!”

Hosea 14:9

Erybody dat know wat fo do erytime, An know wass good an wass bad, Dey goin know an undastan All dis stuff I wen write. Cuz Da One In Charge erytime go da right way, An da peopo dat do wass right, Dey go da same way. But da peopo dat go agains Da One In Charge, Dey trip an fall down wen dey try fo go Da way God like um fo go.

Haggai 2:18

From today, Decemba 18, tink good bout dis day. Dis da day you guys put da foundation fo my Temple. Tink plenny bout dis:

Luke 12:20

But God tell, ‘Eh brah! Wat you tinking! Tonite you goin mahke! Den who goin get all da stuffs you wen stack up?’

Rules Secon Time 31:29

Cuz fo shua afta I mahke, you guys goin jam up eryting real bad, an make eryting come pilau. You guys goin tell ‘Laytas’ to me an no do wat I tell you guys fo do. An layta, plenny bad kine stuff goin come on top you guys, cuz you guys goin do da kine stuff dass bad, da way Da One In Charge see you guys stay do. You guys goin make him come huhu cuz a da tings you guys make wit yoa hands.”

Rules Secon Time 5:29

I like dey tink lidat erytime, fo stay sked a me an do eryting I tell um fo do, so den eryting goin go good fo dem an dea kids, foeva!