Rules Secon Time 32:24 - Hawaii Pidgin Bible

²⁴ I goin make dem come skinny Cuz dey no goin get food. Dey goin get one real bad kine sick Dat make dem feel jalike da sick stay eat um up. I goin make um feel real bad Befo I wipe um out! I goin tell da wild animals fo bite dem, An sen da poison kine snake Dat crawl aroun on top da dirt.

Rules Secon Time 32:24 ပူးပေါင်းရင်းမြစ်များ

Start 3:14

Den God, Da One In Charge, tell da snake dis: “Eh! Cuz you wen do dat, I goin make bad tings happen to you. No mo anodda animal dat I goin make bad tings happen to dem, Da way goin happen to you! From now till you mahke, You goin crawl on top yoa belly Wit yoa face in da dirt!

Start 49:15

He figga, az one good place fo res, An nice, da land. All da time, he jus one worka guy. Az why no bodda him bus ass fo carry one big load.

Job 20:16

Wen da guys dat rip off stuff get rich kine stuffs, Az not dea candy. Dey suck da poison from da poison snakes. Dat poison goin kill um!

Songs 120:4

God goin punish you guys. Jalike he hurt you Wit da sharp arrows da army guys use, An wit da red hot charcoal from da broom bush!

Songs 91:6

You no need tink, “Bumbye dark time, Da plague goin kill me! Bumbye noon time, Some bad spirit goin wipe me out!”

Isaiah 65:25

Da wolf an da bebe sheep goin eat togedda. Da lion goin eat grass jalike da cow. But dirt still goin be da snake food. Dey no goin hurt o wipe out each odda On all da mountain dat stay spesho fo me.” Dass wat Da One In Charge tell.

Jeremiah 14:18

If I go out da country side, I see da guys dat da army guys wen kill wit swords. If I go aroun inside Jerusalem town, I see all da peopo dat stay sick Cuz no mo food. Da guys dat talk fo God an da pries guys Stay go all ova da land fo do dea work, But dey donno wat dey stay do!’ ”

Jeremiah 15:3

Da One In Charge tell: “I goin sen four kine tings fo wipe dem out: guys wit swords fo kill dem, da dogs fo drag da bodies out, da birds inside da sky, an da wild animals inside da fields fo eat um up an wipe um out.

Jeremiah 16:4

“Dey goin mahke cuz a all bad kine sick. No mo nobody goin stay sad inside an cry fo dem. No mo nobody goin bury dem. Dea mahke bodies goin lay on top da groun jalike rubbish. Dey goin mahke from da war, an cuz no mo food. Dea mahke bodies goin come food fo da birds an da wild animals.”

Jeremiah 8:17

Dis da message from Da One In Charge: “Dis wat I goin do. I goin sen da army guys all ova wea you guys stay live, Dey jalike poison snakes! No mo nobody can make dem come tame. Dey jalike snakes, an dey goin bite you guys!”

Sad Song 5:10

Oua skin stay hot jalike one oven. We get feva cuz we hungry.

Ezekiel 14:15

“O maybe I sen wild kine animals inside dat land fo kill da kids ova dea. An den peopo no can live dea. No mo nobody can go thru dea cuz da wild animals stay run aroun all ova da place.

Ezekiel 14:21

“Cuz dis wat me Da One In Charge, da Boss, tell: Fo shua, goin be mo worse fo da peopo inside Jerusalem wen I sen da four bad kine tings agains dem cuz I da Judge: war, no mo food, wild kine animals, an da real bad kine sick. Den da peopo an dea animals goin mahke.

Ezekiel 5:17

I goin cut off you guys food, an I goin sen da wild kine animals fo hurt you guys. Dass why yoa kids goin mahke. You guys goin get da real bad kine sick. Peopo goin stab you an you goin mahke. I goin sen army guys fo kill you guys wit swords. Me, Da One In Charge wen tell dis.”

Prieses 26:22

I goin sen wild kine animals agains you guys. Dey goin kill yoa kids, an wipe out yoa cows. Dey goin make you guys come ony litto bit peopo, den no mo nobody goin walk on top da roads inside yoa land.

Amos 9:3

No matta dey go all da way on top Mount Carmel An hide ova dea fo nobody see um, I goin find um an drag um back. No matta dey stay hide from me on da bottom a da ocean, I goin tell da big sea monsta wat fo do An he goin go afta um an bite um.

Micah 7:17

Dey goin eat dirt jalike da snake, An odda tings dat crawl on top da groun. Dey goin come from dea places wea dey live To oua God, dass Da One In Charge a us, An dey goin shake cuz dey stay plenny sked a you guys.”

Habakkuk 3:5

He sen da real bad kine sick in front him. Peopo mahke afta he leave.

Rules Secon Time 28:22

He goin give you guys one real bad kine sick. You guys goin get high fever an swell up. He goin make da land real hot, an no mo rain. He goin make da plants dry up from da sick an from mildew. Da sick goin stay till you guys mahke.

Rules Secon Time 28:48

So den you guys goin work fo da peopo dat stay agains you guys, not fo Da One In Charge. He goin sen dem agains you guys, an you goin get notting fo eat, an come thirsty, an no goin get clotheses notting. Jalike he goin put one iron yoke on top yoa neck, till he wipe out you guys.

Rules Secon Time 28:53

“Cuz a dat, you even goin eat yoa kids—da meat from da bodies a yoa boys an girls dat yoa God, Da One In Charge, wen give you guys. Cuz da peopo dat stay agains you guys goin put dea army guys all aroun you guys, an you guys goin suffa plenny.