Rules Secon Time 32:22 - Hawaii Pidgin Bible

²² I stay huhu jalike one fire dat stay burn. Da fire dat burn all da way To da bottom a da Mahke Peopo Place, Goin burn up da earth an da food dat grow on top um. Goin burn up da foundations fo da mountains.

Rules Secon Time 32:22 ပူးပေါင်းရင်းမြစ်များ

Songs 144:5

Da One In Charge, make da sky Drop down low Fo you come down hea! Touch da mountains Fo make da smoke come out.

Songs 21:9

Wen you face all dose peopo, You goin wipe um out Jalike you put um inside one deep hole wea get fire. Da One In Charge, he stay huhu wit dem. Dass why he goin wipe um out. Dey goin mahke, jalike da fire eat um up.

Songs 46:2

Dass how come us guys no stay sked, No matta get earthquake An da mountains fall down An broke into small pieces An fall down inside da ocean.

Songs 83:14

Jalike da fire burn da whole fores O burn up stuff all ova da mountains,

Songs 86:13

Cuz you stay real tight wit me. You even make um Fo me no gotta go da mos deep part A da Mahke Peopo Place!

Songs 97:3

Get fire dat go in front him An burn up all da ones aroun him Dat stay agains him.

Isaiah 24:6

Dass why God put kahuna on top da world Fo burn up eryting dea. All da peopo dat live dea, Dey gotta suffa cuz dey wen do wrong. Dass why, from da ones dat live on top da earth, Ony litto bit peopo stay now.

Isaiah 30:33

Da place outside Jerusalem Wea da peopo dat donno God Burn up dea kids Fo make one sacrifice fo dea idol kine gods, From long time, jalike dat place stay ready Fo burn up da Assyria king. Somebody wen dig da burning place Real deep an real wide. Get plenny fire An plenny wood all pile up dea. Wen Da One In Charge blow on top um, Make um start fo burn, Jalike one burning sulfur riva Make da wood pile burn.

Isaiah 54:10

No matta no mo da mountain An da hills shake, Da way I stay tight wit you guys, Dat no goin change, An da deal I wen make wit you guys Fo make shua eryting stay good fo you, Dat goin still stay solid.” Dass wat Da One In Charge tell. He get love an pity fo you guys.

Jeremiah 15:14

I goin let da peopo dat stay agains you guys Take you guys away Inside one land you guys donno from befo time. I goin do all dis cuz I stay real huhu wit you guys, Jalike one hot burning fire.”

Jeremiah 17:4

You guys get da blame! Az why you guys goin lose da land I wen give you guys fo come yoa property. I goin make you guys come slaves fo da peopo dat stay agains you Inside one land you guys donno from befo time. Az cuz you guys wen make me come real huhu, Jalike one real hot fire dat goin burn foeva.”

Jeremiah 4:4

Cut skin yoa boys fo show dat dey da peopo a Da One In Charge. Make same kine inside you, Fo show dat inside, you da peopo a Da One In Charge, fo real kine! Cuz if you guys not pono inside, Den I talking to you guys from Judah, An you peopo dat live inside Jerusalem town: I tell, I no like show how mad I stay agains you guys, An burn you up jalike wit fire! But if you guys stay do real bad kine stuff still yet, Den no goin get nobody dea fo pio dat fire!”

Sad Song 2:2

Jalike da Boss wen wase all da houses fo da Jacob peopo. He no mo pity fo dem. He bus up da strong wall aroun da Judah peopo, Cuz he stay real huhu agains da peopo. He make da king an da princes lose face. He bring um down to da groun, Cuz nobody get respeck fo dem now.

Sad Song 2:3

He chop down da Israel peopo, He make um come weak, cuz he stay real huhu. Wen da peopo dat stay agains dem come nea, He no use his powa fo help dem. He make jalike one fire, burning da Jacob peopo, One fire dat burn up eryting aroun um.

Sad Song 2:4

Jalike God stay agains us guys, he make his bow ready. His right hand stay ready fo shoot da arrow. He kill erybody dat us guys love da mostes. Cuz he real huhu, jalike he dump fire On top da place wea da Jerusalem peopo live!

Sad Song 4:11

Da One In Charge come real huhu wit dem. He tell “Laytas” to wat dey do. He make one fire inside Jerusalem town, Dat burn down eryting to da foundations, all ova Zion town.

Ezekiel 19:12

But da plant get pull out cuz somebody plenny huhu, Dey throw um down on top da groun. Da hot wind from da boonies make um come dry An make da fruits fall down. Da strong branches come dry An da fire burn um up.

Ezekiel 22:21

I goin bring you guys togedda an blow fire on top you guys cuz I mad. An you guys goin melt ova dea inside Jerusalem.

Ezekiel 36:5

Me, Da One In Charge, da Boss, tell dis: I stay real huhu jalike one hot fire! I stay huhu wit da odda nations an wit all da Edom peopo cuz dey get bad attitude, an make jalike dey get good fun wen dey take ova my property. Az cuz dey like rip off da grass land fo dea sheeps eat ova dea.

Ezekiel 38:19

I goin go all out fo show dat I supa mad. An I promise fo do dis: Dat time, goin get one big earthquake inside da Israel land!

Prieses 26:20

You guys goin bus ass fo notting, cuz yoa land no goin grow notting, an da trees on top yoa land no goin give fruits.

Amos 5:6

Amos tell: “Eh you guys! Go by Da One In Charge fo get help Fo you guys stay alive an no mahke. But if you no like, God goin wipe out da Joseph ohana real fas, jalike wit fire, An burn up Bethel town real fas, An nobody goin pio da fire.”

Amos 7:4

“Anodda time, dis wat Da One In Charge a me wen show me. Was jalike one dream: Da One In Charge a me stay make ready fo punish da peopo wit fire, da kine fire dat even dry up da big watta. Now, dat fire stay ready fo burn up all da fields too!

Micah 1:4

Jalike da mountain melt unda him, Jalike da wax melt in front da fire. An jalike da valley bus open, Wen da watta come down da mountain real fas.

Habakkuk 3:10

Wen da mountains see you do dat, dey shake. Da rain storm make big watta go thru da gulches. Da deep ocean make big noise, An make da waves go real high.

Zefaniah 1:18

Dea silva an gold no can get dem outa trouble dat day Wen Da One In Charge go wild wit dem. He goin be jealous, jalike one fire Dat goin burn up all da peopo inside da world. Cuz az fo real, dat he goin bring one skery end Fo all da peopo dat live on top da earth!”

Zefaniah 3:8

Da One In Charge tell: “Az why wait fo me, Fo da day I goin stan up fo poin finga da Jerusalem peopo. Cuz I make up my mind awready Fo bring togedda all da peopos an dea kings. An I goin make dem know dat I stay real huhu wit dem. I goin burn up all da peopo inside da world, Cuz I go all out fo no let um go down in front odda gods!

Census 16:33

Dey go down inside da Mahke Peopo Place wen dey still yet stay alive, wit all dea stuffs. Den da earth cova dem, an dey mahke. Dey stay wipe out from dea peopo.

Census 16:35

Den fire come from Da One In Charge an burn up da odda 250 guys dat stay burn incense.

Matthew 10:28

No sked da guys dat can make yoa body mahke, but no can make yoa spirit mahke. But you guys betta come sked a God. He can make yoa body an yoa spirit get cut off from God foeva inside Hell.

Matthew 18:9

If yoa eye make you do bad kine stuff, pull um out an throw um away! Mo betta you live foeva wit one eye. No good you get two eyes an dey throw you inside Hell wea get plenny fire.”

Matthew 23:33

You guys jalike da poison snakes, an you guys come from one snake ohana! You guys tink God da Judge goin let you guys go? No way! You tink you guys not goin go Hell? No way!

Rules Secon Time 29:20

Da One In Charge fo shua no goin let dat kine guy go. Da One In Charge tell ‘Laytas’ to dat kine stuff. All da bad kine stuff dis book tell goin happen to dat kine guy, an Da One In Charge goin hemo his name from unda da sky.

2 Tessalonika 1:8

Goin get one big fire dat time. God goin punish da peopo dat donno him, an no like lissen da Good Stuff Bout Da One In Charge a us guys, dass Jesus.

Hebrews 12:29

You know, jalike da Bible tell, “Oua God, he jalike one fire dat burn up eryting.”